په داسې حال کې چې د طالبانو له لوري د کانونو د غیر معیاري کېندنې په اړه اندیښنې دوام لري، کندز کې د طالبانو رسنیز دفتر خبر ورکړی چې د ۲۲میلیونه امریکایي ډالرو په ارزښت یې د دغه ولایت په قلعه ذال ولسوالۍ کې د سرو زرو د یو کان کېندلو چارې رسما پیل کړې دي.
د امریکا د کډوالۍ او ګمرکونو ادارې اعلان کړی، چې یو افغان تبعه محمد امیني، د ماشوم پر وړاندې د جنسي جرم په تور په واشنګټن ډي سي کې نیول شوی دی. د یادې ادارې په وینا، نوموړی په امریکا کې د اوسېدو قانوني اسناد هم نه لري.
د ملګرو ملتونو پراختیايي پروګرام (یو اېن ډي پي) وايي، د افغان ښځو د کاروبارونو ملاتړ کولای شي له هغوی سره د عاید په ترلاسه کولو، د خپلو کورنیو د لګښتونو په برابرولو او نورو ښځو ته د کاري فرصتونو په رامنځته کولو کې مرسته وکړي.
د افغانستان لپاره د پاکستان پخواني ځانګړي استازي اصف دراني ویلي، د روسیې او طالبانو ترمنځ مخ پر زیاتېدونکی نږدېوالی د سیمې پر امنیتي او سیاسي وضعیت مهمې اغېزې لرلای شي، په ځانګړي ډول په داسې حال کې چې هند هم په کابل کې خپلې اړیکې له طالبانو سره پیاوړې کوي.
په خوست کې یوه پانګهوال د غوښې د تولید او بازار ته د وړاندې کولو په موخه د اوښانو د روزنې فارم جوړ کړی دی. د فارم د مسوولینو په وینا، په دغه فارم کې د اوښانو ترڅنګ غواوې او خوسکي هم ساتل کېږي.
د سپېساېکس مشر ایلن ماسک ادعا کړې، چې اوکراین د بریدګرو ډرونونو لپاره د سټارلینک په کارولو د دې شبکې شرایط مات کړي، خو ټینګار یې کړی چې دغه مخابراتي سیستم لا هم د اوکراین د دفاع لپاره حیاتي ارزښت لري.
نورستان کې د طالبانو رسنیز دفتر خبر ورکړی چې د دغه ولایت په وانت ولسوالۍ کې د ازادې بولۍ له لارې د ۲۸ میلیونه او ۶۸۱ زره افغانیو په ارزښت قیمتي او نیمه قیمتي ډبرې پلورل شوې دي.
د شمالي کوریا مشر کیم جونګ اون په چین کې د کوریا د جګړې د تاریخي یادګار له لیدنې وروسته، د یکشنبې په ورځ خپل هېواد ته ستون شو. د شمالي کوریا دولتي رسنیو ویلي، چې د هغه دا سفر له چین سره د سوداګریزو او اقتصادي اړیکو د پراختیا په موخه د دواړو هېوادونو د هڅو څرګندونه کوي.
د ازبکستان په پلازمېنه تاشکند کې د افغانستان، ازبکستان، ایران او یو شمېر نورو هېوادونو څېړونکو د افغانستان او ایران د ژبنیو، ادبي، کلتوري، سیاسي او تاریخي بدلونونو د څېړلو لپاره په یوه علمي کنفرانس کې ګډون کړی.
د ایران د بهرنیو چارو وزارت د اقتصادي ډیپلوماسۍ مرستیال حمید قنبري ویلي، حکومت د لېږد رالېږد او لوژستیکي ستونزو له امله د اغېزمنو صادرونکو لپاره د صادراتو د مقرراتو پر بیاکتنې بوخت دی او افغانستان، پاکستان او عراق ته د صادراتو د خنډونو د لرې کولو لپاره نوې طرحې ارزوي.
د یمن حوثيانو اعلان کړی، چې د شنبې په ورځ یې د سعودي عربستان د تېلو پر تاسیساتو، هوایي اډو او نړیوالو هوایي ډګرونو پراخ بریدونه کړي دي. په ورته وخت کې د سعودي په مشرۍ پوځي اېتلاف ویلي، د دغه هېواد د دفاعي ځواکونو له لوري د حوثيانو دوه توغندي په هوا کې شنډ او لهمنځه وړل شوي دي.
د امریکا پخواني ولسمشر بارک اوباما په میشیګان کې یوې ټاکنیزې غونډې ته په وینا کې ډونالډ ټرمپ له ایران سره د یوې «غیرضروري» جګړې پر پیلولو تورن کړ او ویې ویل، چې دا جګړه نه یوازې خپلو موخو ته نهده رسېدلې، بلکې د ایران ستراتیژیک موقف یې نور هم پیاوړی کړی دی.
د افغانستان د کورنیو چارو پخواني وزیر علي احمد جلالي ویلي، چې ملګري ملتونه په دغه هېواد کې د بشري ناورین په کنټرولولو کې له مهم نقش سره سره د بشري حقونو په دفاع او د طالبانو پر سیاستونو په اغېز شیندلو کې ناکام شوي دي.
د افغانستان انټرنشنل د موندنو له مخې، طالبانو له بیا واکمنېدو راهیسې په ټول هېواد کې ۲ زره او ۹۳۰ کسان «په خپلسري» ډول نیولي دي. ښځې، د بشري حقونو فعالان، خبریالان، اعتراض کوونکي، د مخکیني حکومت امنیتي او نظامي ځواکونه او مذهبي لږکي هغه کسان دي چې د دغو نیونو هدف ګرځېدلي دي.
د خیبر پښتونخوا په بېلابېلو سیمو کې د افغان کډوالو پر وړاندې د اقداماتو له زیاتېدو سره په پېښور کې مېشت افغان کډوال د خپل کاروبار، روزګار او د خپلو ماشومانو د زدهکړو په تړاو اندېښمن دي.
د زرغون بهیر پوځي څانګې «زرغونې قطعې» ادعا کړې، چې د دوی ځواکونو د شنبې په ورځ (د لړم ۲مه) د بدخشان په مرکز فیضاباد ښار کې د پنځمې ناحیې اړوند د دشت حلقه په سیمه کې د طالبانو د استخباراتو پر یوه موټر برید کړی دی.
یو شمېر افغانانو او جرمنیانو د شنبې په ورځ (د لړم ۲مه) د فرانکفورټ، کولن، مونیخ، بیلفېلډ، لایپزیګ، دوسلدورف، هانوفر او برلین په هوايي ډګرونو کې د افغان پناهغوښتونکو د ملاتړ په موخه لاریونونه وکړل او د افغان پناه غوښتونکو د اېستلو پر سیاست یې نیوکې وکړې.
د خیبرپښتونخوا شمالي وزیرستان کې د ډرون برید له امله زیانمنه شوې کورنۍ وايي، د پاکستان پوځ او د تحریک طالبان پاکستان دې له استوګنې سیمو بهر سره معلومه کړي او ملکي وګړي دې د جګړې قرباني نه ګرځوي. د ملي ډیموکراټیک غورځنګ مشر مُحسن داوړ هم پر دغه برید کلکه نیوکه کړې ده.
د طالبانو د چارو د ادارې رییس نورالحق انور د بامیان د سیغان، کُهمرد او شېبر ولسوالیو له استازو سره په کتنه کې ویلي، چې دوی به د افغانستان هېڅ سیمه له پامه ونهغورځوي. هغه ټینګار کړی، چې حکومتي مسولین باید د ولس له منځه راپورته شوي وي، څو د هېوادوالو د ګټو لپاره کار وکړي.
د امریکا د مرکزي استخباراتو ادارې (سيایاې) پخوانۍ مامورې سارا اډمز خبرداری ورکړی، چې د طالبانو تر واک لاندې افغانستان کې د داعـش د خراسان څانګې جنګیالي درې برابره زیات شوي، خو د احتمالي کره شمېر په تړاو یې څه نهدي ویلي.
د طالبانو د کانونو او پټرولیم وزارت دشنبې په ورځ (د لړم ۲مه) په ننګرهار کې د شوکاڼي د درېیو بېلابېلو کانونو د استخراج او پروسس قراردادونه له کورنیو خصوصي شرکتونو سره لاسلیک کړل. دغه وزارت وایي، پر دغو درې واړو کانونو په مجموعي ډول څه باندې ۲۲۸ میلیونه امریکایي ډالره پانګونه کېږي.