د هیلۍ په نوم یوه نجلۍ ادعا لري چې د ننګرهار امنیې قومندانۍ پخوانی ویاند مولوي عبدالبصیر زابلی یې ګواښي چې د هغې عکسونه او ویډیوګانې په رسنیزې کړي.دغه طالب چارواکی دا مهال زابل کې د طالبانو د امنیه قوماندانۍ د پولیسو د حقوقو برخې مدیر دی او د دغه نجلۍ سره یې ویډیو اړیکې هم کولې.
د خوړو نړیوال پروګرام (ډبلیو ایف پي) د افغانستان لپاره مشر، جان ایلیف خبرداری ورکړی چې په افغانستان کې د خوارځواکۍ بحران له کنټروله وتلی او وضعیت ورځ تر بلې خرابېږي، خو د بودجې د سخت کمښت له امله د دې بحران د مهارولو وړتیا نه لري.
د پاکستان د اطلاعاتو او خپرونو وزارت د نويو لارښوونو له مخې، ټول بهرني خبریالان او د بهرنیو رسنیو کارکوونکي اړ دي چې له اسلام اباد، لاهور او کراچۍ څخه بهر د خبري پوښښ او راپور جوړولو لپاره د دغه وزارت اجازه لیک ترلاسه کړي.
د جرمني د فرانکفورت د ختیځ بندر ګمرک کارکوونکو د یوې لارۍ د پلټنې پر مهال ۶۲ زره او ۴۰۰ داسې انرژۍ او څښاک توکي نیولي چې د مشهورو برانډونو په تقلید جوړ شوي وو او فرانسې ته لېږدول کېدل. پولیسو د انرژۍ د جوړېدو ځای افغانستان بللی دی.
قطر وايي چې د واشنګټن او تهران ترمنځ د روانې جګړې د پای ته رسولو او هرمز تنګي د بېرته پرانیستلو په موخه په پیل شویو ډیپلوماټیکو هڅو کې پام وړ پرمختګ شوی دی.
د طالبانو د ۲۰۱ خالد بن ولید قول اردو مرستیال محمد نظامي وایي، افغان طالبانو خپلو مخالفانو ته تل غاښ ماتوونکی ځواب ورکړی او هغوی یې ان په اسلام اباد، راولپنډۍ او خیبر پښتونخوا کې ځپلي دي.
د پاکستان د کورنیو چارو وزیر محسن نقوي په یوه غونډه کې د دغه هېواد پر اوسني اداري جوړښت د نیوکې په ترڅ کې څرګنده کړه چې نوي اداري واحدونه د زمانې له غوښتنې سره سم باید رامنځته شي، ځکه اوسني اداري جوړښتونه زاړه او د خلکو غوښتنو ته ځواب ورکوونکي نه دي.
د طالبانو د زمري ۲۴مې د نمانځنې کمېټې مسوولانو په کابل کې د صنعت، سوداګرۍ او کرنې د خونو له استازو سره د همغږۍ ناسته کړې ده. د طالبانو چارواکو د دې ورځې نمانځل ګډ مسوولیت وباله او ویې ویل چې دا ورځ «دښمنانو ته د افغانانو د یووالي پیغام ورکوي».
ځینې کسان د لږو خوړو په خوړلو هم ژر چاغېږي، خو ځینې نور بیا له ډېرو خوړو سره هم وزن نه اخلي. متخصصان وایي، د بدن د انرژۍ د سوځېدو کچه، جنیټیک، هورمونونه، د خوړو ډول، فزیکي فعالیت، خوب او ذهني فشار د وزن په زیاتېدو او کمېدو کې مهم رول لري.
د ملګرو ملتونو د بشري مرستو د همغږۍ دفتر (اوچا) ویلي چې استرالیا د افغانستان له بشري صندوق سره ۶،۳ میلیونه ډالره مرسته کړې ده. اوچا د استرالیا دغه مرسته د زیانمنو افغانانو لپاره حیاتي بللې ده.
د رویټرز د راپور له مخې، ایران له عمان سره د هرمز تنګي د بیا پرانیستو په اړه د موقتي پلان پر سر خبرې کړې دي او غواړي د ورتلونکو بېړیو کنټرول او د وتونکو بېړیو څارنه په خپل واک کې ولري. راپور وایي، د هرمز تنګي پر سر اختلاف لا هم د امریکا او ایران د خبرو مهمه لانجمنه موضوع ده.
د ۲۰۲۶ کال د جولای میاشتې شمېرې ښيي چې په پښتونخوا کې لږ تر لږه ۹۳ ملکي وګړي، ۱۱۲ پاکستاني نظامیان او له ۴۰۰ څخه زیات وسلهوال وژل شوي، خو په ورته وخت کې په غزه کې ۱۵۲ فلسطینیان وژل شوي دي. شنونکي وايي، په پښتونخوا کې مرګژوبله له غزې نږدې څلور برابره لوړه وه.
د طالبانو سرچینو افغانستان انټرنشنل ته وویل، چې د طالبانو د مشر مولوي هبت الله د فرمانونو او حکمونو دتعقیب او نظارت لوی ریاست ددې ډلې د کلیو او پراختیا وزیر عبداللطیف منصور له لوري د خپلوانو د ګومارنو په اړه څېړنې کوي. نوموړي د خپل زوی په ګډون ۱۸ خپلوان په ادارو کې ګومارلي.
د مالدووا دوو سیاسي ګوندونو د طالبانو تر کنټرول لاندې د کرنې وزارت د پلاوي د سفر له امله د بهرنیو چارو وزیر میهای پاپشوی او د کرنې وزارت د دولت منشي واسیلې شاربان د استعفا غوښتنه کړې ده.
د بښنې نړیوال سازمان د عمران خان د بند د درېیم کال په پوره کېدو سره له پاکستاني چارواکو غوښتي چې د پخواني لومړي وزیر او د هغه مېرمن بشرا بي بي ته د کورنۍ، وکیلانو او طبي درملنې حقونه بېرته ورکړي او انفرادي بند یې پای ته ورسوي.
د مالدووا لومړي وزیر واسیلې توفان د طالبانو د پلاوي د سفر د منظورۍ موضوع «ناسمه او د نه منلو وړ» بللې او ویلي یې دي چې حکومت یې د طالبانو اداره په رسمیت نه پېژني. هغه ویلي چې د سفر اجازه د ادارو ترمنځ د «ارزونې او همغږۍ د تېروتنې» له امله ورکړل شوې ده.
د ایران د سپاه له ملاتړه برخمنې فاطـ.ـمیون ډلې یوه قوماندان افغانستان انټرنشنل ته وویل چې له خپلو سلګونو جنګیالیو سره یوځای د طالبانو پر وړاندې جګړې ته چمتو دی. هغه ویلي، چې د امکاناتو په بدل کې د یوې جبهې تر بیرغ لاندې د خپو جنګیالیو را غونډولو ته تیار دی.
د قزاقستان د کرنې وزارت وايي، دغه هېواد د ۲۰۲۵ کال له سپټمبر څخه د ۲۰۲۶ کال د جولای تر پایه افغانستان ته ۲،۴ میلیونه ټنه غله صادر کړې چې د تېر کال په پرتله ۵۷ سلنه زیاتوالی ښيي. وزارت د افغانستان او منځنۍ اسیا په بازارونو کې د تقاضا لوړېدل د صادراتو د زیاتېدو اصلي لامل بللی دی.
د مالدووا د بهرنیو چارو وزارت تایید کړې چې د طالبانو یوه پلاوی دغه هېواد ته سفر کړی، خو ویلي یې دي چې له طالبانو سره رسمي اړیکې او دوه اړخیزې غونډې نه کیږي. دغه پلاوی د افغانستان د خوړو خوندیتوب او احتمالي بشري مرستو په اړه د بحثونو لپاره بلل شوی دی.
د طالبانو ویاند واک ته د دې ډلې د بېرته ګرځېدو له پنځمې کلیزې سره هممهاله د وضعیت په اړه د ملګرو ملتونو د امنیت شورا د ارزونې په اړه وویل، چې په ملګرو ملتونو کې د دوی د رسمي استازي له حضور پرته به د افغانستان د وضعیت په تړاو د یاد سازمان ارزونې بشپړې او منصفانه نه وي.
د طالبانو مرستیال ویاند حمدالله فطرت ویلي، چې ددوشنبې په ورځ ۳۶۳ کډوالې کورنۍ چې ۱۹۵۰ غړي لري، د تورخم، سپین بولدک، ورېښمو پل او اسلام کلا له لارو هېواد ته راستنې شوې دي.