طالبانو له متحده عربي اماراتو نه د ۳۱۸ روغتونونو لپاره د روغتیايي تجهیزاتو مرسته غوښتې

د طالبانو د صنعت او سوداګرۍ وزیر ددې ډلې تر کنټرول لاندې ملي ټلویزیون ته وویل، چې د ایکو هېوادونو د سوداګرۍ وزیرانو کنفرنس کې دوه ورځې پر تخنیکي مسایلو بحثونه وشول او له ډېرو وزیرانو سره یې خبرې درلودې.

نوموړي وویل، چې په دې غونډه کې پر دې بحث وشو، چې څنګه سوداګري له ګمرکاتو پرته وشي، خو دی وايي، دوی ورسره هوکړه نه ده کړې، ځکه له ګمرک پرته د افغانستان عواید له لاسه ځي.

نوموړي وویل، چې په دې اړه په نورو مجلسونو کې خبرې کېدای شي.

نورالدین عزیزي وویل، د غونډې په پای کې وړاندیز وشو، چې د ایکو د غونډې راتلونکې ناسته به چیرې کیږي، نو دا وړاندیز دوی ومانه، چې د ایکو راتلونکې غونډه په کابل کې وشي.

نوموړی وايي، افغانستان به د مالونو، مرغانو، بټریو او نورو برخو کې په ځان متکي شي او دا مهال په ۵۰۰ سکتوورنو کې افغانستان کې تولیدات کیږي.

له پاکستان سره د سوداګریزو اړیکو په اړه هغه وویل، چې له اسلام اباد سره په سوداګرۍ کې ګڼې ستونزې لري او خصوصي سکتور ډېر زیان لیدلی. د نوموړي په وینا، له پاکستان سره د لارو د بندېدو پرېکړه د مجبوریت له امله شوې ده.

هغه په دې برخه کې د یوې اساسي حل لارې غوښتنه وکړه، چې خصوصي سکتور پکې زیان ونه ویني.

عزیزي وویل، چې پاکستان باید د یوه تعهد له لارې یو باور رامنځته کړي او پاکستاني چارواکي دې مسالې ته رسیده ګي وکړي.

هغه وویل، چې چابهار بندر تل د طالبانو د ادارې په پام کې دی.

یاد وزارت د پنجشنبې په ورځ وویل، چې د ننګرها د عامې روغتیا ریاست د خوړو او درملو د څارنې او پلټنې امریتونو په جلال اباد ښار، بهسود، ښېوې، سره رود، چپرهار، کامې، رودات، اچین، سپین غر، بټي کوټ، شینوارو او نازیان ولسوالیو کې د روغتیايي قوانینو په موخه له خصوصي روغتیايي مرکزونو او د خوراکي توکو له پلورنځیو څارنه کړې، چې په ترڅ کې یې ۱۴۴ روغتیايي مرکزونه، کلینیکونه او روغتونونه د روغتیايي اصولو د نه رعایتولو په جرم وتړل.

دیاد وزارت په خبرپاڼه کې ویل شوي، چې د څارنې ډلې پنځه نیم زره کیلوګرامه وخت تېر درمل او خوراکي توکي هم راټول کړي دي.

طالبانو یاد روغتیايي مرکزونه په داسې حال کې تړلې دي، چې د ددې ډلې او پاکستان ترمنځ له کړکېچ وروسته له یاد هېواد څخه د درملو پر واردولو بندیز لګول شوی.

د راپورونو له مخې، د درملو ګڼو کاروباریانو له پاکستان څخه په قاچاقي لارو د درملو واردولو ته مخه کړې او ځیني کسان هم وخت تېر درمل بازار ته وړاندې کوي.

د ملګرو ملتونو عالي کمیشنرۍ د یوې خبرپاڼې په خپرولو سره ویلي چې له دغه «نوښتګر تړون» وروسته د راستنېدونکو کډوالو لپاره د کوچنيو کاروبارونو پر پراختیا سربیره، د تخنیکي روزنې کورسونه هم جوړیږي.

د دغه سازمان په خبرپاڼه کې راغلي چې د تړون د پلي کولو په لومړي پړاو کې، ۳۳۰۰راستنېدونکو ته د سوداګرۍ د پیل لپاره پورونه ورکول کیږي.

د ملګرو ملتونو عالي کمیشنرۍ ویلي چې دا پروژه د اروپایي اتحادیې او په افغانستان کې د جاپان د نړیوالې همکارۍ ادارې په مالي ملاتړ پیل شوې.

مخکې له دې، د ملګرو ملتونو پراختیایي پروګرام د نومبر په ۲۳مه اعلان وکړ چې په افغانستان کې له ۱۰سلنې څخه کم کوچني کاروبارونه رسمي پورونو ته لاسرسی لري، چې له امله یې ښځینه متشبثینې له دې خدماتو محرومې پاتې دي.

یاد سازمان ویلي چې د ملګرو ملتونو د پراختیايي پروګرام په ټول افغانستان کې د ۷۵۰۰ کوچنیو سوداګریو لپاره شاوخوا ۲۰ملیون ډالره پورونه ورکړي دي، چې ۲۲۵۵د ښځو په مشرۍ سوداګرۍ هم پکې شاملې دي.

ذبیح الله مجاهد رسنیو ته په یوه لېږل شوې غږیږ پیغام کې ویلي، چې طالبان په «اسلامي معیارونو» سره سم د ټولو خلکو د حقونو په ساتنه باندې مکلف دي.

نوموړي زیاته کړې:«هغه بشري حقونه چې تعریفونه يي په بېلا بېلو ټولونو او هېوادونو کې کېږي، افغانان مکلف نه دي چې هغه خپل حقوق وبولي. موږ هغه څه د بشر حق ګڼو چې هغه اسلامي شریعت انسانانو ته ورکړي دي. او دا ډول حقونه تامین دي او د لا تامین لپاره یې هڅه کوو.»

دا په داسې حال کې ده، چې تېره ورځ د ملګرو ملتونو د امنیت شورا په غونډه کې د ګڼو هېوادونو استازو په افغانستان کې پر ښځو او نجونو د ګڼو بندیزونو سربیره په عام محضر کې بدني سزاګاني او اعدامونو پر دوام خپلې اندیښنې شریکي کړي او افغانستان کې یې د بشري حقونو وضعیت د اندېښنې وړ بللی.

د طالبانو د بهرنیو چارو وزیر امیرخان متقي، له یوې دینې مدرسې څخه د طالبانو فراغت غونډې ته د وینا پرمهال ویلي، چې که څوک د افغانستان حریم نقض کړي او پر افغانستان تېرۍ ورکړي، «نو پر مسلمانانو جهاد فرض او هر وګړی باید د هېواد دفاع وکړي.»

امیرخان متقي یوځل بیا ژمنه کړې، چې د افغانستان خاوره به د چا په زیان نه استعمالیږي او که کومه ډله د افغانستان خاوره د بل پر ضد وکاروي «طالبان یې د لاس نیولو حق لري.»

امیرخان متقي ویلي، چې د یادې ډلې رهبرۍ چاته هم اجازه نه ده ورکړې، چې هغه دې په نورو هېوادونو کې نظامي فعالیتونه ترسره کړي، نو که څوک له دې سرغړونه کوي، او یا هر افغان چې له دې سرغړونه کوي د عماوو د پریکړې له مخې، اسلامي نظام حق لرې چې په وړاندې یې اجرات وکړي.»

متقي د خپلې وینا پرمهال په مشخص ډول د کوم هېواد یا ډلې له نوم څخه یادونه نه ده کړي.

امیرخان متقي دا څرګندونې پر داسې مهال کړې، چې تېره ورځ طالب علماوو په کابل کې د یوې غونډې پرمهال د یو پرېکړه لیک په صادرولو سره ویلي، چې «له نظام څخه دفاع مقدس جهاد او فرض عین ګڼل کېږي.»

په پرېکړه لیک کې په ښکاره ډول د پاکستان نوم نه دی یاد شوې، خو ویل شوي چې د هېواد د خاورې، ارزښتونو او شرعي نظام دفاع د هر افغان لپاره لازمه او ضروري ده او همداشان ټینګار شوی چې که هر هېواد د افغانستان پر خاوره تېری وکړي یا د مسلمانانو په حریم کې لاس وهنه وکړي، په مقابل کې یې جګړه او دفاع د ټولو افغانانو لپاره فرض عین ګڼل کېږي.