د ترکیې ولسمشر رجب طیب اردوغان د جمعې په ورځ د ترکمنستان په عشقاباد کې د سولې او باور جوړونې د نړیوالې غونډې په څنډه کې د پاکستان له لومړي وزیر شهباز شریف سره لیدلي دي. هغه ویلي چې ترکیه چمتو ده د پاکستان او طالبانو ترمنځ د اوربند د دوام لپاره همکاري او مرسته وکړي.
د راپورونو له مخې د پاکستان لومړي وزیر شهباز شریف د جمعې په ورځ د روسیې د ولسمشر ولادیمیر پوتین او د ترکیې د ولسمشر رجب طیب اردوغان سره په کډه غونډه کې ګډون کړی خو په یوه خپره شوې ويډو کې ښکاري چې شهباز شریف د لیدنې دمخه ۴۰ دقیقې انتظار کړی دی.
د طالبانو د کورنیو چارو وزیر سراج الدین حقاني د جمعې په ورځ په خوست ولایت کې په یوه وینا کې ویلي چې هغه حکومت چې د «وېرې او زور» له لارې خلک اداره کوي رښتینی حکومت نه دی. هغه ټینګار وکړ، چې د تېرو کړنو له امله یو څوک باید بل ته سپکاوی یا یې محکوم نه کړي.
په تېرو ۴۸ کلونو کې پاکستان د سیمې د جهادي او افراطي ډلو په واک کې د پام وړ نقش لوبولی دی. له مجاهدینو نیولې تر لشکر طیبه، جیش محمد، جیش العدل، طالبانو او ټي ټي پي پورې یې دا ډلې د خپلې ستراتیژیکو ګټو لپاره وکارولې؛ خو اوس معادله بدله ښکاري، دا مالکیت طالبانو تر لاسه کړی دی.
د روسیې ولسمشر ولادیمیر پوتین په عشق اباد کې د سولې او باور جوړونې په نړیوال فورم کې ویلي، چې ملګري ملتونه لا هم په نړیوال سیاست کې مهم او بې ساری رول لري.
د طالبانو د کډوالو او راستنېدونکو چارو وزیر مولوي عبدالکبیر په پکتیا کې یوې غونډي ته د وینا پرمهال ویلي، که نړۍ له یادې ډلې سره د ښو اړیکو هیله لري، د طالباني نظام په جوړښت کې دې لاسوهنه نه کوي.
د افغانستان د پارلمان پخوانۍ غړې او د ښځو حقونو فعاله فوزیه کوفي په مادرید کې د افغان ښځو او فعالانو په غونډه کې ویلي، چې د طالبانو له خوا د ۲۶۰ صادر شویو فرمانونو څخه ۱۶۱ یې د ښځو پر ضد دي.
د افغانستان لپاره د ملګرو ملتونو د بشري حقونو ځانګړي راپور ورکوونکي رېچارډ بېنټ د مادرید په درېیمه غونډه کې د افغان مېرمنو د وضعیت په اړه ویلي، چې د ښځو په وړاندې د طالبانو کړنې «د بشریت پر ضد جرمونه» دي او د طالبانو ادارې لپاره دې د «جنسیتي اپارتاید» اصطلاح وکارول شي.
د افغانستان بهرنیو چارو پخواني وزیر محمد حنیف اتمر په یوه ځانګړې مرکه کې افغانستان انټرنشنل ته وویل، چې د تېر جمهوریت پرمهال د طالبانو د ریاست الوزرا اقتصادي مرستیال ملا عبدالغني برادر د خوشې کولو لپاره یې لس ځله پاکستان ته سفر کړی و.
د ملګرو ملتونو د بشري حقونو پخوانۍ کمېشنره، میشیل باچلیټ، د جمعې په ورځ په مادرید کې د افغان فعالانو او مېرمنو په یوه ځانګړې غونډه کې ویلي چې د خپلو حقونو د ترلاسه کولو لپاره د افغان ښځو او نجونو مبارزه نوره یوازې یوه کورنۍ مسله نه ده، بلکې یوه «نړیواله مبارزه»ګرځېدلې ده.
د سپین بولدک څخه سیمه ییزو سرچینو افغانستان انټرنشنل - پښتو ته ویلي، چې د مولوي عزیزالله په نوم د یوه جامع جومات ملا امام تېره شپه وسله والو په ډزو سره وژلی دی.
طالبان وايي چې په هلمند او نمیروز ولایتونو کې د ډیورنډ کرښې په اوږدو کې یې د نویو امنیتي پوستو د جوړېدو چارې روانې کړې او نن د طالبانو د ۲۱۵ عزم قول اردو قومندان له دغه نویو جوړېدونکو پوستو څخه لیدنه کړې ده.
د پاکستان لومړي وزیر شهباز شریف ويلي، له افغانستان نه د ترهګرۍ نوی ګواښ راټوکېدلی او نړۍواله ټولنه باید پر طالبانو فشار راوړي چې په دې برخه کې خپل نړۍوال او امنیتي مسوولیتونه ادا کړي.
د غزې د الشفا روغتون چارواکو ویلي، چې له تېرې ورځې راهیسې په غزه کې د سړې هوا له کبله درې ماشومان مړه شوي دي. دا مهال شاوخوا ۱.۵ مېلیونه د غزې بېځایه شوي اوسېدونکي تر خېمو لاندې ژوند کوي.
د طالبانو د امربالمعروف، نهې عن المنکر او شکایتونو اورېدو وزارت خبر ورکړی، چې د دوی محتسبانو په تېره یوه اونۍ کې د افغانستان په بېلابېلو ولایتونو کې ۱۲ کوډګر نیولي دي. د یاد وزارت په خبرپاڼه کې راغلي، چې نیول شوي کوډګر عدلي او قضایي ارګانونو ته ور پېژندل شوي دي.
روسیې د اوکراین د سوېلي ښار اوډیسا د انرژۍ پر تاسیساتو برید کړی، چې له امله یې پراخه اورلګېدنه رامنځته شوې ده. د دغه ولایت والي اولیه کیپر ویلي، چې د دغه برید له امله شاوخوا سیمې چې د اوکراین لوی سمندري بندرونه هم پهکې موقعیت لري؛ له برېښنا بېبرخې شوې دي.
د ایران د بهرنیو چارو وزارت مرستیال محمدرضا بهرامي ویلي، چې په تهران کې د افغانستان په اړه د سیمهییزې ناستې موخه د دغه هېواد په اړه د هېوادونو د ځانګړو استازو د نظرونو تبادله ده.
د طالبانو تر واک لاندې ملي راډیو ټلوېزیون خبر ورکړی، د احمدشاه بابا د کور د بیارغونې پرمهال درې تاریخي اثار موندل شوي چې پهکې دوه ډبرین او خاورین څراغونه او د احمدشاهي دورې یو زنځیر شامل دی.
د رېښتر په کچه د ۶.۷ درجو په شدت یوې زورورې زلزلې د جاپان شمال ختیځه برخه ولړزوله. دغه زلزله د ځمکې له سطحې ۲۰ کیلومتره ژوره وه. د جاپان د هواپېژندنې ادارې د میاګي، ایواته او ایوموري ولایتونو او همدارنګه د هوکایدو سوېل ختیځ ساحل کې د سونامي د احتمالي ګواښ خبرداری ورکړی.
د نوبل جایزې ګټونکې شیرین عبادي له نړۍوالې ټولنې غوښتي، چې له طالبانو سره خپلې اړیکې د افغان ښځو د حقونو د وضعیت له ښه کېدو سره مشروطې کړي. عبادي د افغان ښځو لپاره په «ولسي محکمه» کې وویل، چې طالبان د شریعت له نوم او تعبیر څخه ناوړه استفاده کوي او ښځې له زدهکړو بېبرخې کوي.
د ملګرو ملتونو د ماشومانو د ملاتړ صندوق (یونېسف) خبرداری ورکړی، چې افغانان لاهم له سخت بشري ناورین سره مخ دي او دوی په راتلونکي ۲۰۲۶کال کې د ۹۴۹مېلیونه ډالرو بېړنۍ مرستې ته اړتیا لري.