د ماشومانو د ژغورنې صندوق: په افغانستان کې ماشومان تر نورو زیات له لوږې او خوارځواکۍ کړیږي
د ماشومانو د ژغورنې صندوق وايي، په افغانستان کې د وچکالۍ او وزګارتیا ډېرې کورنۍ ځپلي چې تر نورو زیات درد یې ماشومانو ته رسېدلی دی.
د ماشومانو د ژغورنې صندوق وايي، په افغانستان کې د وچکالۍ او وزګارتیا ډېرې کورنۍ ځپلي چې تر نورو زیات درد یې ماشومانو ته رسېدلی دی.
د ماشومانو د ژغورنې دغه مرستندویه بنسټ د مرغومي په ۲۲مه نېټه په اېکس پاڼه لیکلي، چې دوی د هغو ماشومانو لپاره سخت اندېښمن دي چې دا مهال له لوږې او خوارځواکۍ سره لاس او ګرېوان دي.
تر دې وړاندې دغه بنسټ ویلي وو، چې په افغانستان کې یو پر درېیمه برخه ماشومان درنو کارونو ته اړ اېستل شوي دي.
په دغه راپور کې دا رنګه ویل شوي، چې تر دې مهاله مرستندویه ادارې نه دي توانیدلي چې د دغو ماشومانو د اړتیاوو ۴۰ سلنه پوره کړي.
د نړۍ د خوړو پروګرام او د مرستندویه ادارو د همغږۍ دفتر اوچا او نورو بنسټونو هم ویلي وو، چې په افغانستان کې ۲۳ ملیونه وګړي له سختې لوږې سره مخامخ دي.
