ایټالیا چین ته له «یوه لار یو کمربند» پروژې نه د وتلو خبر ور کړ

لولا ډسیلوا د شنبې په ورځ په نوي ډیلي کې د جی شل غونډې په څنډه کې وویل چې ولادیمیر پوتین ته به د دې ډلې راتلونکې غونډې کې بلنه ورکړل شي.

لولا ډسیلوا زیاته کړه چې هغه هم په پام کې لري چې د بریکس په غونډه کې ګډون وکړي، چې په روسیه کې د جی شل تر غونډې مخکې جوړېږي.

هغه زیاته کړه: «زه باور لرم چې پوتین په اسانۍ سره برازیل ته تللی شي. زه تاسو ته ویلی شم چې که زه ولسمشر و اوسم او هغه برازیل ته راشي نو داسې هیڅ لاره نشته چې د روسیې ولسمشر ونیول شي.»

د جی شل هېوادونو د ډلې بله غونډه به د راتلونکي کال په جولای میاشت کې د برازیل په ریو ښار کې جوړه شي.

تېر کال د جرمونو نړیوالې محکمې د روسیې ولسمشر پوتین په بې قانوني او په زوره له اوکراین څخه روسیې ته د ماشومانو د لېږدولو په تور په جنګي جرمونو تورن او د هغه د د نیولو حکم یې صادر کړ.

هغه هیوادونه چې د روم اساسنامه یې لاسلیک کړې وي باید د نړیوالې جنایي محکمې حکم تعقیب کړي. خو په دغو هیوادونو کې امریکا، چین او هند شامل نه دي.

د جی شل هیوادونو ډلې غونډه پرون د وږي په ۱۸ مه په نوي ډیلي کې پیل شوه او نن به هم دوام وکړي.

د روسیې او چین ولسمشرانو په دې غونډه کې له ګډون څخه ډډه کړې ده.

د میانمار د سوداګرۍ وزیر د یکشنبې په ورځ د روسیې په ولادیوستوک بندر کې د ختیځ اقتصادي فورم په څنډه کې د روسیې ریانووستی اژانس ته د الوتکو د لېږد په هکله خبره کړې ده.

د روسیې د دولتي کنټرول لاندې د وسلو صادرونکي روسوبورون په وینا، سوخو ۳۰ اېس اېم اېس ډوله جنګي جټ الوتکه د دښمن هوايي اهداف په نښه کولو، هوايي څار او د پیلوټ د روزنې لپاره ډیزاین شوې ده.

د میانمار د سوداګر وزیر د روسیې د تاس دولتي خبري اژانس ته وویل چې په ختیځ اقتصادي فورم کې به د دواړو هیوادونو ترمنځ د سیاحت د پراختیا په ګډون یو شمیر دوه اړخیز تړونونه لاسلیک شي.

د روسیې دفاع وزارت د رویټرز د غوښتنې سره سره د دې راپور په اړه کوم غبرګون ونښود.

د امریکا متحده ایالاتو خبرداری ورکړی چې د میانمار له پوځي واکمنانو سره د روسیې ملاتړ ورته د منلو نه دی او د وسلو استول د جګړې اور ته لمن وهي چې دغه هېواد یې په ناورین بدل کړی دی.

د روسیې د دفاع وزیر او لوړپوړي ډیپلوماټ میانمار ته په داسې حال کې سفر کړی، چې د جنتا مشر مین انګ هیلینګ له ۲۰۲۱ کال راهیسې څو ځلې روسیې ته تللی او دغه هېواد افتخاري دوکتورا ورکړې ده.

د راپورونو له مخې ایران د دولتې ودانیو د ساتنې په ګډون کلک امنیتي تدابیر نیولي دي.

یوه ایرانۍ کردۍ نجلۍ د مهسا امیني په نوم تیر کال د وږي په ۲۵مه نیټه د ایران په پلازمېنه تهران کې د ارشاد د پولیسو په بند کې ووژل شوه.

له دې پیښې وروسته د ایران په بېلابېلو ښارونو کې د حکومت او د اجباري حجاب د قوانینو پر ضد پراخ ولسي لاریونونه پیل شول او څو میاشتې یې دوام وکړ.

د معلوماتو له مخې د مهسا امیني د مړينې د تلین په مناسبت ایراني چارواکو د دولتي ودانیو امنیت ساتل زیات کړي دي.

د ایران انټرنشنل د لیدونکو ثبوتونو ته په کتو د امنیتي پولیسو پراخ شتون او له عسکري دریشۍ پرته د امنیتي موټرسایکل سپرو کسانو ګزمو ته اشاره شوې.

د راپورونو له مخې د مهسا امیني د مړینې د تلین په مناسبت د ایران حکومت د ښارونو په لویو لارو کې د ګڼو لوحو په لګولو سره د حجاب د لرې کولو پر ضد د لاریون او ګډوډیو رامنځته کوونکو ته د سختې سزا یادونې کړې.

له څو میاشتو راهیسې د ایران د ملي امنیت عالي شورا د ایرانیانو د پاڅون د کلیزي په مناسبت له پراخو لاریونونو سره د مبارزې لپاره د چمتو والي په موخه بېلابېلې غونډې کړې دي.

د عدالت غوښتونکو د کورنیو او د سیاسي او مدني فعالانو نیول په تیرو اوونیو کې د ددغو غونډو د اجنډا په سر کې و.

د بشري حقونو د سازمان هینګاو په وینا، د روان کال له پیل راهیسې په بېلابېلو ښارونو کې د ۹ تنه ماشومانو په ګډون چې عمرونه یې تر ۱۸ کلونو کم دي، د عدالت غوښتونکو کورنیو لږ تر لږه ۷۰ غړي نیول شوي دي.

همداراز د ایران انټرنشنل رسنۍ د ترلاسه شویو معلوماتو له مخې د مهسا امنیني د وژل کیدو د تلین او انقلابي پاڅون د پیل په مناسبت، د ایران امنیتي ادارو د تیر کال له لاریونونو او اعتراضونو څخه یو شمیر بندیان بیا ور غوښتي، او له دوی ژمنې اخیستل شوې چي د وږي په وروستۍ اوونۍ کې به له خپلو کورونو نه وځي.

شهزاده رضا پهلوي د مها امنیتي د وژني د لومړی کلیزي په مناسبت یوه ویډیويي وینا کې پر ایرانیانو غږ کړی چې متحد شي او د ملي انقلاب نوې څپه پیل کړي. هغه "مشروع دفاع" د خلکو ښکاره حق وباله او د ایران د ولس په وړاندې د هر ډول تاوتریخوالي د مسؤلیت په اړه یې د جبر وسیلې ته خبرداری ورکړ.

همدارنګه د کردانو شپږو سیاسي ګوندونو د وږي د میاشتې ۲۵ نیټه په ټول کردستان کې د عمومي اعتصاب د ورځې په توګه اعلان کړه او ټینګار یې وکړ چې په دې ورځ به ټول دوکانونه، بازارونه او دفترونه تړلي وي.

په دې وروستیو کې دپي ایس ۷۵۲ الوتنې د قربانیانو د کورنیو ټولنې د وږي د میاشتې په ۲۵ نیټه د یوې نړیوالې غونډې جوړیدوغږ وکړ او په بهر کې له ایرانیانو یې وغوښتل چې د مهسا امیني د مړینې د لومړي تلین په مناسبت د نړۍ په ګوټ ګوټ کې واټونو ته راووځي.

دغه زلزله په مراکش کې په تېرو شپږو لسیزو کې تر ټولو خونړۍ زلزله بلل شوې ده.

په زرګونو مراکشیان چې د زلزلې له امله بې کوره شوي وو د شنبې شپه يې (د وږې ۱۸مه) بهر تیره کړه.

د ریښتر په کچه د ۶،۸ درجې زلزلې وروسته د مراکش شاهي محکمې درې ورځې عمومي ماتم اعلان کړ.

په سلګونو مراکشيان وايي چې نه دوی ته کورونه ور پاتې دي او نه د خوړلو لپاره څه لري.

په ډیرو سیمو کې د ژغورنې ډلو هڅې د زیاتو ودانیو د را غورځېدو او د ترانسپورټي لارو د بندیدو له امله ناکامې شوې دي.

د هندي رسنیو د معلوماتو له مخې، د شاه رخ خان جوان فلم د نندارې په لومړۍ ورځ، هند کې ۷۵ کړوړه هندۍ روپۍ ګټلې دي، نو په دې سره د شاه رخ خان جوان فلم د نوموړي د پټان فلم هغه ریکارډ مات کړ چې د نندارې په لومړۍ ورځ يې۷۰ کړوړه هندۍ روپۍ ګټلې وې.

جوان فلم د نندارې په دویمه ورځ د هند په سینماګانو کې پنځوس کړوړه روپۍ وګټلې چې په دې سره يې دوه ورځنۍ ګټه ټولټال ۱۲۵ کړوړه هندۍ روپۍ شوې. او د هند د سینما په تاریخ کې تر دې مهاله هیڅ فلم په دوه ورځو کې دومره پیسې نه دي ګټلې.

د شاه رخ خان دغه فلم د نندارې په دریمه ورځ ۶۵ کروړه هندۍ روپۍ وګټلې، چې د جوان فلم د دریو ورځو نندارې ګټه ۱۹۰ کروړه هندۍ روپۍ شوې.

د هندي رسنیو د معلوماتو له مخې د شاه رخ خان جوان فلم، د نوموړي د پټان فلم په ګډون، د ګدر ۲، باهوبلې ۲ او کنکلوژن په څېر بریالي او د ډیرو پیسو ګټونکو ټولو فلمونو ریکارډونه مات کړل چې په دي سره د بالیووډ ستوري شاه رخ خان جوان فلم د هند سیمنا په تاریخ کې نوی ریکارډ جوړ کړ.

د یاد فلم پروډیوسره د شاه رخ خان میرمن ګوري خان ده، او د فلم لارښود د سویلي هند فلمي نړۍ مشهور لارښود ایټلي دی.

په دغه فلم کې د شاه رخ خان تر څنګ د هندي سینما مشهوره ممثله ډیپیکا پاډکون هم یو ځانګړی رول لوبولی دی. وجي سیتوپتي او نین تنارا دوه نور مشهور هندي ستوري هم په دغه فلم کې مرکزي رول لري.