افغان کرېکټ بورډ: د هندوستان په وړاندې د دریو شل اوریزو لوبو د لوبلړۍ نیټې وروستۍ شوې
د افغانستان کرېکټ بورډ د سه شنبې په ورځ د (لړم ۳۰مه) نېټه خبر ورکړ چې، له هندوستان سره د دریو شل اوریزو لوبو د لوبلړۍ نیټې وټاکل شوي.
د افغانستان کرېکټ بورډ د سه شنبې په ورځ د (لړم ۳۰مه) نېټه خبر ورکړ چې، له هندوستان سره د دریو شل اوریزو لوبو د لوبلړۍ نیټې وټاکل شوي.
د افغانستان کرېکټ بورډ په خپله ایکس پاڼه لیکلي چې افغان کرېکټ ملي لوبډله به د راتلونکي ۲۰۲۴ کال د جنورۍ میاشتې ۱۱مه، ۱۴مه او ۱۷ مه نیټه د هندوستان د کرېکټ ملي لوبډلې پر وړاندې په دغه هېواد کې درې نړیوالې شل اوریزې لوبې تر سره کړي.
د کرېکټ بورډ د معلوماتو له مخې دغه لوبې لا له وړاندې د هندوستان له کرېکټ بورډ سره برابرې شوې وې، خو نیټې یې اوس تازه اعلان شوې.
یادې سیالۍ به د هندوستان په موهالي، انډور او بنګلور پر کرېکټ لوبغالو کې تر سره شي.
افغانستان تردې مهاله یوازي په اسیایي جام او نړیوال جام سیالیو کې له هند لوبډلې سره لوبې ترسره کړې دي، خو دا لومړی ځل دی چې افغان لوبډله به په دوه اړخیزه سیالیو کې د هندۍ لوبډلې پر وړاندې د سیالۍ ډګر ته ښکته کیږي.
