په اسلام اباد کې د سختې لړې له امله ۳۰ الوتنې لغوه شوې او ۱۰۰ نورې وځنډېدې
په اسلام اباد کې د سختې لړې له امله ۳۰ الوتنې لغوه شوې او ۱۰۰ نورې وځنډول شوې. د ډان نیوز د راپور له مخې، اسلام اباد ته ۹ الوتکې په لاهور، پېښور، ملتان او کراچۍ کې ښکته شوې.
په اسلام اباد کې د سختې لړې له امله ۳۰ الوتنې لغوه شوې او ۱۰۰ نورې وځنډول شوې. د ډان نیوز د راپور له مخې، اسلام اباد ته ۹ الوتکې په لاهور، پېښور، ملتان او کراچۍ کې ښکته شوې.
د پنجاب په ډېریو ښارونو کې د لړې له امله په بېلابېلو ځایونو کې لویې لارې تړل شوي او خلکو ته سپارښتنه شوې، چې له غیر ضروري سفر څخه ډډه وکړي.
په تېرو وروستیو کې د پاکستان بېلابېل ښارونه له سختې لړې سره مخامخ شوي.
دوه اونۍ وړاندې لاهور د نړۍ تر ټولو د ککړې هوا لرونکی ښار وپېژندل شو، چې د یوې اونۍ لپاره یې ډېرۍ الوتنې لغوه شوې او ځینې یې هم وځنډېدې او د څو ورځو لپاره یې لویې لارې هم تړل شوې وې.
تېره ورځ هم په اسلام اباد کې مېشتو کسانو په خواله رسنیو د ککړې هوا تصویرونه خپاره کړي وو، چې د لید کچه صفر ته رسېدلې او د موټرو لپاره یې تګ راتګ خورا ستونزمن کړی دی.
