د خبریالانو د ملاتړ کمېټې د سه شنبې په ورځ وویل، چې د اسراییل او حماس تر منځ جګړه کې ۷۷ تنه خبریالان او د رسنیو کارکوونکي وژل شوي دي. د دغې کمېټې په وینا ۱۶ خبریالان ټپیان شوي، ۳ یې تري تم دي او ۲۱ نور یې نیول شوي دي.
په وژل شويو خبریالانو او رسنیزو کارکوونکو کې ۷۰ تنه یې فلسطینیان، ۴ یې اسراییلیان او درې نور یې لبنانیان دي.
د خبریالانو د ملاتړ کمېټې په خپله اېکس پاڼه لیکلي، چې خبریالان او رسنۍ په فلسطین کې د سایبري بریدونو، وژنو او د هغوی د کورنیو غړي هم له ګواښونو سره هم مخامخ شوي دي.
تر دې وړاندې بې پولې خبریالانو د دویم ځل لپاره له اسراییلو غوښتي وو هغه څه چې دوی یې «د خبریالانو پر ضد جنګي جنایت» بولي، په نړۍوالې محکمې کې به ورڅخه شکایت وکړي.
