د طالبانو کورنیو چارو وزارت وايي، د ۱۴۰۰ له زمري میاشتې وروسته یې له ټول هیواد څخه په نشه يي توکو روږدي نږدې سل زره کسان راټول کړي او روغتیايي مرکزونو ته یې استولي. دغه وزارت وايي، په هغو ولایتونو کې چې تر ټولو ډېر په نشه روږدي کسان لري، د درملنې لس نوي مرکزونه ورته جوړوي.
خو دا نه ده څرګنده شوې چې کوم ولایتونو تر ټولو زیات نشه یي توکي لري.
د افغانستان ملي ټلویزیون چې د طالبانو تر کنټرول لاندې دی، دغه ډلې د کورنیو چارو وزارت له نشه يي توکو سره د مبارزې د څانګې له قوله لیکلي چې د طالبانو د ملا مشر هبت الله په امر په نشه يي توکو د روږدو کسانو راټولول ترسره کېږي.
له دې وړاندې هم داسې راپورونه خپاره شوي وو، چې ګواکې طالبان د روږدو کسانو د درملنې په مرکزونو کې د روږدو کسانو پر وړاندې شکنجه او ناوړه چلند کوي.
د روږدو کسانو د درملنې په مرکزونو کې د بودجې او متخصصو کارکونکو د کموالي په اړه راپورونه ورکړل شوي دي.
هغه په اېکس پاڼه د طنز په ډول لیکلي: «مرغان هغه سره کیني چې بڼې يو رنګ وي.»
د شنبې په ورځ د ایران بهرنیو چارو وزیر له طالبانو وغوښتل چې له نورو ډلو سره واک شریک کړي. په ورته وخت کې هغه له نورو ډلو وغوښتل چې طالبان د افغانستان د «واقعیت» په توګه ومني.
د نوموړي داسې غوښتنه د یو شمېر افغان سیاستوالو له توند غبرګون سره مخ شوې.
رحمت الله نبیل په خپل ایکس پاڼه لیکلي: «د ښاغلي عبداللهیان دا خبرې ته د پښتو متل وايم چې مرغان هغه سره کیني چې بڼې یې یو رنګ وي.»
ایران هڅه کړې چې له طالبانو سره ښې اړیکې ولري. ښاغلی نبیل وايي چې دا ښې اړیکې د دوی د يو ډول والي ښکاره نښه ده.
هغه په طنزیه ژبه لیکلي: «له همفکره ملا او طالب څخه نو تر دې لوړه تمه نه شي کیدای!»
