نیویارک ټایمز د تهران او مسقط له خبرو د باخبره ایراني او امریکايي چارواکو په حواله راپور ورکړی، چې ایران او عمان د هرمز تنګي د بېرته پرانیستلو لپاره یوې هوکړې ته نږدې شوي دي. دوو ایراني چارواکو هم ویلي، چې له دغه عوایدو څخه به د ایران او عمان ونډه مساوي وي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، د دوشنبې په ورځ (د زمري ۱۲مه) د هېواد له بېلابېلو لارو ۳۶۳ کډوالې کورنۍ چې ټولټال ۱۹۵۰ کسان کېږي؛ افغانستان ته ستنې شوې دي.
د کاپیسا په کوهبند ولسوالۍ کې د طالبانو امنیه قوماندان امانالله حکیم وايي، د کشفي معلوماتو پربنسټ یې هغه درې کسان نیولي چې په لرغونو سیمو کې یې ناقانونه کېندنې او استخراج کاوه.
په بلخ کې د طالبانو تر واک لاندې د دولتي مسلخ شرکت وایي، چې تاجکستان او ازبکستان ته یې د پسه غوښې صادرات پیل کړي او هره میاشت د شاوخوا ۳۰زره پسونو غوښه دغه هېوادونو ته صادرېږي.
ګارډین ورځپاڼې د یوه لوړپوړي پاکستاني چارواکي په حواله راپور ورکړی، چې اسلاماباد د اوسني کړکېچ سربېره لاهم د امریکا او ایران ترمنځ د تاوتریخوالي د کمولو لپاره پټې ډیپلوماټیکې هڅې روانې ساتلې او د منځګړي رول لوبوي.
د امریکا یوې فدرالي محکمې د دغه هېواد د بهرنیو چارو وزارت ته امر کړی، چې د ۱۵ ورځو په موده کې د یوشمېر افغان کډوالو د کورنیو لپاره د سفر اسناد صادر کړي. محکمې ټینګار کړی، چې د افغانستان د وګړو پر سفر بندیز باید امریکا ته د دغه کډوالو د مېرمنو او اولادونو د سفر مخه ونه نیسي.
د افغانستان د فوټسال ملي لوبډلې د تایلنډ ۲۰۲۶کال کانټیننټال جام سیالیو په دویمه لوبه کې له ویتنام نه د ۲-۱ امتیازونو په توپیر ماتې وخوړه. دا په دغه سیالیو کې د افغانستان دویمه پرلهپسې ماتې وه.
په داسې حال کې چې له پاکستان نه افغانستان ته د افغان کډوالو د ستنېدو لړۍ روانه ده؛ د خیبر پښتونخوا په بېلابېلو زندانونو کې لاهم سلګونه افغانان بندیان دي. د افغانستان انټرنشنل لهخوا د راغونډ شویو معلوماتو له مخې؛ اوسمهال د دغه ایالت په زندانونو کې ۵۸۸ افغان بندیان دي.
روسي ورځپاڼې ایزوستیا په یوه تحلیلي راپور کې لیکلي چې د امریکا ولسمشر ډونالډ ټرمپ پر ایران د پراخ پوځي برید د لغوه کولو له پرېکړې سره سره، واشنګټن ښايي په قصدي ډول د رواني فشارونو او متضادو پیغامونو له لارې تهران مغشوش کړي، څو د احتمالي ناڅاپي پوځي برید لپاره زمینه برابره شي.
ټاکل شوې چې د افغانستان د فوټسال ملي لوبډله د چهارشنبې په ورځ د ۲۰۲۶ کال د کانټیننټال جام فوټسال نړیوالو سیالیو په ترڅ کې په تایلنډ کې د روسیې د ملي لوبډلې پر وړاندې میدان ته ووځي.
د طالبانو د ترانسپورټ او هوايي چلند وزارت د هواپوهنې ادارې د هېواد په اتو ولایتونو کې د شدیدو ورښتونو، تالندې برېښنا، تیزو بادونو او ناڅاپي سېلابونو د راوتلو اټکل کړی او له خلکو یې د احتیاطي تدابیرو غوښتنه کړې ده.
د ننګرهار، لغمان او کونړ یو شمېر اوسېدونکي وايي، د طالبانو پر ضد د وسلهوالو مخالفو ډلو له وروستیو پرمختګونو وروسته، د طالبانو استخباراتي ادارو له قومي مشرانو، ملا امامانو او نفوذ لرونکو کسانو څخه د پخواني جمهوري نظام دسرتیرو د معلوماتو او نوملړونو د برابرولو غوښتنه کړې ده.
د زابل ولایت د مرکز قلات اړوند د کابل ـ کندهار پر لویه لار د یوه مسافر وړونکي بس د چپه کېدو له امله ۱۶ تنه ټپیان شوي دي.
د مولداوي د بهرنیو چارو وزارت د دوشنبې په ورځ تایید کړه چې د طالبانو د کرنې وزارت یوه پلاوي ته یې د سفر ویزې صادرې کړي، خو ټینګار یې کړی چې دا اقدام د طالبانو حکومت د رسمیت پېژندنې په معنا نه دی او د مولداوي چارواکي به له دې پلاوي سره هېڅ رسمي یا دوهاړخیزه لیدنه ونه کړي.
یو افغان چې د افغانستان انټرنشنل ته یې ویډیو او معلومات لېږلي، وايي د اسلامکلا ـ هرات لویه لار، چې د افغانستان د لوېدیځ تر ټولو مهم ترانزیټي مسیر او د هېواد له حیاتي اقتصادي لارو څخه ګڼل کېږي، له جدي خرابوالي سره مخ ده.
عوامي نشنل ګوند د افغانستان څخه د طبي زده کړو په اړوند د پاکستان د طبي شورا يوې پرېکړې ته په غبرګون کې ويلي، «له افغانستان څخه د طبي زده کړو د ترلاسه کوونکو پاکستاني زدهکوونکو له راتلونکي سره لوبې کول د منلو وړ نه دي».
د پاکستان طبي شورا ( پي ایم ډي سي) په افغانستان کې په طبي زدهکړو بوختو پاکستاني محصلینو ته خبرداری ورکړی چې د افغانستان له طبي پوهنتونونو فارغېدل به دوی ته په پاکستان کې د ډاکټرۍ د مسلک د ترسره کولو حق ورنه کړي.
د افغانستان د «ښځو د ازادۍ شبکې» غړو د طالبانو واک ته د بېرته رسېدو د پنځم کال په درشل کې په یوه سولهییز اعتراضي اقدام کې د ښځو د زدهکړې، کار، ازادۍ او برابرۍ غوښتنه وکړه او له نړیوالې ټولنې یې وغوښتل چې د ښځو په اړه د طالبانو د محدودیتونو پر وړاندې عملي ګامونه واخلي.
د خبریالانو د ساتنې کمېټې د اسیا او ارام سمندر هېوادونو څانګه وايي، په اسلاماباد کې د خپلواک خبریال رازي طاهر او د هغه د همکار محمد سیف د ورکېدو په تړاو «ژوره اندېښنه» لري او له پاکستاني چارواکو غواړي چې د دواړو د برخلیک په اړه وضاحت ورکړي.
د خيبرپښتونخوا په قبايلي ولسوالۍ جنوبي وزيرستان کې د يوه ماين په چاودنه کې ځايي مخور او ديني عالم وژل شوی او يو بل تن ټپي شوی دی.
روسیه وايي، اوکراین پر زاپوریژیا اټومي بټۍ خپلو بریدونو ته دوام ورکړی او خبرداری یې ورکړی چې دغه «بېپروا» اقدامات له جدي خطرونو سره مل دي.