د امریکا استازې د ژولیا پارسي، ندا پرواني او نورو فعالانو د خوشې کېدو غوښتنه وکړه
د افغانستان د ښځو په چارو کې د امریکا استازې رینا امیري د ژجولیا پارسي، ندا پرواني او د طالبانو له بنده د نورو فعالانو د خوشې کېدو غوښتنه کړې ده.
د افغانستان د ښځو په چارو کې د امریکا استازې رینا امیري د ژجولیا پارسي، ندا پرواني او د طالبانو له بنده د نورو فعالانو د خوشې کېدو غوښتنه کړې ده.
رینا امیري پر خپل ایکس پاڼه لیکلي، چې طالبان د ټولنې نیمايي نفوس په له منځه وړولو او د ویرې او ظلم د کلتور په پیاوړي کولو سره دا ادعا نه شي کولای چې د افغانانو ژوند ښه شوی دی.
طالبانو د روان کال د وږي په ۲۸مه له کابل ښاره د ندا پرواني په نوم یوه معترضه مېرمن له خپل مېړه او ماشوم سره ونیوله.
تر اوسه وسله والو طالبانو په دې اړه په رسمي ډول څه نه دي ويلي او د پرواني او د هغې د کورنۍ د نيولو لامل يې نه دى څرګند کړى.
د چهارشنبې په ورځ (د تلي ۵مه) طالبانو په کابل کې د ښځو د لاریونو سمبالونکې ژولیا پارسي له زوی سره یو ځای ونیوله.
په تېرو دوو کلونو کې طالبانو تل هغه فعالان، خبریالان او د پوهنتون استادان نیولي چې د دې ډلې له فکر او تګلارو سره مخالفت کوي.
دا مهال خبریال مرتضی بهبودي، د پوهنتون استاد رسول پارسي او د نجونو د زده کړو فعال مطیع الله ویسا هم د طالبانو په زندانونو کې بندیان دي.
د بشري حقونو یو شمېر سازمانونو په ځلونو د دغو کسانو د خلاصون غوښتنه کړې ده.
