امریکایي رسنۍ «این بي سي نیوز» راپور ورکړی، چې په قطر کې میشت هغه افغانان چې د شلو کلونو جګړې پر مهال یې له امریکايي ځواکونو سره مرسته او کار کړی، اوس له نامعلوم او اندېښمن حالت سره مخ دي. اېن بي سي وايي، دغه افغان همکاران ویریږي چې ښايي بېرته افغانستان ته ستانه کړل شي.
په ناروې کې مېشتو یو شمېر افغانانو، د بېلابېلو ټولنو غړو او د بشري حقونو، عدالت او سولې ملاتړو د ناروې د پارلمان مخې ته سوله ییز لاریون او غونډه کړې او پر افغانستان د پاکستان وروستي بریدونه او ملکي مرګ ژوبله یې غندلي دي.
د طالبانو تر واک لاندې ازموینو ملي ادارې رییس عبدالباقي حقاني د ۱۴۰۵ کال د عمومي کانکور احتمالي پلان د اعلان غونډه کې ویلي، چې سږ کال به لوړو زدهکړو ته د عمومي زدهکړو ۵۹ زره ۴۶۰ او د مدرسو ۲۴۰۰ فارغان جذب شي.
د طالبانو د هلمند والي وايي، چې پاکستان د امریکا په سپارښتنه پر افغانستان هوايي بریدونه کوي او دغو بریدونو ددوی د مخالفانو برېتونه هم یوڅه غوړ کړل. امان الدین منصور په بدخشان کې یوې غونډې ته ویلي، چې «د مخالفانو پښې به ور غوڅې کړي».
د طالبانو ستره محکمه وایي، چې په جوزجان او بلخ ولایتونو کې یې د دوو جلا قضیو په ترڅ کې ۷کسان، چې درې ښځې هم پکې شاملې دي، په عام محضر کې په دُرو وهلي دي.
ایران ویلي چې که امریکا ځمکنی برید وکړي، چمتو دی ځواب ورکړي. تهران د یکشنبې په ورځ واشنګټن تورن کړ چې له یوې خوا د خبرو غوښتنه کوي، خو له بلې خوا د ځمکني برید لپاره چمتووالی نیسي.
په کابل کې د طالبانو د سوداګرۍ وزیر او د ازبکستان د نمنګان د والي په مشرۍ پلاوي ترمنځ په ناسته کې هوکړه شوې، چې د افغانستان د خصوصي سکتور د استازو یو پلاوی به د سوداګریزو فرصتونو د تشخیص لپاره ازبکستان ته لاړ شي.
د سعودي عربستان د بهرنیو چارو وزیر شهزاده فیصل بن فرحان ال سعودپه پاکستان کې په څلوراړخیزه ناسته کې د ګډون لپاره اسلام اباد ته رسېدلی. په دې غونډه کې د سعودي عربستان، پاکستان، مصر عربي او ترکیې استازي برخه اخلي.
د طالبانو د پېښو پر وړاندې د چمتووالي ادارې ویاند محمد یوسف حماد ویلي، چې په تېرو ۲۴ساعتونو کې د سختو بارانونو، تالندې، د غره ښوېېدنې او د نېزونو راوتلو له امله د هېواد په ۱۳ولایتونو کې ۱۷ کسان مړه شوي دي.
د طالبانو د کلیو د بیارغونې او پراختیا وزارت وایي، چې ملا عبداللطیف منصور د افغانستان لپاره د خوړو نړیوال پروګرام له مشر جان ایلیف او ورسره مل پلاوي سره لیدلي او د همکاریو د پراختیا په اړه غږېدلي دي.
طالبانو نن د یکشنبې ورځ په سهار په هرات کې دوه ټولنیز فعالان قدوس خطیبي او فیاض غوري خوشې کړل. دا دوه کسان یوه ورځ مخکې د نجونو د ښوونځیو د بیا پرانېستلو د ملاتړ له امله نیول شوي ول. د طالبانو استخباراتو د شنبې په سهار قدوس خطیبي او فیاض غوري ونیول.
په دایکنډي کې د طالبانو تر واک لاندې له پېښو سره د مبارزې او چمتووالي ریاست وایي، په دغه ولایت کې د سختو ورښتونو او سېلابونو له امله خلکو ته ځاني او مالي زیانونه اوښتي دي. د یاد ریاست په وینا؛ په دایکنډي کې د سختو ورښتونو او سېلابونو له امله یو ماشوم مړ او ۲۵ کورونه ویجاړ شوي دي.
د طالبانو د کورنیو چارو وزارت وايي، په خوست کې یې هغه څلور تنه وسله وال غله نیولي چې په نظامي یونیفورم کې د خلکو کورونو ته ورتلل او غلاوې یې ترې کولې. نیول شویو کسانو په خوست کې له یوه کور څخه سرهزر، دوه میله وسله او یو اندازه پیسې غلا کړې وې.
د طالبانو سترې محکمې خبر ورکړی، چې په هرات ولایت کې یې د «الکولي مشروباتو د تولید، پېر، پلور او لېږد» په تور اووه کسان په دُرو وهلي دي. د یادې محکمې په خپرې شوې خبرپاڼه کې راغلي، چې دغه کسانو ته د ۳۹ـ ۳۹ دُرو او دوه کلن بند سزا ورکړل شوې ده.
د اوکراین ولسمشر ولادیمیر زېلېنسکي په خپلو تازه څرګندونو کې ویلي، چې روسي ځواکونو یوازې روانه اونۍ پر اوکراین څه باندې ۳زره بېپیلوټه الوتکې په ځانګړي ډول «شاهد» ډرونونه او تر ۱۴۵۰ پورې هدایت شوي هوایي بمونه او ۴۰ بېلابېل توغندي کارولي دي.
افغان ورزشکار عبدالکریم بدخشي د هسپانیا فابیان سېنټس په وړاندې ماتې وخوړه او د اتلولۍ کمربند ګټلو چانس یې له لاسه ورکړ. دغه لوبه بېګاه شپه (د وري ۸مه) د هسپانیا په بادالونا کې د WOW FC سازمان د سیالیو د ۲۸م پړاو د یوې برخې په توګه ترسره شوه.
پاکستان د ایران او امریکا ترمنځ د جګړې په اړه د څلور اړخیزو خبرو اترو څخه وړاندې په پلازمېنې اسلاماباد کې امنیتي تدابیر پراخ کړي دي. د مصر او ترکیې د بهرنیو چارو وزیران پاکستان ته رسېدلي دي او ټاکل شوې ده، چې د سعودي عربستان د بهرنیو چارو وزیر هم په دغه ناسته کې ګډون وکړي.
په سمنګان کې د طالبانو د امنیې قوماندانۍ ویاند حشمت الله رحماني خبر ورکړی، چې د دغه ولایت په برغزک کوهبست سیمه کې یو ۴۵کلن شپون د خپلو څارویو د څرولو پرمهال د تندر پرېوتو له امله مړ شوی دی.
د طالبانو د کورنیو چارو وزارت وايي، چې په هلمند ولایت کې یې په څو جلا عملیاتو کې ۱۳ کسان د «غلا» په تور نیولي دي. د دغه وزارت لهخوا په خپرې شوې خبرپاڼه کې راغلي، چې نیول شوي کسان د هلمند په مرکز او د موسیکلا، باباجي او سنګین ولسوالیو کې نیول شوي دي.
د طالبانو د ټولګټو چارو وزارت وایي، د وروستیو سختو بارانونو او سېلابونو له امله د هېواد په یوشمېر ولایتونو کې هغه مهمې لارې او نښلوونکي سړکونه چې په لنډمهالي ډول تړل شوي وو؛ د پرانیستلو هڅې یې روانې دي.
د طالبانو د امر بالمعروف وزارت د شنبې په ورځ (د وري ۸مه) خبر ورکړی، چې د دغه وزارت محتسبانو په پنجشېر، کاپیسا، بلخ، بامیان، دایکنډي، فاریاب او کابل ولایتونو کې یوشمېر هټۍ او مارکېټونه د څارنې پرمهال تړلي دي.