آرشیف

د هه‌نګاو په نوم د ایران د بشري حقونو یو سازمان راپور ورکړی، ایراني چارواکو د عبدالله جلالي په نوم یو ۲۵ کلن افغان وګړی د نشه‌یي توکو اړوندو جرمونو په تور د زاهدان په مرکزي زندان کې اعدام کړی دی.

د طالبانو د کور او ښار جوړونې وزارت وایي، چې تېره ورځ (د غبرګولي ۲۷مه) په يوشمېر ولايتونو کې یې پر راستنو شويو کډوالو کورنيو ۹۰۲ استوګنيزې ځمکې وېشلې دي. د یاد وزارت په وینا؛ له دې سره د روانۍ لړۍ له پیل راهیسې پر کډوالو کورنیو د وېشل شویو ځمکو شمېر ۴۷زره او ۹۹۱ نمرو ته لوړ شو.

د طالبانو د مخابراتو او معلوماتي ټېکنالوژۍ ویاند عنایت الله الکوزی وایي، د ځیرکو موبایلونو د کنټرول لپاره د بودجې ځانکړې کېدو په اړه د دغه وزارت وزیر عبدالاحد فضلي‌ ته ځانګړې شوې څرګندونې بې‌اساسه دي.

د ملګرو ملتونو د بشري چارو د همغږۍ دفتر «اوچا» وايي، چې په تېرې مئ میاشت کې د طالبانو مداخلې په افغانستان کې د ځینو بشرپاله پروګرامونو د لنډمهاله ځنډېدو او د دوو ښوونیزو مرکزونو د تړل کېدو لامل شوي دي.

د کندهار د سوداګرۍ او پانګونې خونې د چهارشنبې په ورځ ویلي، چې د هندوستان د وېزې ترلاسه کولو لپاره د مخکنیو اړینو اسنادو ترڅنګ یوشمېر نور اسناد هم د غوښتونکو لپاره لازمي شوي دي. سوداګر دغه محدودیتونه او د اسنادو ډېروالی د سوداګریزو فعالیتونو پر وړاندې خنډ یادوي.

د طالبانو د بهرنیو چارو وزارت د دویم سیاسي رییس ذاکر جلالي وايي، چې د یادې ډلې او د منځنۍ اسیا هېوادونو ترمنځ اړیکې په بېلابېلو برخو کې د پراختیا په حال کې دي او دغه اړیکې اوس له سیاسي کچې څخه تر اقتصادي، امنیتي او علمي همکارۍ پورې غځېدلې دي.

د امریکا او ایران ترمنځ د سولې تړون لاسلیک مراسم په سویس کې ترسره کېږي، چې په‌کې به د پاکستان لومړي وزیر شهباز شریف په مشرۍ د دغه هېواد یو پلاوی هم ګډون وکړي. په دغه پلاوي کې د پاکستان د بهرنیو چارو وزیر اسحاق ډار، عاصم منیر او د اطلاعاتو وزیر عطاالله تارړ شامل دي.

د طالبانو د کډوالو او بېرته راستنېدونکو چارو وزارت د پنجشنبې په ورځ (د غبرګولي ۲۸مه) خبر ورکړی، په روانه اونۍ کې ۴۸۵ افغان کډوال چې د پاکستان په زندانونو کې بندیان وو؛ له زندانه تر خوشې کېدو وروسته د تورخم او سپین بولدک له لارې بېرته افغانستان ته ستانه شوي دي.

یو افغان کډوال ویلي، چې د چهارشنبې په ورځ د ایران - ترکیې پر پوله په وان سیمه کې ۹۵ افغان پناه‌غوښتونکي د ترکیې د پولیسو له لوري وهل شوي دي. نوموړي افغانستان انټرنشنل ته په لېږلې ویډیو کې زیاته کړې، چې د پولیسو د تاوتریخوالي له امله یوشمېر کډوال سخت ټپیان شوي دي.

د طالبانو د بهرنیو چارو وزیر امیرخان متقي د ملګرو ملتونو سرمنشي مرستیالې روزماري ډیکارلو سره ټلیفوني خبرې کړې دي. د طالبانو د بهرنیو چارو وزارت په وینا؛ دواړه خواوو د خبرو پرمهال اړمنو افغانانو ته د بشري مرستو د رسولو او د مرستو بهیر د لا اغېزمنتیا په اړه خبرې کړې دي.

د طالبانو تر واک لاندې د چاپېریال ساتنې ملي ادارې د اقلیمي بدلون برخې مشر روح‌الله امین ویلي، پلان لري چې په ټول هېواد کې څه باندې ۲۰۰ مېلیونه نیالګي کېنوي؛ څو د اقلیمي بدلون د اغېزو، وچکالۍ او د اوبو د کمښت پر وړاندې مبارزه پیاوړې شي.

په هرات کې د طالبانو د والي‌ دفتر خبر ورکړی، چې د دغه ولایت لپاره د یادې ډلې والي اسلام جار د ترکیې جنرال قونسل او د بهرنیو چارو وزارت له استازي سره په لیدنه کې د دواړو هېوادونو ترمنځ د سوداګرۍ او ترانزیټ بهیر د اسانتیا او همکاریو پر زیاتوالي ټینګار کړی.

انډپېنډنټ خبري شبکې راپور ورکړی، چې د پاکستان د سویلي وزیرستان په واڼه سیمه کې تر ۱۸ کلونو وروسته یو ځل بیا د تحریک طالبان پاکستان (ټي‌ټي‌پي) پر ضد شاوخوا ۶۰۰ کسیز قومي لښکر جوړ شوی او د سیمې په بېلابېلو برخو کې یې مورچې نیولې دي.

له بامیان نه یو محصل افغانستان انټرنشنل ته په لېږلي پیغام کې ویلي، چې طالبانو په پوهنتون کې د موبایل لرل منع اعلان کړي او د څو محصلانو موبایلونه یې هم مات کړي دي. نوموړي ویلي، طالبانو محصلانو ته ګواښ وکړ که له امر یې سرغړونه وشي له بند او نغدي جریمې سره به مخ شي.

د پاکستان ستره محکمه به نن (پنجشنبه) هغه عریضې واوري، چې د تحریک انصاف ګوند له بنسټګر او پخواني لومړي وزیر عمران خان سره د هغه د وکیلانو، شخصي ډاکټرانو او کورنۍ غړو پر ملاقات د بندیز په تړاو ثبت شوې دي.

د تخار ولایت په نمک‌اب ولسوالۍ کې د مالګې د پروسس او تولید د یوې عصري فابریکې د جوړېدو چارې روانې دي؛ هغه پروژه چې د پانګه‌والو او ځايي اوسېدونکو په باور به د مالګې د صنعت ودې ترڅنګ لسګونه کسانو ته د کار زمینه هم برابره کړي.

یوه افغانه قابله چې په یوه بریتانوي بنسټ کې کار کوي د هرات ولایت له بې‌‌برخو او محرومو ښځو سره د خپلو مرستو او تجربو په اړه ټېلګراف ورځپاڼې ته یوه لیکنه کړې ده. هغې لیکلي، چې دغه مېرمنو ته د جنسي او زېږون روغتیايي خدمتونه وړاندې کوي.

د هرات یوې اوسېدونکې افغانستان انټرنشنل ته ویلي، چې د طالبانو له‌خوا د ښځو تر نیولو وروسته د دغه ولایت په بېلابېلو برخو کې د وېرې فضا خوره شوې ده. د هغې په وینا؛ د نیول کېدو له وېرې له تېرو دوو اونیو راهیسې دوی له کوره بهر نه‌دي وتلي.

د «مسوولیت د خونديتوب نړۍوال مرکز» په خپل وروستي اوونیز راپور کې ویلي، چې افغانستان لاهم د بشري خوندیتوب له جدي ننګونو سره مخ دی او ښځې، نجونې او ملکي وګړي د تاوتریخوالي او محدودیتونو تر ټولو ډېر اغېزمن دي.

اروپايي پارلمان د چهارشنبې په ورځ (د غبرګولي ۲۷مه) د یادې ټولنې غړو هېوادونو کې په ناقانونه توګه د مېشتو کډوالو د بېرته ستنولو په اړه د اروپایي ټولنې په سیاستونو کې پراخ بدلونونه تصویب کړل.

افغانستان کې د یو بل کال لپاره د یوناما ماموریت له غځېدو وروسته پنجشېر کې د ملګرو ملتونو اړوندو ۹ ادارو د طالبانو له اړوندو ادارو سره د همغږۍ غونډه کړې. د ملګرو ملتونو د پروژه‌يي خدمتونو دفتر وویل، په روان کال کې به دغه ولایت کې د ۶۰۰ زره ډالرو په ارزښت پراختیايي پروژې عملي کړي.