د هند د شمال ختیځ ایالت "سیکیم" په سیلابونو کې ۲۳ هندي پوځیان ورک دي
هندي رسنۍ خبر ورکوي، چې د هند په شمال ختیځ ایالت سیکیم کې د سختو بارانونو او سیلابونو له امله د هندي پوځ ۲۳ سرتېري ورک شوي دي.
هندي رسنۍ خبر ورکوي، چې د هند په شمال ختیځ ایالت سیکیم کې د سختو بارانونو او سیلابونو له امله د هندي پوځ ۲۳ سرتېري ورک شوي دي.
اج تک تلویزون نن چهارشنبه (د تلې ۱۲مه) یوه ویډیو خبره کړې، چې پکې په یوې ځنګلي سیمې کې د اوبو سیلاب راوتلی او ګڼ سړکونه، کوچنۍ ودانۍ او د برېښنا شبکه یې ویجاړه کړې ده.
دغه تلویزون د هند پوځ په حواله ویلي، چې د شمالي سیکیم د لوناک په جهیل کې د شدید باران او سیلاب له امله د دوی لږ تر لږه ۲۳ پوځیان ورک شوي او لسګونه موټرونه یې تر خټو لاندې شوي دي.
په ورته وخت کې د هند د هوا پېژندنې ادارې ویلي، چې د چنګتانګ په بند کې د اوبو سطحه له عادي حالته نېږدې ۴،۶ متره لوړه شوې ده.
دوی ویلي، چې د بېړنیو خدماتو اداره سیمې ته رسېدلې او له سیلاب ځپلو سره یې مرستې پیل کړې دي.
په یاده سیمه کې یو شمېر ملکي وګړي هم اوسیږي، خو تر دا دمه د ملکي وګړو او مالي زیانونو په اړه هندي چارواکو څه نه دي ویلي.
اج تک د پوځ په حواله وايي، چې دوی په سیمه کې د خپلو ملګرو د لټون عملیات پیل کړي او د ژغورنې ډلې له بندو پوځیانو سره .
د یادونې وړ ده، چې په وروستیو درېیو میاشتو کې د هند په یو شمېر غرنیو سیمو کې بې ساري سیلابونه راوتلي وو، چې له امله یې د هند خلکو او حکومت ته د ځاني زیانونو تر څنګ درانه مالي زیانونه هم اوښتي دي.
