د امریکا د بهرنیو چارو وزیر: ایران د سیمې امنیت ته تر ټولو ستر ګواښ دی
د سوېس د داووس د نړۍوال اقتصادي فورم په څنډه کې د امریکا د بهرنیو چارو وزیر انټوني بلېنکن ویلي، چې ایران «د سیمې امنیت ته ستر ګواښ» دی.
د سوېس د داووس د نړۍوال اقتصادي فورم په څنډه کې د امریکا د بهرنیو چارو وزیر انټوني بلېنکن ویلي، چې ایران «د سیمې امنیت ته ستر ګواښ» دی.
په وروستیو څلورو ورځو کې ایران په سوریه، عراق او پاکستان کې ځینې اهداف په نښه کړل.
دغې چارې نه یوازې د عراق او پاکستان غبرګون راپارولی بلکې د امریکا په ګډون د یو شمېر عربي هېوادونو له مستقیم او غیر مستقیم غبرګون سره مخ شوی دی.
د امریکا د بهرنیو چارو وزیر د چهار شنبې په ورځ ( د مرغومې ۲۷مه) وویل، چې د سیمې هېوادونه غواړي چې امریکا په سیمه کې فعال حضور او د رهبرۍ نقش ولوبوي، خو ایران د سیمې امنیت ته ستر ګواښ جوړوي.
د بلېنکن په خبره، د سیمې د هېوادونو په مرسته د اسراییل او فلسطین د کړکېچ حل کولی شي، چې په منځني ختیځ کې د ایران نیابتي ډلې او وسلوال منزوي کړي.
نوموړی دا خبرې پر داسې مهال کوي، چې د ایران د بهرنیو چارو وزیر امیر حسین عبداللهیان په داووس کې ویلي، چې د عراق او پاکستان امنیت د ایران امنیت دی او دوی په دواړو هېوادونو کې ترهګر په نښه کړي دي.
