د روغتیا نړیوال سازمان د افغانستان استازی اډوین سینیزا سلواډور وايي، د ۲۰۲۶ تر ۲۰۳۰ کال پورې د طالبانو د روغتیا ملي ستراتیژۍ پلي کېدل د هېواد د روغتیايي نظام د پیاوړتیا او ټولو افغانانو ته د باکیفیته روغتیايي خدمتونو د رسولو لپاره مهم ګام دی.
د ملګرو ملتونو پراختیايي پروګرام وايي، د افغانستان د ښځو په مشرۍ د کوچنیو کاروبارونو ملاتړ د هغوی د عاید په لوړولو کې اغېزمن تمام شوی، چې د یوه پروګرام له لارې د یوې ښځې میاشتنی عاید له ۵ زرو څخه ۱۰ تر ۱۳ زرو افغانیو ته لوړ شوی دی.
شهزاده رضا پهلوي د اساسي قانون د فرمان د لاسلیک د کلیزې په مناسبت پر اېکس پاڼه په یوه پیغام کې د اساسي قانون غورځنګ د ایران د معاصر تاریخ یو له سترو غورځنګونو څخه وباله.
د شمالي کوریا د مشر کیم جونګ اون خور کیم یو جونګ د چهارشنبې په ورځ خبرداری ورکړی چې پیونګ یانګ به د جاپان د پوځي ځواک د پراختیا په غبرګون کې «اضافي پوځي اقدامات» وکړي. د هغې دا څرګندونې له هغه وروسته شوي چې جاپان د امریکا جوړ توماهاک کروز توغندی وازمویه.
د سهار له لمانځه څو ساعته وروسته ملا حسن اخوند په حرمسرای کې پر توشکه ناست وي. اداري اسناد او دوسیې ورته راوړل کېږي، شفاهي هدایتونه ورکوي او بېرته همغې کوټې ته ستنېږي چې د کور او دفتر دواړو لپاره یې کاروي.
کارپوهانو او پخوانیو پاکستاني چارواکو ویلي، چې د امنیتي ستونزو له دوام سره سره، پاکستان او افغانستان د اړیکو د عادي کېدو لپاره د دوامدارو خبرو، عملي همکاریو، د سوداګرۍ د پراختیا او د متقابل باور د بیا رغونې پرته بله اغېزمنه لار نه لري.
د طالبانو تر واک لاندې د پېښو سره د مبارزې ادارې د نړۍوالو بنسټونو د معلوماتو له مخې په سویلي ولایتونو کې د خاورو او دوړو د توپان د خطر خبردارۍ ورکړی دی. دغه ادارې زیاته کړې، چې د چهارشنبې نه تر جمعې ورځې پوري د دغه توپان اټکل شوی دی.
د بلوچستان د جعفراباد ولسوالۍ د ډېره الله یار ښار کې یو سیمهییز خبریال د وسلهوال برید په ترڅ کې وژل شوی دی.
د خیبر پښتونخوا په مرکز پېښور کې د چارسدې اډې ته نږدې، د کورنۍ شخړې له امله د ډزو په یوه پېښه کې درې کسان وژل شوي او څلور نور ټپیان دي.
ملګرو ملتونو ټینګار کړی چې ټولې ښځې او نجونې باید له تاوتریخوالي او ځورونې له وېرې پرته خپل بشپړ بشري حقونه وکاروي. د ملګرو ملتونو دا غوښتنه چې په افغانستان کې د ښځو او نجونو د پراخو محدودیتونو له دوام سره هممهاله مطرح شوې ده.
د خیبر پښتونخوا په سویلي وزیرستان کې د هاوان مرمۍ او یوې مشکوک ډرون الوتکې د برید له امله لږ تر لږه درې کسان وژل شوي او شپږ نور ټپیان دي.
د افغانستان کرېکټ ملي لوبډله به نن، چهارشنبه، د ایرلنډ پر وړاندې د پنځه یو ورځنیو نړیوالو سیالیو د لړۍ په لومړۍ لوبه کې د سیالۍ ډګر ته ښکته شي.
په بلخ کې د طالبانو تر واک لاندې د نساجي فابریکې مشر عبدالغفار حقاني وايي، دغه کارخونو د منصوعي پنبې، څپلیو، بخار دېګونو، پلاسټکي لوښو او ځينو نورو برخو کې فعالیت پیل کړ. نوموړي تمه ښودلې، چې په دې سره به د بازار اړتیاوي هم پوره شي.
د طالبانو له بیا واکمنېدو پنځه کاله وروسته، په افغانستان کې ښځې او نجونې له بېسارو محدودیتونو سره مخ دي او ډېری یې باور لري چې د خپل راتلونکي لپاره یې هر ډول هیله له لاسه ورکړې ده.
د پښتونخوا ملي عوامي ګوند او د پاکستان د ملي اسمبلۍ د اپوزیسیون مشر محمود خان اچکزي ویلي، د چمن څخه تر خیبر پورې له افغانستان سره د لارو تړل د هغو زرګونو خلکو پر ژوند ناوړه اغېز کړی چې د ډيورنډ په کرښه سوداګرۍ له لارې یې روزي ګټله.
د کډوالو د نړیوال کنوانسیون د ۷۵مې کلیزې په مناسبت د «دي نیشنل» په یوه تحلیلي لیکنه کې ویل شوي، د نړۍ د کډوالو اوسنی نظام تر بل هر وخت ډېر د بخت، سیاسي پرېکړو او د کوربه هېوادونو د دریځ تابع شوی او د کډوالو د نړیوالو حقونو د عملي کېدو په برخه کې لا هم جدي ستونزې شته.
د امریکا مرکزي قوماندې (سنټکام) ویلي، چې د هرمز تنګي سویلي لار د ټولو سوداګریزو بېړیو پر مخ خلاصه او خوندي ده. د سنټکام په خبره، امریکایي ځواکونو په تېرو درېیو میاشتو کې له ۱۰۰۰ نه ډېرو بېړیو سره مرسته کړې چې د هرمز تنګي څخه په بریالیتوب تېرې شي.
د بشري حقونو د څار یوې ادارې هنګاو راپور ورکړی چې ایراني چارواکو د خرسان رضوي ولایت د تایباد په مرکزي زندان کې لږ تر لږه پنځه بندیان، چې درې یې افغانان وو، په پټه اعدام کړي دي.
د سپېس اېکس د فالکن ناین توغندي یوه څلور ټنه ټوټه، چې له تېر کال راهیسې په فضا کې سرګردانه وه، ټاکل شوې چهارشنبه سهار د سپوږمۍ له سطحې سره په لوړ سرعت ټکر وکړي.
د افغانستان د فوټبال لوبډلو په استازیتوب ابومسلم فراه لوبډلې اعلان کړی چې په ایران کې د چمتووالي د تمریناتي کمپ له پای ته رسېدو وروسته، بوتان ته روانه شوې ده. دغه لوبډله به د اسیا چلنج لیګ د پلی اف په سیالۍ کې د پارو اېف سي پر وړاندې ولوبېږي.
د ترکیې سرې میاشتې د افغانستان په بلخ ولایت کې بېځایه شویو کورنیو ته د ژمي د سختو شرایطو د مقابلې لپاره خېمې او کمپلې وېشلې دي.