د اوکراین ولسمشر ولادیمیر زېلېنسکي د اردن له پاچا سره په لیدنه کې د ایران د ډرون بریدونو د دفاع لپاره د احتمالي امنیتي ملګرتیا په اړه خبرې کړې دي. زېلېنسکي ویلي، چې چمتو دی د ایراني ډرونونو پر وړاندې خپله جنګي تجریه له اردون سره شریکه کړي.
د هند د پنجاب کېنګز کرېکټ لوبډلې د یوه ویډیويي پیغام په خپرولو سره د افغان کرېکټ ستوري او د نړۍ د ۵۰ اوریزو لوبو غوره الراونډر عظمتالله عمرزي ته ښه راغلاست ویلی. هغه چې ټاکل شوې د ۲۰۲۶ کال د هند په غوره لیګ کې د پنجاب کېنګز لپاره ولوبېږي، په رسمي ډول له دغې لوبډلې سره یوځای شو.
د بلومبرګ خبري شبکې خبر ورکړی، چې د امریکا حکومتي چارواکي او د والسټریټ شنونکي دا احتمال څېړي، چې ښايي د تېلو بیه د هر بېلر په بدل کې ۲۰۰ ډالرو ته ورسېږي، چې دا به په تاریخ کې یوه بېسارې کچه وي.
د ایراني پارلمان مشر محمد باقر قالیباف په څرګند ډول له امریکا سره هر ډول هوکړه رد کړه. قالیباف د یکشنبې په ورځ (د وري ۹مه) د جګړې د پیل د دېرشمې ورځې په مناسبت د امریکا د ولسمشر ډونالډ ټرمپ د ۱۵ مادهييزو شرطونو لړلیک ته اشاره وکړه او هغه یې «د امریکایانو یو ارمان» وباله.
د طالبانو له پېښو سره د مبارزې چمتووالي ادارې ريیس نورالدین ترابي په ختیځ زون کې د ملګرو ملتونو د بشري مرستو د همغږۍ ادارې مسوول ډاکټر اسماعیل امن سره په کتنه کې له یادې ادارې وغوښتل، چې هېڅ بېځایه شوې کورنۍ باید له مرستو بېبرخې پاتې نهشي.
د افغانستان د «اېماېماې» یا ازادو مبارزو ورزشکاران صبغتالله حکیمي، سجاد خان او خلیل ارسلاني د «اېنفینټ» سازمان د ازادو مبارزو په څلورم پړاو کې د پاکستاني لوبغاړو پر وړاندې سیالي تر سره کوي.
پاکستاني رسنیو راپور ورکړی، چې د بلوچستان د مرکز کوټې په ګډون په مستونګ، نوشکي او خاران ولسوالیو کې په همغږو بریدونو کې د ملکیانو په ګډون پاکستاني سرتېرو ته هم مرګژوبله اوښتې ده.
د بشري حقونو نړۍوال بنسټ د یوې اعلامیې په خپرولو سره ویلي، چې په پکتیکا، خوست او کونړ ولایتونو کې د پاکستاني ځواکونو په وروستیو بریدونو کې د ملکي وګړو کورونه په نښه شوي، چې له امله یې ۱۷ ملکیان ټپیان شوي دي.
د ملګرو ملتونو د بشري مرستو د همغږۍ اداره یا اوچا وايي، د افغانستان په ډېریو سیمو کې د ورښتونو او ناڅاپي سېلابونو د راوتلو له امله یو شمېر خلکو ته مرګژوبله اوښتې ده. دغه اداره وايي، له بشري شریکانو سره په سېلابځپلو سیمو کې دي، څو له ارزونو وروسته بېړنۍ مرستې وروسوي.
درې ورځې وړاندې په افغانستان کې نوی تعلیمي کال په داسې حال کې پیل شو، چې له شپږم ټولګي پورته نجونې لا هم له زدهکړو محرومې دي. طالب چارواکو د پوهنتونونو په اړه د منفي لیدلوري په وړاندې کولو سره وویل، چې پخوا په پوهنتونونو کې د "بېحجابۍ او بېحیایۍ" فضا واکمنه وه.
یو شمېر افغانان د فرانسې په پلازمېنه پاریس کې راټول شوي او پر افغانستان یې د پاکستان د بریدونو پر ضد لاریون کړی دی. دغه لاریونوال وايي، چې په یادو بریدونو کې ملکي وګړو ته مرګژوبله اوښتې او له نړۍوالې ټولنې غواړي چې د افغانانو غږ واوري.
په ننګرهار ولایت کې د تندر (تالندې برېښنا) د پرېوتو له امله شپږ کسان، چې دوه ښځې او څلور ماشومان دي، ژور ټپیان شوي دي.
د اسراییل لومړي وزیر بنیامین نتنیاهو د یکشنبې په ورځ وویل چې پوځ ته یې د لبنان په جنوب کې د اوسنۍ امنیتي حایل سیمې (بفر زون) د پراخولو امر کړی دی. هغه په یوه ویډیو پیغام کې ویلي، « موږ ژمن یو چې په شمال کې وضعیت په بنسټیز ډول بدل کړو».
د عربي هېوادونو د بهرنیو چارو وزیرانو، نن یکشنبه د وري پر ۹مه نېټه په یوه ویډیويي غونډه کې په اکثریت سره د مصري ډیپلومات نبیل فهمي نوم د عرب هېوادونو د ټولنې د راتلونکي عمومي منشي په توګه غوره کړی. هغه به د راتلونکې جون میاشتې په وروستیو کې خپله دنده پیل کړي.
پاکستان د یکشنبې په ورځ د ترکیې، مصر او سعودي عربستان د چارواکو کوربهتوب وکړ، څو د ایران د جګړې د پای ته رسولو لپاره د خبرو اترو لړۍ پرمخ یوسي. رویټرز وایي چې د خبرو لومړنی تمرکز د هرمز تنګي د بیا پرانیستلو پر وړاندیزونو و.
د طالبانو د بهرنیو چارو وزیر امیرخان متقي په کابل کې د ایران له سفیر عليرضا بيکدلي سره د لیدنې پرمهال ویلي، چې له پاکستان سره د معنا لرونکو او رښتينو خبرو له لارې د دواړو لوريو د معقولو غوښتنو د حل غوښتونکی دی او په دې برخه که یې د ایراني چارواکو دریځ ستایلی.
د طالبانو د ټرانسپورټ او هوایي چلند وزارت د هوا پوهنې ادارې سبا (دوشنبه، د وري ۱۰مه) د هېواد په ۲۴ ولایتونو کې د بارانونو ورېدو او سېلابونو راوتلو اټکل کړی دی.
د کونړ ولایت د مرکز اسعداباد پر اړوند کړامار، دم او شاوخوا نورو کلیو د پاکستاني ځواکونو د هاوان په بریدونو کې تر ۱۰ ډېر کسان ټپیان شوي. محلي او د روغتون سرچینې وايي، چې پر یوه کور درې مرمۍ لګېدلې دي. ډېری ټپیان ماشومان ښودل شوي چې روغتون ته لیږدول شوي.
په خیبرپښتونخوا کې افغان موټرچلوونکي شکایت کوي، چې پاکستاني پولیس یې د بډو اخیستو لپاره ځوروي او زنداني کوي. دوی وايي، چې د بار وړونکو موټرو چلوونکي او مرستیال موټرچلوونکي پاکستانۍ وېزې او نور اړوند اسناد هم لري خو بیا یې هم پاکستاني پولیس نیسي.
امریکایي رسنۍ «این بي سي نیوز» راپور ورکړی، چې په قطر کې میشت هغه افغانان چې د شلو کلونو جګړې پر مهال یې له امریکايي ځواکونو سره مرسته او کار کړی، اوس له نامعلوم او اندېښمن حالت سره مخ دي. اېن بي سي وايي، دغه افغان همکاران ویریږي چې ښايي بېرته افغانستان ته ستانه کړل شي.
په ناروې کې مېشتو یو شمېر افغانانو، د بېلابېلو ټولنو غړو او د بشري حقونو، عدالت او سولې ملاتړو د ناروې د پارلمان مخې ته سوله ییز لاریون او غونډه کړې او پر افغانستان د پاکستان وروستي بریدونه او ملکي مرګ ژوبله یې غندلي دي.