صدر ابراهیم شمال کې له طالب امنیتي مسوولانو غوښتي خپلې پرېکړې له والیانو سره شریکې کړي

د تاس خبري اژانس د خبر له مخې نوموړي د دغه پلان جزیات ورنه کړل، خو ویې ویل: «افغانستان ته څېرمه د یوه امنیتي کمربند د جوړولو لپاره د تاجکستان د ولسمشر امام علي رحمان نوښت، چې هغه یې په نړیوالو فورمونو کې وړاندیز کړی دی، نه یوازې دا چې په افغانستان کې د کلابندۍ د جوړولو لپاره دی، بلکې، دا د دواړو خواوو د شرایطو د رامنځته کولو لپاره چمتو شوی.»

امام علي رحمان د ۱۴۰۱ کال د تلې په میاشت کې د ګډ امنیتي تړون د سازمان په فوق العاده غونډه کې د افغانستان په شاوخوا کې د امنیتي کمربند د جوړولو طرحه وړاندې کړه.

ښاغلي رحمان داسې مهال خبرداری ورکړی، چې په افغانستان کې د نړیوالو ترهګرو ډلو د فعالیت زیاتوالی مستقیماً د ټولیز امنیت د تړون د سازمان د غړو هېوادونو پر امنیت اغېز کوي.

د روسیې د ملي امنیت شورا منشي نیکلای پاتروشف او د قرغزستان ولسمشر صدر جباروف دوه ورځې وړاندې په بشکیک کې په یوه غونډه کې اعلان وکړ چې اوس هم په افغانستان کې شل نړیوالې ترهګرې ډلې فعالې دي.

خو د طالبانو د حکومت ویاند ذبیح الله مجاهد دا څرګندونې رد کړې.
​

نوموړي همداراز لیکلي، چې په دې غونډه کې باید د بشري حقونو په ځانګړي توګه د ښځو د حقونو په اړه بحث ته لومړیتوب ورکړل شي.
د دوحې ناسته به نن د شاوخوا شلو هیوادونو د استازو په ګډون تر راتلونکو څو ساعتونو پیل شي.
د افغانستان انټرنېشنل د خبریال عارف یغقوبي په خبره، د ملګرو ملتونو د سر منشي انتونیو ګوتېرېش په ګډون ګڼ استازي د غونډې ځای ته رسېدلي دي.
د یو شمیر راپورونو پر اساس، دا غونډه به د بندو دروازو تر شاه ترسره شي.

ملګرو ملتونو په دې غونډه کې طالبانو ته هم د ګډون بلنه ور کړې وه، خو دې ډلې پرون وویل، چې د دوی شرطونه نه دي منل شوي، ځکه «بې ګټې» ګډون نه کوي.

د طالبانو بهرنیو چارو وزارت وايي، ملګرو ملتونو ته یې ویلي و، چې طالبان باید د افغانستان د یوازینۍ مسوولې ډلې په توګه ګډون وکړي، خو شرطونه یې نه دي منل شوي.

طالبان په خپله اعلامیه کې وایي، دا غونډه د دوی او د نړیوالې ټولنې ترمنځ د اختلافونو او ستونزو د حل لپاره ښه فرصت و.

له سوېلي ولایت کندهار څخه سیمه ییزې سرچینې افغانستان انټرنشنل ـ پښتو ته وايي، د کندهار لپاره د طالبانو والي ملا شیرین د دغه ولایت ټولو ادارو ته مکتوب لیږلی او امر یې کړی چې، په راتلونکې کې به په خپلو ټولو رسمي او نا رسمي ناستو کې د ساه لرونکو له تصویر اخیستلو او ویډیو کولو څخه ډډه وکړي.

د کندهار والي ملا شرین چې د سولې د مذاکراتي ډلې غړی او د طالبانو د مشر ملا هبت الله له نږدې کسانو څخه دی، د دغه ولایت ټولو ادارو په لیږل شوي مکتوب کې ویلي، چې د انځور او ویډیو اخیستلو زیان له ګټې څخه ډیر دی.

همدارنګه په دغه مکتوب کې ټولو ادارو امر ته شوی چې د خپلو فعالیتونو راپورونه په لیکلي او غږیزه بڼه خپاره کړي.

په کندهار کې د طالبانو له لوري پر انځور اخیستلو دغه تازه بندیز په داسې مهال لګول کیږي چې، په افغانستان د طالبانو له واکمن کېدو وروسته په تېرو دوه نیمو کلونو کې له شپږم ټولګي پورته ښوونځیو ته د نجونو پر تګ،له کوره بهر د ښځو پر کار کولو او نورو وروته مسایلو لا له وړاندې بندیزونه لګول شوي دي.

طالبانو په خپله لومړنۍ پنځه کلنه واکمنۍ کې پر انځور اخیستلو بندیز لګلولی و او دغه کار یې له اسلام سره په ټکر کې بللی و، دغې ډلې په دویم ځل واک ته تر رسیدو وړاندې په دوحه کې د مذاکراتو پر مهال ژمنه کړې وه چې دوی له پخوا بدل شوي او دا ځل به یې چارې او بندیزونه د پخوا په څېر نه وي.

د ملا شیرین له لوري د تازه خپاره شوي مکتوب له لارې په انځور اخیستلو بندیز د طالبانو د ډلې د پخواني دريځ څرګندويي کوي.

د طالبانو ویاند ذبیح الله مجاهد د یک شنبې په ورځ د (سلواغي ۲۹مه) په اېکس پاڼه په مونیخ د ۱۲ هېوادونو د بهرنیو چارو وزیرانو له لوري د ګدې اعلاميې خپرولو ته توند غبرګون ښودلی او لیکلی یې دي، «په مونیخ کې د افغانستان په اړه وړاندې شوې اندېښنې بې ځایه دي.»

د ۱۲ هېوادونو د بهرنیو چارو وزیرانو د مونیخ په امنیتي غونډه کې د یوې ګډې خبرپاڼې په خپرولو سره ویلي چې، طالبانو له ټولنې او سیاسي پرېکړو څخه د ښځو د ایستلو سره د افغانستان راتلونکی له ګواښ سره مخ کړی.

خو مجاهد وايي، «افغانستان له کلونو وروسته امن دی، هیڅ بهرنۍ ډلې دلته نشته او نه هم د فعالیت اجازه ورکول کیږي.»

همدارنګه نوموړی وايي، د ځینو کړیو له لوري د ناسمو معلومات وړاندې کولو له امله د دا ډول اندېښنو خپرول له افغانستانه د ګواښ او ویرې احساس پیدا کوي.

د طالبانو ویاند ذبیح الله مجاهد د مونیخ امنیتي غونډې ګډې خپرباڼې ته په غبرګون کې زیاتوي چې د «چا اعلامیو او تشویشونو ته منتظر نه پاته کیږي.»

د البانیا، اندورا، بلجیم، بلغاریا، کاناډا، فرانسې، جرمني، کوسوو، لیخټین شټاین، منګولیا، هالنډ او رومانیا د بهرنیو چارو وزیرانو د مونیخ د امنیتي غونډې په دویمه ورځ په یوه ګډه خبرپاڼه کې د طالبانو لخوا د ښځو څنډې ته کولو او د جنسیت پر بنسټ سیستماتیکه ځورونه وغندله او ویې ویل چې طالبان په نړۍ کې د بشري حقونو د «تر ټولو ناوړه او تر ټولو ډارونکي» وضعیت مسوول دي.

یاده اداره وايي، دغه صادرات او واردات یې د ۱۴۰۲ کال د سلواغې له ۲۰مې تر ۲۶مې نیټې پورې کړي دي.

‏د طالبانو د اوسپنې پټلۍ اداره وايي، د حیرتان بندر د اوسپنې پټلۍ له لارې یې ۸۷ زره او ۴۷۱ ټنه، د اقینې بندر د اوسپنې پټلۍ له لارې شپږ زره او ۱۱۹ ټنه او د تورغونډۍ بندر د اوسپنې پټلۍ له لارې اته زره او ۷۳۷ ټنه توکي لېږدول شوي چې ټول شمېر یو لک او دوه زره او ۳۲۷ ټنه نفتي، غیر نفتي او نور توکي، هېواد ته وارد او بهر ته صادر شوي دي.

د دغه شمېر لېږدول شویو توکو له ډلې یوه برخه ټرانزيټ او صادرات دي چې په تېره اوونۍ کې ۳۳۷۷ ټنه صادر شوي، چې په دې کې کینو، کچالو او د انارو اوبه (جوس) شامل دي.

دغې ادارې دا نه دي ويلي چې دغه توکي یې له کومو هیوادونو وارد او کومو هیوادونو ته یې صادر کړي خو وايي، دوی به خپلو صادراتو او وارداتو ته په راتلوونکي کې لا مناسب شرايط برابروي.

تېره اوونۍ د طالبانو د اوسپنې پټلۍ اداره ويلي و، چې د یوې اوونۍ په لړ کې یې د ۱۴۰۲ کال د سلواغې له ۱۳مې تر ۱۹مې نیټې پورې ۹۱ زره او ۵۹۳ مټرېک ټنه صادارت او واردات کړي وو.