دوحه کې د افغانستان په اړه غونډه نن شپږ بجې د ملګرو ملتونو د سرمنشي په کوربه توب پېلږیږي
د افغانستان لپاره د نړۍ هېوادونو د ځانګړو استازو دویمه غونډه نن یک شنبې د (سلواغي ۲۹مه) شپږ بجې د ملګرو ملتونو د سرمنشي انتونوګوترېش په کوربه توب پېلیږي.
د افغانستان لپاره د نړۍ هېوادونو د ځانګړو استازو دویمه غونډه نن یک شنبې د (سلواغي ۲۹مه) شپږ بجې د ملګرو ملتونو د سرمنشي انتونوګوترېش په کوربه توب پېلیږي.
د نړۍ د څه باندې ۲۰ هېوادونو استازي دلته د طالبانو تر واک لاندې افغانستان په اړه خپل دریځ ته رایه ورکوي.
تمه ده چې انتونیو ګوتریش به له افغانستان سره د اړیکو د عادي کولو بهیر د پیل لپاره د هېوادونو د ګډ دریځ غوښتنه وکړي او د خبرو اترو اصلي برخه به سبا دوشنبه په دوحه کې ترسره شي.
له سوېلي ولایت کندهار څخه سیمه ییزې سرچینې افغانستان انټرنشنل ـ پښتو ته وايي، د کندهار لپاره د طالبانو والي ملا شیرین د دغه ولایت ټولو ادارو ته مکتوب لیږلی او امر یې کړی چې، په راتلونکې کې به په خپلو ټولو رسمي او نا رسمي ناستو کې د ساه لرونکو له تصویر اخیستلو او ویډیو کولو څخه ډډه وکړي.
د کندهار والي ملا شرین چې د سولې د مذاکراتي ډلې غړی او د طالبانو د مشر ملا هبت الله له نږدې کسانو څخه دی، د دغه ولایت ټولو ادارو په لیږل شوي مکتوب کې ویلي، چې د انځور او ویډیو اخیستلو زیان له ګټې څخه ډیر دی.
همدارنګه په دغه مکتوب کې ټولو ادارو امر ته شوی چې د خپلو فعالیتونو راپورونه په لیکلي او غږیزه بڼه خپاره کړي.
په کندهار کې د طالبانو له لوري پر انځور اخیستلو دغه تازه بندیز په داسې مهال لګول کیږي چې، په افغانستان د طالبانو له واکمن کېدو وروسته په تېرو دوه نیمو کلونو کې له شپږم ټولګي پورته ښوونځیو ته د نجونو پر تګ،له کوره بهر د ښځو پر کار کولو او نورو وروته مسایلو لا له وړاندې بندیزونه لګول شوي دي.
طالبانو په خپله لومړنۍ پنځه کلنه واکمنۍ کې پر انځور اخیستلو بندیز لګلولی و او دغه کار یې له اسلام سره په ټکر کې بللی و، دغې ډلې په دویم ځل واک ته تر رسیدو وړاندې په دوحه کې د مذاکراتو پر مهال ژمنه کړې وه چې دوی له پخوا بدل شوي او دا ځل به یې چارې او بندیزونه د پخوا په څېر نه وي.
د ملا شیرین له لوري د تازه خپاره شوي مکتوب له لارې په انځور اخیستلو بندیز د طالبانو د ډلې د پخواني دريځ څرګندويي کوي.
