د امریکا سنا مجلس جمهوري غوښتونکو غړو، اوکراین او اسراییل ته د دغه هیواد د نوي امنیتي مرستو له پلان سره مخالفت وکړ. جمهوري غوښتونکو له دغه پلان سره د خپل مخالفت لامل د کډوالۍ د سختو ګامونو نشتوالی او له مکسیکو سره د امریکا د پولو پیاوړتیا بللی دی.
دغه طرحه د امریکا سنا جمهوريت غوښتونکو له خوا په ۴۹ موافقو او ۵۱ مخالفو رایو سره رد شوه.
د دغه لایحې له مخې، له اوکراین سره ۵۰ میلیارډه ډالره امنیتي او بشري او ۱۴ میلیارډه ډالر اسراییل ته له حماس سره د جګړې لپاره برابروي.
د امریکا سنا مجلس جمهوري غوښتونکو دغه طرحه رد کړه او له مکسیکو سره یې د امریکا د سوېلي پولو د مهار او کډوالۍ په برخه کې د سختو ګامونو اخیستو غوښتنه وکړه.
ډیموکراټان استدلال کوي چې د متحده ایالاتو له متحدینو سره مرسته کول اړین دي چې «د ډیموکراسۍ دفاع وکړي او د ظلم مخه ونیسي.»
