د طالبانو د ریاست الوزرا په خبرپاڼه کې راغلي، په هغه غونډه کې چې ملا عبدالغني برادر په مشرۍ شوې پرېکړه وشوه، د استخراج شویو شوکاڼو چې نیمه پروسس یې شوی وي، یو ټن رویالیټي دې له ۱۸۰۰ افغانۍ څخه ۱۲۰۰ افغانیو او ګمرکي تعرفه له ۱۰۰۰ افغانۍ څخه ۸۰۰ افغانیو ته راټیټه کړای شي.
په غونډه کې ویل شوي، دغه پرېکړه یوازې د شوکاڼي د هغو ډبرو په اړه شوې چې استخراج شوي او په سیمه کې پرتې دي.
دا رنګه د دغو ډبرو سوداګرو ته ویل شوي، چې په راتلونکو پنځو میاشتو کې دې ټولې استخراج شوې ډبرې بهر ته ولېږدوي.د افغانستان د شوکاڼي ډبرې تر ډېره پاکستان ته وړل کېږي او هلته د صابون او نورو پوډرو په جوړولو کې ورڅخه کار اخیستل کېږي.تر دې وړاندې د دغو کانونو په استخراج او د ډبرو په قاچاق کلک بندیزونه لګیدلي وو او هیچا دا حق نه لاره، چې د مسلکي انجنییرانو پرته دغه کانونه راوسپړي او په بهرنیو مارکیټونو کې یې لیلام ته وړاندې کړي؛ خو په افغانستان کې د طالبانو له بیا واکمنېدو سره جوخت دغه کانونه په خلاص مټ سپړل کېږي او په بهرنیو مارکیټونو کې لیلام ته وړاندې کېږي، چې طالبانو ته یې هم ګټه رسېږي.
