د پاکستان پولیسو د پنجشنبې په ورځ په خیبر پښتونخوا کې د ۲۰۲۳ کال د ترهګریزو پېښو په اړه یو راپور خپور کړی. د پولیسو د راپور له مخې، خیبر پښتونخوا له ۲۰۲۱ کال راهیسې د ترهګرۍ په پېښو کې د زیاتوالي شاهده وه؛ ځکه چې دغه صوبه له ۲۰۲۱ کال راهیسې تر دې دمه د ۱۳۲۷ پېښو شاهده پاتې شوې.
د راپور له مخې، په ۲۰۲۱ کال کې د ترهګرۍ ۲۶۰ پېښې ثبتې شوې، په داسې حال کې چې په ۲۰۲۲ کال کې ۴۹۵ ځله ترهګرو په بېلابېلو تاسیساتو بریدونه کړي او په ۲۰۲۳ کال کې تر اوسه په خیبر پښتونخوا کې د ترهګرۍ ۵۷۲ پېښې شوې دي.
راپور کې راغلي، په ۲۰۲۳ کال کې یوازې په ډېره اسماعیل خان کې ۸۷ ترهگریزې پېښې راپور شوې، په داسې حال کې چې په شمالي وزیرستان کې ۷۹، په خیبر کې ۷۲ او د خېبر پښتونخوا په ټانک ضلع کې د ترهگرۍ ۵۳ پېښې ثبتې شوې دي.
خو له بلې خوا د ډسمبر په ۱۸مه پولیسو د خیبر پښتونخوا په ډېره اسماعیل خان کې د چونډۍ د پولیسو په پوسته د مخالفو وسلهوالو برید په شا وتمباوه.
