رنګین دادفر سپنتا: نړۍوال قدرتونه پر طالبانو د واکمنۍ لپاره له یو بل سره سیالي کوي
د افغانستان د ملي امنیت پخوانی سلاکار وايي؛ واک ته د طالبانو د راتګ یو اصلي لامل "اوسنۍ جیوپولیټیکي غوښتنې" دي.
د افغانستان د ملي امنیت پخوانی سلاکار وايي؛ واک ته د طالبانو د راتګ یو اصلي لامل "اوسنۍ جیوپولیټیکي غوښتنې" دي.
ډآکتر رنګین دادفر سپنتا پر ایکس (ټویټر) شبکې لیکلي، چې نړۍوال قدرتونه د طالبانو پر ملیشو د لا زیات حاکمیت لپاره سیالي کوي.
د هغه په وينا؛ طالبانو خلک په ژور تمدني شکست اخته کړي، خو د زمري٢٤مه، له "ټولو تيارو او کړاوونو سره د تاريخ پای نه دى."
ښاغلی سپنتا زیاتوي، چې عدالت او ازادي د خلکو په توان او ځواک پر تکیه کولو سره پلي کیږي.
رنګين دادفر سپنتا ليکلي؛ د ډېرو ټولنو په تاريخ کې داسې وحشتناک بدلونونه ليدل کېږي.
هغه ټینګار وکړ چې "د مظلومو خلکو د ګډ برخلیک څخه په انکار سره تاسو نه شئ کولی د ازادۍ افق ته ورسیږئ. له هدفمند پلان جوړونې او هڅو سره کولې شئ له دې سخت حالت څخه ووځی".
د یادونې وړ ده، چې نن پر افغانستان د طالبانو د واکمنۍ دوه کاله پوره شول.
