پوتین: د امریکا د ولسمشرۍ له پاره له ټرمپ څخه بایډن غوره دی
د روسیې ولسمشر وایي، د امریکا د ولسمشرۍ لپاره له ټرمپ څخه بایډن ته ترجیح ورکوي. ولادیمیر پوتین دا رنګه ویلي، هر کس چې د امریکا ولسمشر شي هغه چمتو دی چې ورسره همکاري وکړي.
د روسیې ولسمشر وایي، د امریکا د ولسمشرۍ لپاره له ټرمپ څخه بایډن ته ترجیح ورکوي. ولادیمیر پوتین دا رنګه ویلي، هر کس چې د امریکا ولسمشر شي هغه چمتو دی چې ورسره همکاري وکړي.
هغه د روسیې دولتي ټلویزیون ته ویلي، چې بایډن «تجربه لرونکی او د وړاندوینې وړ» کس دی.
ښاغلي پوتین د روسیې -۱ ټلویزیون سره په مرکه کې چې د چهارشنبې په شپه خپره شوه، د دې پوښتنې په ځواب کې چې روسیې ته د امریکا د ولسمشرۍ لپاره بایډن ښه دی که ټرمپ غوره دی، وویل: بایډن تجربه لرونکی او د وړاندوینې وړ کس دی.
نوموړي زیاته کړه، چې دونالډ ټرمپ «د امریکا او د هغه د متحدانو د پرمختیا په برخه کې خپل ځانګړی لیدلوری لري.»
د روسیې ولسمشر همدا رنګه د ناټو د پرمختګونو او په دغې ټلواله کې د اوکراین د احتمالي ورګډېدو په اړه خپلې اندېښنې په ډاګه کړې.
ولادیمیر پوتین ټینګار وکړ: موږ په ناټو کې د اوکراین د غړیتوب په اړه اندېښمن یو، ځکه دغه څه د روسیې امنیت ګواښي.
