ایراني رسنیو د ایران د ولسمشر ابراهیم رییسي په حواله ویلي، چې په تېرو شلو کلونو کې په افغانستان کې د امریکا موجودیت دغه هېواد او وګړو ته یې له ویجاړۍ او وراني پرته د ښه ژوند او امنیت په برخه کې هېڅ ګټه نه ده رسولې.
ایرنا خبري اژانس په یوه راپور کې لیکي، چې ابراهیم رییسي د اسلامي وحدت په اوم نړۍوال کنفرانس کې نن چهار شنبه ( د تلې ۱۲مه) ویلي، چې له افغانستان څخه د امریکا وتل په اوسني عصر کې یو ښه فرصت دی.
هغه زیاته کړې، چې دا مهال په افغانستان کې څه باندې ۳۵زره معلول کوچنیان ژوند کوي، چې دا د هغو کسانو د موجودیت پایله ده، کومو چې د بشري حقونو دعوې کولې.
ابراهیم رییسي وویل : “شل کاله امریکا په افغانستان کې وه، کورونه یې وران کړل، ښځې او نارینه یې ووژل، دوی له ویجاړۍ پرته ګټه نه ده رسولې”.
نوموړي پر طالبانو غږ کړی، چې له دغه فرصت څخه دې ګټه واخلي او په افغانستان کې دې د ټولو قومونو او مذهبونو حقونو ته درناوی وکړي.
رییسي په افغانستان کې د طالبانو له خوا پر ښځو د لګېدلو بندیزونو په اړه څه نه دي ویلي؛ زیاته کړې یې ده، چې قومي، مذهبي او ژبني تعصبات د شخړو او جګړو پرته بله پایله نه لري.
همداراز نوموړي د اسلامي مذهبونو د نږدې والي نړۍواله شورا په استازیتوب د افغانستان په روانې کشالې کې د هر اړخیزې همکارۍ اعلان هم وکړ.
تر دا مهاله امریکايي چارواکو د ایران د ولسمشر د دغه ډول څرکندونو په اړه څه نه دي ویلي او نه هم طالبانو د ایران د ولسمشر له خوا د اسلامي مذهبونو د نږدې والي نړۍوالې شورا د همکارۍ په اړه رسنیو ته څه ویلي دي.
د یادونې وړ ده ، چې په ۲۰۲۱ کال کې له افغانستان څخه د بهرنیو ځواکونو له وتلو وروسته د ایران ولسمشر په یوې خبري غونډې کې په افغانستان کې د امریکا د ماتې اعلان وکړ.
یوه طالب چارواکيهم دا بیان په خپل اېکس کې شریک کړی دی.
افغان سفارت وايي، «د ستونزو د حل او کونسلي خدمتونو د وړاندې کولو لپاره له طالبانو سره تعامل کوي.»
خو دوه پخواني ډیپلوماټان چې هالنډ کې له افغان سفارت سره نږدې اشنايي لري له افغانستان انټرنشنل سره خبرو کې وايي: «د پخواني حکومت سفیر محمد اصف رحیمي له مودو راهیسې په کابل کې له طالب چارواکو سره په تماس کې دی او غواړي چې په هاګ کې سفارت دې ډلې ته وسپاري او پخپله سفیر پاتې شي.»
ښاغلي رحیمي په دې هکله د افغانستان انټرنشنل اړیکې ته ځواب ور نه کړ.
د افغانستان ځینې سفارتونه او استازۍ په داسې هېوادونو کې طالب استازو ته سپارل شوې چې تر ډېره د دې ډلې ملاتړي دي، خو په رسمیت یې نه پېژني.
خو هالنډ له طالبانو سره کومه اړیکه نه لري او ښايي دا ډله په هالنډ کې د فعالیت زمینه هم ونه لري.
د هالنډ حکومت د پخواني حکومت سفارت ته د خپلو وګړو لپاره د کونسلي خدمتونو اجازه ور کړې وه، نه د سیاسي فعالیت.
سرچینې وايي، ښاغلی رحیمي له طالبانو سره په یوځایېدو هڅه کوي، خپل کار جاري وساتي او په غرب کې د نورو افغان استازیو خلاف د سفارت لپاره له طالبانو معاش او امکانات ترلاسه کړي.
د افغانستان هغه سفارتونه او استازۍ چې لا هم د طالبانو په اداره کې نه دي، له طالبانو تنخا یا مالي امکانات نه ترلاسوي.
دوی ته د پاسپورټ جوړول او نوي کول او نکاح خطونه د عاید یوه سرچینه ده.
تراوسه د هالنډ بهرنیو چارو وزارت موږ ته د دې سفارت د برخلیک په هکله څه نه دي ویلي.
اصف رحیمي پخواني بهرنیو چارو وزیر حنیف اتمر ته نږدې کس بلل کېږي او پخوا د هرات والي او د کرنې وزیر هم و.