د پاکستان په سند صوبې کې ناپېژاندو وسله والو درې پولیس تښتولي دي

د ښاغلي منېر داخبرې په داسې مهال دي چې په پاکستان په تېره پښتونخوا او بلوچستان کې بیا د امنیتي ځواکونو پرضد د وسلوالو بریدونو زور اخیستی دی.

د دې ډېری بریدونو مسوولیت پاکستاني طالبان او بلوڅ بېلتونپال په غاړه اخلي.

عاصم منیر په خپلو خبرو کې پر خواله رسنیو هم نیوکه وکړه او ویې ویل، چې دلته منفي پروپاګند په هېواد کې د بې باورۍ او ناهیلۍ لپاره کېږي.

د هغه په خبره، پکار ده چې د ورته خبرونو بیا کتنه وشي.

که څه هم جنرال عاصم منیر کومې مشخصې پېښې ته ګوته ونه نیوله، خو په وروستیو اونیو کې په اسلام اباد کې له بلوڅ پرلتوالو سره د امنیتي ځواکونو چلن خواله رسنیو کې ډېر لاس په لاس شو.

په ورته مهال په چمن کې هم زرګونو کسان له درې نیمو میاشتو راهیسې پرلت وهلي ناست دي او هره ورځ خپل غږ د خواله رسنیو له لارې له نړۍ سره شریکوي.

پاکستان کېد پښتون ژغورنې غورځنګ پر غونډو سربېره، د چمن پرلت او د بلوڅانو لاریون ته هم د دغه هېواد رسنیو کې ځای نه ور کول کېږي او دا درې واړه لوري د خپلو هڅو رسولو لپاره خواله رسنۍ کاروي.

د ازبکستان د بهرنیو چارو وزارت د اعلامیې له مخې، د دوی خبرې د افغانستان له لارې د ازبکستان او پاکستان د نښلولو لپاره پر پټلۍ ور ټولې وې، چې پاکستانی لوری یې د سیمې نشلولو لپاره مهمه بولي.

دا پټلۍ د ازبکستان له ترمز پیلېږي، مزار شریف کې افغانستان ته ننوځي او بیا د لوګر او پکتیا له لارې تر پېښور رسېږي.

تېره پنجشنبه په اسلام اباد کې د ازبکستان او طالبانو سفیرانو د پاکستان له پټلۍ وزیر سره د دې پروژې تړون لاسلیک کړ.

دا اقتصادي هڅې په داسې مهال دي چې دې وروستیو کې د طالبانو او پاکستان اړیکي خورا ترینګلي ښکاري او له امله یې دواړو لورو ته سوداګري هم اغېزمنه شوې ده.

پاکستان نږدې دوه اونۍ وړاندې تورخم کې بې ویزې افغان موټروانانو ته د ننوتلو اجازه ور نه کړه او په مقابل کې طالبانو منځنۍ اسیا ته د دغه هېواد د لاریو د تګ مخه ونیوله.

له بیا بیا خبرو وروسته پاکستان پرون دا لار پرانیسته.

د افغانستان له لارې د ازبکستان او پاکستان د نښلوونکې پټلۍ پر لار نقشه د ۲۰۲۱ کال لومړیو کې درې واړو هېوادونو هوکړه کړې وه..

د ازبکستان ټرېنډ رسنۍ وایي، د دې پروژې لګښت پنځه میلیارده ډالره دی او تر شل میلیون ټنو مواد لېږدولی شي، چې له مخې یې اروپا، روسیه، ازبکستان، افغانستان، پاکستان، هند او د سوېلي اسیا نور هېوادونه سره وصلېږي.

د راپورونو له مخې، یوازې په لاهور کې تزره ورځ ۱۹۷ نوې پېښې ثبتې شوې چې له دې ډلې دوه ماشومان مړه شوي دي.

سږ کال په پنجاب کې د سیخ او برېښ ۱۰ زره ۵۲۰ پېښې راپور شوې، چې په کې ۲۰۸ کسان مړه شوي.

له بلې خوا، یوازې په لاهور کې د سینه بغل ۱۵۷۰ پېښې راپور شوي چې په کې ۴۷ کسان مړه شوي دي.

په پنجاب کې د سینه بغل له امله د مړو شمېر په چټکۍ سره مخ په زیاتېدو دی، د تازه شمېرو له مخې په ټوله صوبه کې په یوه ورځ کې د سینه بغل له امله ۱۴ تنه نور ماشومان هم مړه شوي دي.

نوموړې نن سې شنبه (د سلواغې ۳یمه) په پاکستان کې یوې غونډې ته ویلي، چې دی نواز شریف له هر چا ډېر ښه پېژني او نوموړی یو کرکجن او کینه ګر انسان دی.

هغه وویل:" که نواز شریف په څلورم ځل وزيراعظم شو نو انتقام به اخلي، کوم چې هېڅ اټکل یې نه کیږي، د هغه سياست د تشدد سياست دی".

بوټو زیاتوي، چې د نواز شریف تېر ته په کتو هغه به خامخا غچ اخلي او نوموړی به له قاضي نیولې تر د زندان د کارکوونکو او مسوولینو پورې له ټولو خپل انتقام اخلي.

وروسته له هغې چې په پاکستان کې د نواز شریف حکومت ړنګ شو؛ نوموړی د بېلابېلو جرمي دوسیو له امله زندان ته واچول شو او بیا د ناروغۍ په پلمه له پاکستانه بهر لاړ.

نوموړی له څو کلونو جلا وطنۍ وروسته بېرته پاکستان ته ستون شوی او د پاکستان په ټاکنو کې برخه اخلي.

نېږدې دوه میاشتې وړاندې د بلوڅانو د نسل وژنې پر ضد لسګونو مېرمنو په اسلام اباد کې د اسلام اباد پرېس کلب مخې ته پرلت وهلی و، چې ویل یې چې «د پاکستان حکومت له لوري بېګناه بلوڅان وژل او تېري تم کیږي.»

د دغه پرلت سرلارې ماه رنګ بلوڅ نن په یوې خبري غونډې کې وویل، چې د اسلام اباد په سختې یخنۍ کې یې په ازاده فضاء کې شپې او ورځې تېرې کړې؛ خو د پاکستان حکومت یې غوښتنې ونه منلې.

نوموړې د پاکستان حکومت ته وویل: "له څنګه چې تاسو د مظلومو بلوڅانو پر وړاندې خپله کرکه او نفرت وښوده؛ موږ ته هم اوس ډېره ښه معلومه شوه، چې ستاسو له مظلومو بلوڅانو سره د دښمنۍ اعلان کړی دی."

د ماه رنګ بلوڅ په خبره؛ دوی به بېرته بلوچستان ته ځي او د پاکستان د غیر اسلامي او غیر انساني کردار په اړه به په بلوچستان کې مېشتو بلوڅانو ته خبر ورکوي.

نوموړې وايي، چې د دوی مبارزه یو بل پړاو ته رسېدلې او په پوره زغم او حوصله به له خپلو حقونو څخه دفاع کوي.

ماه رنګ بلوڅ وویل، چې په پلازمېنه کې له دوی سره انساني چلند نه دی شوی، د دې پر ځای چې حکومت د دوی بشري غوښتنې ومني له دوی سره یې د زور زیاتي، ربړونې او بندي کولو لړۍ پیل کړې ده.
اغلې بلوڅ وویل، چې سلګونه بلوڅان ورک او لا یې معلومات نه کیږي، چې چېرې او له چا سره دي؛ خو د پاکستان حکومت یې هم په اړه څه نه وايي.

پرلت کوونکو د پاکستان حکومت ته ګوت څنډنه وکړه، که د دوی غوښتنې و نه منل شي؛ نو ټول بلوڅان به په یوه خوله او یو اواز سره راپورته کېږي او د خپلو حقونو غوښتنه به کوي.

دوی وايي؛ غوښتنې یې پر حقه دي او د خپلو خلکو د تری تم کېدو او نسل وژنې د مخنیوي غوښتنه کوي.

دا لا نه ده معلومه، چې د بلوڅ مېرمنو بېرته تلونکي پرلتوال به په بلوچستان کې د پاکستان د حکومت پر وړاندې له کوم رد عمل څخه کار اخلي؛ خو د پاکستان حکومت د یادو پرلتوالو په تړاو څه نه دي ویلي.