له افغانستانه د وروستي امریکایي سرتیري د وتو له دویېمې کلیزې سره سم، د خوست په یوه نندارتون کې د حقاني شبکې غړي انس حقاني د امریکا په یوه پاتې شوي ټانک، لاسي بم ګوزار کړی دی.
په خپره شوې ویډیو کې لیدل کېږي، چې په امریکایي ټانک د لاسي بم له وېشتلو وروسته د طالبانو غړي هغه تشویقوي او خوشالۍ کوي.
د امریکا وروستی سرتېری د ۱۴۰۰ کال د وږي په نهمه له افغانستانه ووت.
د همدې په پار، طالبانو په خوست ولایت کې د امریکا، برېټانیا او د شوروي د پاتې شویو تجهیزاتو نندارتون جوړ کړی.
د انس حقاني لهخوا د ټانک له وېشو وروسته، طالبانو د «الله اکبر» شعارونه ورکول.
د امریکا د وروستي سرتېري تصویر چې له افغانستانه ووت، د دغه نندارتون په یو لوی بنر کې لګول شوی و.
انس حقاني د طالبانو د کورنیو چارو وزیر سراج الدین حقاني ورور دی. د سراج الدین حقاني نوم لا هم د امریکا د مطلوبو کسانو په نوملړ کې ځای لري.
د سزا نړۍوال عدالت لپاره د امریکا استازې بث ون شاک د سه شنبۍ په ورځ افغانستان انټرنشنل ته ویلي و، چې د سراج الدین حقاني د نیونې لپاره د ۱۰ میلیونه ډالرو انعام لاهم په خپل ځای دی.
د انس حقاني لهخوا د ټانک وېشتل هم د دغې امریکایي استازې له څرګندونو وروسته شوی.
د انس حقاني ویډیو چې د جمعې په ورځ د وږي په لسمه په خواله رسنیو کې خپره شوه، لیدل کېږي چې یوشمېر نورو طالب چارواکو هم په دغه نندارتون کې ګډون کړی و.
طالبانو په تېرو دوو کلونو کې له افغانستانه د وروستي امریکايي سرتیري وتل لمانځلي او د روان کال په غوایي میاشت کې د طالبانو کابینې، د وږي نهمه عمومي رخصتي اعلان کړه.
خو افغانستان انټرنشنل ته رسیدلي اطلاعات ښيي، چې طالب مشران له دغې پرېکړې په شا شوي دي.
د طالبانو د چارو اداره د دغې ډلې د مشرتابه له قوله د کار او ټولنیزو چارو وزارت ته سپارښتنه کړې، چې پر کابل د واکمنۍ ورځې په پار رخصتي بس ده او د «د کابل د فتحې ورځ باید په کلیز کې رخصتي اعلان شي.»
طالبان د زمري ۲۴مه د خپلې بریا او له افغانستانه د بهرنیو نړۍوالو ځواکونو د وتو په پار جشن نیسي.
په دې قورم کې د طالبانو د کومې ادارې نوم نه دی لیکل شوی او یوازې پکې د پخواني حکومت له ملکي او نظامي مامورینو څخه غوښتنه شوې چې د دې فورم ډکولو سره ټول شهرت او پخوانۍ او اوسنۍ دندې ولیکي او له خپلو تذکرو او انځورونو سره یې دوی ته وسپاري.
د ننګرهار سپین غر ولسوالۍ کې د پخواني ملي اردو یو سرتیری وايي، د ولسوالۍ اسخباراتو مدیریت لخوا ټولو قومي مشرانو ته ویل شوي چې د جمهوریت مهال ټول کارکوونکي دې خپل ځانونه ثبت کړي چې بېرته پخوانیو دندو کې وګمارل شي.
هغو کسانو چې دا فورمې ډکې کړې دي د افغانستان انټرنشنل خبریال عبدالحق عمري ته وویل، دا فورمې یې له ډکولو وروسته په جلال اباد کې د طالبانو استخباراتو ریاست او په ولسوالیو کې د استخباراتو مدیریتونو ته سپارلې دي.
خو د تېر حکومت ځینې کارکوونکي اندېښمن دي او وايي نه پوهیږي طالبان له دې کاره څه هدف لري. دوی وايي له دې ویرې یې دا فورمونه نه دي ډک کړي.
په دې اړه مو په ننګرهار کې د طالبانو امنیه قومندانۍ له ویاند رییس زابلي څخه وپوښتل، هغه وویل چې داسې کومه پروسه د دوی د ارګان لخوا نه ده پیل شوې او د دې فورمونو په اړه یې بې خبري وښوده.
خو په ننګرهار کې د طالبانو د ځینې غړو اډيو پیغامونه په ټولنیزو رسنیو کې لاس په لاس کیږي چې پکې یې له دغې پرېکړې سره مخالفت کړی دی. دوی دغو پیغامونو کې تاییدوي چې د پخوانیو امنیتي ځواګونو د بیا جلب جذب لپاره فورمې ویشل شوې دي.
په افغانستان کې د طالبانو بیا ځلي واک ته رسېدو سره دغې ډلې ټولبښنه اعلان کړه، خو بیا داسې مستند راپورونه نشر شول چې ښيي پخواني نظامیان او د ملي امنیت کارکوونکي د طالبانو لخوا صحرایی محکمه او وژل شوي دي.
څه موده وړاندې یوناما اعلان وکړ، چې طالبانو د پخواني جمهوري نظام له ۸۰۰ زیات کارکوونکي او امنیتي او دفاعي ځواکونه نیولي، شکنجه کړي، ورک کړي او وژلي دي.
خو د طالبانو ویاند ذبیح الله مجاهد یاد راپور رد کړی او ویلي یې دي، چې په افغانستان کې له بل هر وخته بشري حقونه خوندي دي.
طالبان ټینګار کوي چې اوس هم د پخواني حکومت زرګونه مامورین د دوی په اداره کې خپلو دندو ته ادامه ورکوي او دوی منلي دي.
