طالبان: ترکیې ۱۲۷۱ ټُنه بشرپاله مرستې د هرات افغاني سرې میاشتې ته وسپارلې

محمد صادق د پنجشنبې په ورځ (د لیندۍ ۲۰مه) په خپله اېکس‌پاڼه لیکلي، په دې لیدنه کې یې له شیاویونګ سره د هغو ترهګرو ډلو په اړه بحث کړی چې ګواکې په افغانستان کې فعالیت کوي او د سیمې پر امنیت منفي اغېز لري. د ده په وینا، د دغو ډلو موجودیت او فعالیتونه د پاکستان، چین او ټولې سیمې لپاره ګډې امنیتي اندېښنې رامنځته کړي دي.

د صادق په وینا، د سفیر یوی شیاویونګ وروستی سفر د پاکستان او چین د منظمو سلا مشورو برخه ده، چې موخه یې د ترهګرۍ ضد همکاریو پیاوړي کول او د سیمه‌ییز ثبات لپاره د ګډو ګامونو پورته کول دي.

صادق ټینګار کړی، چې اسلام‌اباد او بېجېنګ دواړه د ترهګرۍ پر ضد ګډ دریځ لري او د سیمې امنیت د ګډو هڅو له لارې خوندي کېدای شي.

دا په داسې حال کې ده چې پرون په ملګرو ملتونو کې د پاکستان استازي د افغانستان په اړه د ملګرو ملتونو د امنیت شورا په غونډه کې یوځل بیا ادعا وکړه، چې افغانستان د ترهګرو پر امن پټنځای بدل شوی او د افغانستان له خاورې فعالیت کوونکي ترهګر د پاکستان د ملي امنیت لپاره ګواښ دي.

نوموړي ادعا کړې، چې داعش، القاعده، ټي‌ټي پي، پي‌ټي‌ای‌اېن او بلوڅ وسله‌والې ډلې په افغانستان کې پټنځایونه او لسګونه ترهګریز کمپونه لري او یادې ډلې د پاکستان پر ضد فعالیت کوي.

د پاکستان استازي وویل، که د طالبانو حکومت د افغانستان له خاورې په پاکستان کې د بریدونو مخه ونه‌نیسي، نو هېواد به یې د خپلو اتباعو او حاکمیت د ساتنې لپاره ټول اړین دفاعي ګامونه ترسره کړي.

دا په داسې حال کې ده، چې طالبان په وار وار ویلي، په پاکستان کې امنیتي ستونزې دوی پورې هېڅ تړاو نه‌لري او ډاډ یې ورکړی، هېڅ ډلې ته به د دې اجازه ورنه‌کړي چې افغان خاوره د نورو هېوادونو پر ضد وکاروي.

د طالبانو روغتیا وزارت د پنجشنبې په ورځ (د لیندۍ ۲۰مه) د یوې خبرپاڼې په خپرولو سره ویلي، نور جلال جلالي د یونېسف ادارې، ملګرو ملتونو، نړۍوال بانک، د اسیا پراختیايي بانک او نورو مرستندویه ادارو له استازو سره په ناسته کې د میندو او خوارځواکو ماشومانو لپاره د همکاریو پر زیاتېدو خبرې کړې دي.

نور جلال جلالي زیاته کړې: «په کور دننه د مُغذي موادو تولید نه‌یوازې د کیفیت خوندیتوب تضمینوي، بلکې اقتصادي ګټې لري او همداراز کاري فرصتونه رامنځته کوي چې له بهر راوړلو باندې یې په زیاته اندازه لګښت کیږي.»

طالبانو پر نړۍوالو غږ کړی، چې د عامه تغذیې خدمات له سیاست څخه لرې وساتي. د دوی په خبره، چې دا انساني اړتیاوې دي.

د طالبانو عامې روغتیا وزارت ویلي، چې نورالله جلال د عربي متحده اماراتو له سفیر سره د لېدنې پرمهال د ۳۱۸ روغتونونو لپاره د عصري روغتیايي تجهیزاتو چمتو کولو، د پولیو په له منځه وړلو، د غیر ساري ناروغیو په تشخیص او درملنه، شیخ زاید روغتون کې د راډیولوژي اړوند تجهیزاتو چمتو کولو او ځینو نورو اړینو تخصصي برخو کې د ظرفیت لوړونې او اړینو همکاریو غوښتنې کړې دي.

طالبانو ویلي، چې د عربي متحده اماراتو سفیر له افغانستان سره د روغتیا په سکټور کې د پولیو او ساري ناروغیو د کنټرول په برخه کې د بشپړې همکارۍ ژمنه کړې ده.

د طالبانو د صنعت او سوداګرۍ وزیر ددې ډلې تر کنټرول لاندې ملي ټلویزیون ته وویل، چې د ایکو هېوادونو د سوداګرۍ وزیرانو کنفرنس کې دوه ورځې پر تخنیکي مسایلو بحثونه وشول او له ډېرو وزیرانو سره یې خبرې درلودې.

نوموړي وویل، چې په دې غونډه کې پر دې بحث وشو، چې څنګه سوداګري له ګمرکاتو پرته وشي، خو دی وايي، دوی ورسره هوکړه نه ده کړې، ځکه له ګمرک پرته د افغانستان عواید له لاسه ځي.

نوموړي وویل، چې په دې اړه په نورو مجلسونو کې خبرې کېدای شي.

نورالدین عزیزي وویل، د غونډې په پای کې وړاندیز وشو، چې د ایکو د غونډې راتلونکې ناسته به چیرې کیږي، نو دا وړاندیز دوی ومانه، چې د ایکو راتلونکې غونډه په کابل کې وشي.

نوموړی وايي، افغانستان به د مالونو، مرغانو، بټریو او نورو برخو کې په ځان متکي شي او دا مهال په ۵۰۰ سکتوورنو کې افغانستان کې تولیدات کیږي.

له پاکستان سره د سوداګریزو اړیکو په اړه هغه وویل، چې له اسلام اباد سره په سوداګرۍ کې ګڼې ستونزې لري او خصوصي سکتور ډېر زیان لیدلی. د نوموړي په وینا، له پاکستان سره د لارو د بندېدو پرېکړه د مجبوریت له امله شوې ده.

هغه په دې برخه کې د یوې اساسي حل لارې غوښتنه وکړه، چې خصوصي سکتور پکې زیان ونه ویني.

عزیزي وویل، چې پاکستان باید د یوه تعهد له لارې یو باور رامنځته کړي او پاکستاني چارواکي دې مسالې ته رسیده ګي وکړي.

هغه وویل، چې چابهار بندر تل د طالبانو د ادارې په پام کې دی.

یاد وزارت د پنجشنبې په ورځ وویل، چې د ننګرها د عامې روغتیا ریاست د خوړو او درملو د څارنې او پلټنې امریتونو په جلال اباد ښار، بهسود، ښېوې، سره رود، چپرهار، کامې، رودات، اچین، سپین غر، بټي کوټ، شینوارو او نازیان ولسوالیو کې د روغتیايي قوانینو په موخه له خصوصي روغتیايي مرکزونو او د خوراکي توکو له پلورنځیو څارنه کړې، چې په ترڅ کې یې ۱۴۴ روغتیايي مرکزونه، کلینیکونه او روغتونونه د روغتیايي اصولو د نه رعایتولو په جرم وتړل.

دیاد وزارت په خبرپاڼه کې ویل شوي، چې د څارنې ډلې پنځه نیم زره کیلوګرامه وخت تېر درمل او خوراکي توکي هم راټول کړي دي.

طالبانو یاد روغتیايي مرکزونه په داسې حال کې تړلې دي، چې د ددې ډلې او پاکستان ترمنځ له کړکېچ وروسته له یاد هېواد څخه د درملو پر واردولو بندیز لګول شوی.

د راپورونو له مخې، د درملو ګڼو کاروباریانو له پاکستان څخه په قاچاقي لارو د درملو واردولو ته مخه کړې او ځیني کسان هم وخت تېر درمل بازار ته وړاندې کوي.