د طالبانو د سرحدونو، قومونو او قبایلو چارو وزارت د سرحدي پلټونو معین په شبرغان کې د یوې غوڼدې پرمهال پر بهر مېشتو افغانو غږ کړی چې نارضه هېوادوال دې د تماس کمېسیون له لارې بېرته خپل هېواد ته ستانه شي.
د طالبانو مخالفې وسله والې ملي مقاومت جبهې ادعا کړې، چې تېره ورځ یې د هرات د انجیل ولسوالۍ د پرواني کلي په سیمه کې دوه طالبان وژلي دي.
دپاکستان تر واک لاندې کشمیر چارواکو ویلي چې د شنبې په ورځ یو مساپر وړونکی موټر د نیلم درې په سیمه کې ژورې کندې ته لویدلی، چې له امله یې څلور ماشومان مړه شوي او درې نور ټپیان دي.
د طالبانو د کډوالو او راستنېدونکو چارو وزارت یوه ګډ پلاوی ترکیې ته د سفر پرمهال د دغه هېواد د کډوالۍ ادارې له مرستیال مراد قره کایا او نورو چارواکو سره په کتنه کې په ترکیه کې د مېشت افغان کډوالو د ستونزو او د هغوی د ساتنې د مرکزونو په اړه خبرې کړي دي.
د طالبانو د اطلاعاتو او فرهنګ وزارت د خپرونو مرستیال مهاجر فراهي له رسنیو غوښتي، چې د ده په وینا، د «اسلامي نظام» پر ضد «د دښمنانو د بېبنسټه تبلیغاتو» پر وړاندې مبارزه وکړي، خو په خپلو څرګندونو کې یې د دغو تبلیغاتو مشخصې بېلګې نه دي وړاندې کړي.
د خیبر پښتونخوا د دولسو ولسوالیو د شورا مرستیال ملک خان مرجان ویلي، چې له تحریک طالبان پاکستان او حافظ ګل بهادر سره د خبرو اترو پرته بله لاره نشته. هغه له لوړپوړي مشرتابه غوښتي چې دوی ته افغانستان ته د تګ اجازه ورکړي ترڅو له وسله والو سره خبرې وکړي.
د خیبر پښتونخوا په کوز دیر ولسوالۍ کې د شري ناروغۍ له امله پنځه ماشومان مړه شوي او سیمهییزو چارواکو تایید کړې چې ګڼ نور ماشومان هم پر دې ساري ناروغۍ اخته شوي دي.
د خیبر پښتونخوا په مانسهره ولسوالۍ کې ځايي چارواکو پرېکړه کړې چې د شاوخوا ۱۷۰۰ افغانانو اسناد په کلکه وڅېړي او بېاسناده کډوال ونیسي او ژر یې افغانستان ته ولېږي.
د افغانستان لپاره د ملګرو ملتونو د سرمنشي ځانګړې استازې رباب فاطمې ویلي، د افغانستان راتلونکی د دغه هېواد د خلکو دی او ملګري ملتونه به د افغانانو ترڅنګ پاتې شي، څو د خپل هېواد راتلونکی په خپله جوړ کړي.
نن د اکټوبر۲۴نیټه د کوزڼ ناروغۍ سره د مبارزې له نړۍوالې ورځې سره برابره ده. دغه ورځ په داسې حال کې رارسیږي چې افغانستان او خیبر پښتونخوا په نړۍ کې هغه دوه ځایونه دي چې لا تر اوسه د دغې ناروغۍ څخه په بشپړه توګه نه دي پاک شوي او پیښې یې لا هم د زیاتېدو په حال کې دي.
د ننګرهار حوزوي روغتون مشر منصور ښاغلی وايي، په دغه روغتون کې هره میاشت شاوخوا ۱۳۰۰ لوی جراحي عملیات ترسره کېږي؛ خو ورسره هممهاله، دوه سرچینو افغانستان انټرنشنل پښتو ته ویلي، چې د روغتون د نسایي او ولادي برخې ډېری سیزارین عملیات له طبي اړتیا پرته ترسره کېږي.
د فرانسې د کورنیو چارو وزارت وايي، په ټول هېواد کې یې د ناامنیو د مخنیوي لپاره ۷۰ زره امنیتي سرتېري ځای پر ځای کړي او خبرداری یې ورکړی چې د افراطي ډلو له خوا د تاوتریخوالي او لوټ تالان هڅې به په کلکه وځپل شي.
د امریکا د فضايي ادارې (ناسا) چارواکي وايي، د ارتمیس سپوږمیز پروګرام په پلانونو کې بدلونونه به دې ادارې ته زمینه برابره کړي چې په ۲۰۲۸ کال کې ستورمزلي سپوږمۍ ته ولېږي. دا ماموریت به د سپېساېکس یا د بلو اوریجن له خوا د جوړ شوي د سپوږمۍ د ناستې وسیلې له لارې ترسره شي.
د ملي ډیموکراتیک غورځنګ مخکښ غړی او پښتون سیاستوال افراسیاب خټک وايي چې د خیبر پښتونخوا د ۱۲ ولسوالیو لپاره د جلا شورا جوړول یوه نوې استخباراتي لوبه ده. د هغه په وینا، دا چاره په عملي ډول د قبایلي سیمو پخوانی انضمام لغوه کوي.
په ملګرو ملتونو کې د افغانستان دایمي استازي نصیر احمد فایق د دغه سازمان د ۸۱مې کلیزې په مناسبت ویلي، چې د افغانستان او ملګرو ملتونو اوږدمهاله ملګرتیا باید پیاوړې شي، څو افغانان وکولای شي د خپل هېواد د راتلونکي په ټاکلو کې ماناداره ونډه واخلي.
د تیر جمهوریت پر مهال د افغانستان د اطلاعاتو او فرهنګ وزیر عبدالکریم خرم وايي، ښايي د امریکا ولسمشر ډونالډ ټرمپ د سیاسي ستونزو د زیاتېدو په صورت کې د اوکراین جګړه پراخه شي او افغانستان هم د روسیې پر ضد د فشار راوړلو په یوه جبهه بدله شي.
د شمالي کوریا مشر کیم جونګ اون د پوځ د لا پیاوړتیا غوښتنه کړې او ویلي یې دي چې د دغه هېواد پوځي واحدونه باید په پیاوړو، خپلواکو او د جګړې لپاره چمتو ځواکونو بدل شي.
د روغتیا نړیوال سازمان په نړۍ کې د پولیو د واکسین اهمیت ته د نیکونو د خاطرو له لارې د خلکو پام اړوي، خو برعکس په افغانستان کې لا هم ماشومان د دې ناروغۍ قرباني کېږي. هغه ویروس چې د نړۍ په ډېرو هېوادونو کې کابو شوی.
د جمهوریت پر مهال د افغانستان دفاع وزارت سرپرست وزیر شاه محمود میاخېل وايي، افغانان باید د لویې جرګې او بینالافغاني خبرو له لارې خپلو ستونزو ته حللارې ومومي، څو هېواد یو ځل بیا د نیابتي جګړو پر ډګر بدل نه شي.
د ملګرو ملتونو د بشري مرستو د همغږۍ دفتر (اوچا) وايي، په افغانستان کې له کړکېچونو سره د مخامخو کورنیو لاسنیوی کوي، څو له ستونزو سره مقابله وکړي، بېرته پر پښو ودرېږي او د لا پیاوړي ژوند زمینه ورته برابره شي.
د امریکا ولسمشر ډونالډ ټرمپ ویلي، ښايي پر ایران د «حماسي غوسې» په څېر یو بل پوځي عملیات هم ترسره شي او زیاته کړې یې ده، چې بله لاره د تهران له لوري د یوې هوکړې لاسلیکول دي. هغه ټینګار کړی، که ایراني چارواکي هوښیار وي، جدي خبرې اترې به پیل کړي.