د امریکا جمهوريغوښتونکي سناتور لېنډسي ګراهام ویلي، له ایران سره د تفاهملیک لاسلیکول د امریکا په ګټه دي او کولای شي د هُرمز تنګي د بېرته پرانیستل کېدو، د شخړو د کمېدو او په منځني ختیځ کې د ثبات د ټینګښت لپاره زمینه برابره کړي.
د طالبانو تر کنټرول لاندې د المپیک، بدني روزنې او سپورټ ادارې اعلان کړی، چې د پکتیکا ولایت په ارګون ولسوالۍ کې د څلورو ولایتونو د اتو لوبډلو ترمنځ د فوټبال پیل شوې سیالۍ د غزني د ازادۍ کلب په اتلولۍ پای ته ورسېدې.
د امریکا ولسمشر ډونالډ ټرمپ د جي۷ سرمشریزې پر مهال په یوه خبري کنفرانس کې یو ځل بیا له افغانستان څخه د امریکایي ځواکونو د وتلو پر څرنګوالي نیوکه وکړه او ویې ویل، چې د جو بایډن ادارې د وتلو پر مهال پوځي تجهیزات په افغانستان کې پرېښودل. هغه ویلي، طالبان اوس د امریکا «چاپلوسي» کوي.
په ننګرهار کې د طالبانو د بیو کنټرول او د احتکار مخنیوي کمیسیون په سره رود ولسوالۍ او جلالاباد ښار کې د خښتو یوه بټۍ او څلور نانوایانې د سرغړونو له امله تړلي دي. دغه کمیسیون ویلي چې دا ګام یې په بازارونو کې د نرخونو د کنټرول او د سرغړونو د مخنیوي په موخه پورته کړی دی.
د افغانستان د خبریالانو مرکز د طالبانو له لوري د دولتي ادارو په کارکوونکو باندې د ځیرکو ټیلفونونو پر کارولو لګول شوی بندیز په کلکه غندلی او دا یې د بیان ازادۍ پر وړاندې یو بل خنډ بللی. دغه مرکز خبرداری ورکړی چې دغه پرېکړه به رسنیو او خبریالانو ته د معلوماتو لاسرسی لا محدود کړي.
د ازبکستان د تاشکند د پنځم نړیوال فورم په نندارتون کې د افغانستان د یوه خصوصي شرکت او د ازبکستان د دولتي شرکت تر منځ د کانونو په برخه کې یوه هوکړه لاسلیک شوه. د افغانستان د سوداګرۍ او پانګونې خونه د دغې هوکړې ټولیز ارزښت شاوخوا ۱۰ میلیونه ډالر بولي.
د امریکا ولسمشر ډونالډ ټرمپ ویلي، چې د فرانسې په اویان-له-بېن ښار کې د جي۷ سرمشریزې په څنډه کې یې د هند له لومړي وزیر نرېندرا مودي، د روسیې له ولسمشر ولادیمیر پوتین او د اوکراین له ولسمشر ولادیمیر زېلېنسکي سره جلا جلا لیدنې او خبرې کړې دي.
د بې پولې خبریالانو سازمان په افغانستان کې د ځیرکو موبایلونو کارولو باندې د طالبانو بندیز د رسنیو پر ازادۍ برید بللی او وايي، طالبان په دې اقدام سره د خبریالانو د معلوماتو سرچینې پرې کوي.
د سنجې دت هتیار فلم ګورم. شرایطو د یوې ښې کورنۍ بچی بدمعاش او د مافیا سرتاج کړ. خو د ژوند په یوه پړاو کې، کله چې مینې یې زړه نرم کړ او د خپلې خټې او وینې احساس یې راویښ شو، د ښه والي هڅه یې کوله او غوښتل یې بېرته انسانیت ته راوګرځي، خو خلکو یې پر شرافت باور نه کاوه.
د طالبانو د لوړو زده کړو وزیر ندا محمد ندیم په یوه انلاین غونډه کې د قزاقستان د علومو او لوړو زده کړو له وزیر غوښتي چې افغانستان ته د قزاقستاني استادانو د لېږلو، د افغان استادانو د وړتیاوو د لوړولو او په پوهنتونونو کې د څېړنیزو مرکزونو د جوړولو په برخو کې همکاري وکړي.
د مقاومت جبهې دوو جګپوړو غړو د سې شنبې په ورځ افغانستان انټرنشنل ته وویل چې ایران دغه جبهه له طالبانو سره له جګړې منع کړې. دغو سرچینو د موضوع د حساسیت له امله د نوم نه ښودلو په شرط ویلي چې تهران د ملي مقاومت جبهې ته ویلي: «پر طالبانو ډز زموږ پر لور د ډزو په معنا دی».
په ملګرو ملتونو کې د افغانستان استازي نصیراحمد فایق ویلي، په داسې حال کې چې نړۍ د علم، ټکنالوژۍ او مصنوعي ځیرکتیا په مټ د خلکو د ژوند ښه والي لپاره نوي لارې پرانیزي، طالبان د افغانستان خلک له بنسټیزو حقونو، عصري زده کړو او معلوماتو ته له لاسرسي محروموي.
د بلومبرګ په ګډون امریکايي رسنیو راپور ورکړی چې د ایران او امریکا ترمنځ د احتمالي هوکړې د ۱۴ مادو جزییات یې ترلاسه کړي. دغه مسوده د جګړې د پای ته رسولو، د بندیزونو د لغوه کېدو، د ایران د اټومي پروګرام، د کنګل شویو شتمنیو د ازادولو او د اقتصادي همکاریو په اړه پراخ موارد رانغاړي.
د کابل ولایت د سروبي ولسوالۍ یو شمېر اوسېدونکو افغانستان انټرنشنل پښتو ته ویلي، چې د دینارخېلو او خواجهخېلو قومونو ترمنځ د شپولي بابا د زیارت پر سر پخوانۍ شخړه یو ځل بیا توده شوې او د سیمې خلک د احتمالي تاوتریخوالي په اړه اندېښنه لري.
د پولنډ او جرمني دفاع وزیرانو د چارشنبې په ورځ د دوه اړخیزې دفاعي همکارۍ تړون لاسلیک کړ. دواړه هېوادونه وایي، دغه تړون به د سایبري امنیت، پوځي تګ راتګ، ګډې قوماندې او نوې ټکنالوژۍ په برخو کې همکارۍ پراخې کړي.
فوربز مجلې راپور ورکړی، چې ایراني چارواکو له امریکا سره د هوکړې تر اعلان وروسته مسکو ته د سفر په لړ کې له روسیې سره د ۲۰ چورلکو د پېرلو تړون لاسلیک کړی دی.
د پولنډ سرحدي ځواکونو ویلي چې د لیتوانیا پولې ته نږدې یې ۴۵ هغه کډوال نیولي چې په ناقانونه ډول د پولنډ خاورې ته اوښتل. ویل کیږی په نیول شویو کسانو کې د افغانستان، سومالیا، سوډان او ایتوپیا وګړي شامل دي.
د رویټرز اژانس د نوې ارزونې له مخې، د ټرمپ د حکومت له خوا د کډوالو د نیولو د توندې لړۍ په اوږدو کې، د امریکا د کډوالۍ ادارې په توقیفځایونو کې د مړینې کچه تر دوه برابره زیاته شوې ده. په دغو قربانیانو کې محمد پکتیاوال هم شامل دی، چې په ۲۰۲۱ کال کې امریکایانو واشنګټن ته بېولی و.
د ازبکستان امنیتي ادارې وايي، چې له افغانستان څخه یې دغه هېواد ته د یوې سترې اندازې نشهيي توکو د قاچاق هڅه شنډه کړې ده. ددغو ادارو په وینا، په سرخاندریا ولایت کې څه باندې ۳۷،۶ کیلوګرامه نشهيي توکي نیول شوي دي.
د هلمند ولایت د لښکرګاه ښار یو شمېر دوکاندارانو افغانستان انټرنشنل ته په استولي غږیز پیغام کې شکایت کړی چې د طالبانو د ښاروالۍ اړوند د ښاري نظم موټر هره ورځ د دوی کاروبار ګډوډوي، دوکانونه یې تړي او دوکانداران ځوروي.
د ترکیې د ملي استخباراتو ادارې ویلي چې د ترکیې په سرحدي سیمو کې یې د داعش ډلې د رسنیو مسول نیولی دی. یادې ادارې ویلي چې نیول شوي کس «د افغانستان او پاکستان په سرحدي سیمو کې د داعش د تبلیغاتو او د جنګیالیو په انتقال کې مهم رول درلود».