د طالبانو مشر، بلخ، بغلان او ننګرهار ولایتونو ته نوي مستوفیان ګومارلي. طالب چارواکو د دوی د پېژند غونډو پرمهال د عوایدو په راټولولو کې د روڼتیا او له سوداګرو سره د همغږۍ غوښتنه کړې ده.
د طالبانو د عامي روغتیا وزارت د روغتیايي خدمتونو وړاندې کولو مرستیال عبدالولي حقاني د افغانستان د روغتیا دوهم ملي او نړيوال نندارتون جوړېدو په درشل کې ویلي، هڅه کوي چې افغانستان د بهرنیو ناروغانو د درملنې په مرکز بدل شي.
د یمن په جګړه کې د سعودي عربستان په مشرۍ ایتلاف د یکشنبې په ورځ وویل، چې د سعودي ځواکونو د دغه هېواد پر پلازمېنه ریاض او جنوبي سیمو د بېپیلوټه الوتکو او توغندیو بریدونه شنډ کړي دي.
د طالبانو د کانونو او پټرولیم وزارت مسوولانو د روسیې له یوه شرکت سره د افغانستان د کاني زېرمو د سروې، اکتشاف او پانګونې پر فرصتونو خبرې کړې دي. دواړو لوریو د مسلکي معیارونو، کره جیولوجیکي معلوماتو او ګډو همکاریو پر دوام ټینګار کړی.
د جرمني د «دویچه ویله» د راپور له مخې، د امریکا حکومت د افغانستان د امریکايي پوهنتون مالي ملاتړ بند کړی، هغه پوهنتون چې د طالبانو له بیا واکمنېدو وروسته د افغان نجونو او ښځو لپاره د لوړو زدهکړو له محدودو پاتې فرصتونو څخه ګڼل کېده.
د طالبانو د کډوالو چارو وزیر مولوی عبدالکبیر بلخ کې د دغې ډلې له والیانو سره په لیدنه کې ویلي، چې د طالبانو اداره «له نړۍ سره د شریعت په رڼا کې د مثبتو او رغنده اړیکو غوښتونکې ده.»
د مسلمانانو نړیوالې ټولنې پر مکې او مدینې د حوثیانو بریدونه په کلکو ټکو غندلي او هغه یې د اسلامي ارزښتونو او بشري اصولو خلاف عمل بللی دی.
د طالبانو کورنیو چارو وزارت وايي، په ۱۱ ولایتونو کې یې د نشهیي توکو د پلور، کارونې او قاچاق په تړاو ۴۴ کسان نیولي دي. د دغه وزارت په وینا، په دغو پېښو کې په ټولیز ډول ۵۷۱،۸کیلوګرامه نشهیي توکي هم نیول شوي دي.
د پاکستان او سعودي عربستان د ګډ دفاعي تړون د تصویب قانوني بهیر بشپړ شوی، خو ترکیه لا هم د تړون کورني تصویب ته دوام ورکوي. دا پرمختګ په داسې حال کې دی چې د حوثیانو د بریدونو، د اسراییلو د پوځي تمرینونو او پر ایران د احتمالي نوي پوځي اقدام په اړه سیمهییزې اندېښنې زیاتې شوې دي.
د ملګرو ملتونو ښوونیز علمي او کلتوري سازمان (یونسکو)، د رسنیو او معلوماتي سواد نړیوالې اونۍ په مناسبت د خبریالۍ پر وړاندې د خلکو د باور پر پیاوړتیا ټینګار کړی او وايي چې له هرو لسو کسانو څخه اووه په دې باور دي چې خبریالان په قصدي ډول خلک تېرباسي.
د اروپايي ټولنې د ملکي خوندیتوب او بشري مرستو ادارې ویلي، په افغانستان کې لا هم میلیونونه ماشومان هره ورځ له زدهکړو محروم دي، خو د اروپايي ټولنې په مالي ملاتړ ۵۲۵۰ ماشومانو ته د زدهکړو زمینه برابره شوې ده.
د بنګلهدېش کرېکټ بورډ د عمان په مسقط کې د افغانستان او بنګلهدېش د ۱۹ کلنو لوبډلو ترمنځ د یو ورځنیو سیالیو پر مهال د امپایرانو د پرېکړو او د افغانستان د لوبډلمشر سهیل خان له خوا د یوه اضافي اور د ترسره کولو په اړه د افغانستان کرېکټ بورډ ته لیک استولی.
د طالبانو د امر بالمعروف وزارت وايي، محتسبینو یې په کابل او اتو ولایتونو کې خلک په جماعت د لمانځه کولو او د ښځو د شرعي حجاب رعایتولو ته هڅولي دي؛ خو دا هڅونې په داسې حال کې دي چې یوناما روان کال کې د دغه وزارت د محتسبینو لهخوا د خپلسرو نیونو او توقیفونو سلګونه پېښې ثبت کړې دي.
مادرن ډیپلوماسي په یوه تحلیلي راپور کې لیکلي چې د افغانستان د قوشتیپې کانال پروژه د کرنې او اقتصادي ودې لپاره مهمه بلل کېږي، خو په ورته وخت کې یې د امو سیند د اوبو پر سر د طالبانو او د منځنۍ اسیا د هېوادونو ترمنځ د احتمالي اختلافاتو بحث هم تود کړی دی.
بدخشان کې ځايي سرچینو ویلي چې د دغه ولایت یفتل ولسوالۍ کې د یوه مسافر وړونکي موټر د اوښتو له امله درې کسان مړه شوي او اته تنه نور ټپیان دي.
د سره صلیب نړیوالې کمېټې په کندوز کې د اوبو رسولو د خدمتونو د ښه کولو او خلکو ته د اوبو د دوامدارې برابرولو لپاره طالبانو ته ۱۱ زره او ۵۰۰ متره نلونه، نهه د اوبو پمپونه او ۱۵۰۰ د اوبو مېټرونه ورکړي دي.
د پاکستان د بلوچستان ایالت په بېلابېلو سیمو کې د ډزو او ترافیکي پېښو ترڅنګ د څو کسانو جسدونه موندل شوي، چې په ټولیزه توګه یې د وژل شویو شمېر لږ تر لږه ۱۳ کسانو ته رسېږي.
د کډوالۍ نړیوال سازمان او د ملګرو ملتونو د کډوالو ادارې په ګډ راپور کې راغلي چې د اکتوبر له ۱۱مې تر ۱۷مې پورې په پاکستان کې ۵۱۷ افغانان نیول شوي دي. راپور وايي، دغه کسان په بلوچستان، خیبر پښتونخوا او سند ایالتونو کې نیول شوي دي.
په داسې حال کې چې د طالبانو له لوري د کانونو د غیر معیاري کېندنې په اړه اندیښنې دوام لري، کندز کې د طالبانو رسنیز دفتر خبر ورکړی چې د ۲۲میلیونه امریکایي ډالرو په ارزښت یې د دغه ولایت په قلعه ذال ولسوالۍ کې د سرو زرو د یو کان کېندلو چارې رسما پیل کړې دي.
د امریکا د کډوالۍ او ګمرکونو ادارې اعلان کړی، چې یو افغان تبعه محمد امیني، د ماشوم پر وړاندې د جنسي جرم په تور په واشنګټن ډي سي کې نیول شوی دی. د یادې ادارې په وینا، نوموړی په امریکا کې د اوسېدو قانوني اسناد هم نه لري.
د ملګرو ملتونو پراختیايي پروګرام (یو اېن ډي پي) وايي، د افغان ښځو د کاروبارونو ملاتړ کولای شي له هغوی سره د عاید په ترلاسه کولو، د خپلو کورنیو د لګښتونو په برابرولو او نورو ښځو ته د کاري فرصتونو په رامنځته کولو کې مرسته وکړي.