په هلمند کې د طالبانو له لوري د ۹ نيول شويو پخوانيو نظامیانو کورنۍ د عدالت غوښتنه کوي

تر دې مخکې فرانس خبري اژانس راپور ور کړ، چې د افغانستان د بدخشان ولایت په مرکز فیض اباد کې هوايي ډګر ته څېرمه د طالبانو پوځ کوټ کې چاودنه وشوه.

یوه طالب چارواکي له نوم پرته دې رسنۍ ته د چاودنې پخلی کړی، خو د مرګ ژوبلې په هکله یې څه نه دي ویلي.

له چاودنې وروسته طالبانو د پېښې ځای کلابند کړی دی.

له دې پېښې څو ساعته وروسته د بدخشان لپاره د طالبانو امنیه قومنداني وايي، چې دا چاودنه د جمهوریت له وخت د پاتې ماین له امله وه چې د دې ډلې د ۲۱۹ عمر ثالت فرقې ته څېرمه سړک کې چاودلی دی.

لا هم خپلواکو سرچینو د دې چاودنې د ډول او د مرګ ژوبلې په هکله څه نه دي ویلي.

فرانس خبري اژانس ته ځايي اوسېدونکو هم د چاودنې پخلی کړی او ویلي یې دي چې له هوايي ډګر نږدې دوه کیلومتره لرې دا چاودنه شوې ده.

عنايت الله الکوزي د سې شنبې په ورځ په خپله اېکس پاڼه ليکلي، چې د ادارو او وزارتونو ويبپاڼې نوې شوې او په نوې بڼه به وړاندې شي.

هغه زیاته کړه، چې اوسمهال د طالبانو د مخابراتو وزارت د ټولو وزارتونو پر ویبپاڼو کار کوي.

د طالبانو د مخابراتو وزارت ویاند ویلي دي، چې د ویبپاڼې د پرانستلو پر مهال د تېروتنې پیغام لیدل د هک کېدو په مانا نه دي.

د «افغانستان سایبر پوځ» په نوم د هیکرانو ډلې تر دې مخکې هم ادعا کړې وه، چې د طالبانو تر واک لاندې د باختر خبري اژانس په ګډون ځینې سایټونه یې هک کړي دي.

دغې ډلې د طالبانو له خوا د نجونو او ښځو پر زده کړو د بندیز په غبرګون کې خپل دغه اقدام اعلان کړی دی.

د طالبانو د بهرنیو چارو وزارت ویاند وايي، ښاغلي متقي دا خبرې له ترکمنستانه د ځمکې له لارې د ستنېدو پر مهال د فاریاب ولایت په اندخوی ولسوالۍ کې د دغه ولایت د څلورو ولسوالیو له مسوولانو او د سیمي له مخورو سره په کتنه کې وکړې.

حافظ ضیاء احمد تکل په ټولنیزو رسنیو کې د متقي د خبرو یوه برخه خپره کړې، چې پکې وایي:‍«د اندخوی لارې په هکله چې له اقینې سره وصل شوې، ما د ترکمسنان له حکومت سره په دې هکله ډېرې خبرې وکړې، له وزیرانو سره له خارجه وزیر او مشر سره یې. هوکړه وشوه چې کومه لار له اندخوی او اقینې تېرېږي نېغه ترکمن باشي ته ورسېږي چې هم له روسیې سره وصل شو هم له قزاقستان سره وصل شو او دا یوه ښه او غوره لار ده.»

نوموړی دا هم وايي، چې ترکمن چارواکو ور سره ژمنه کړې چې د افغان سوداګرو د اسانتیاوو لپاره په نېږدې راتلونکي کې د ترکمنستان خوا ته سړک نور هم جوړ کړي.
ښاغلی متقي د کب په ۶مه نیټه د طالبانو د کانونو او پټرولیم وزارت د مسوولینو، د وسپنې پټلۍ ادارې او د برېښنا شرکت د چارواکو د یوه پلاوي په مشرۍ ترکمنستان ته تللی و او ددغه هېواد له لوړپوړو چارواکو سره یې د دواړو هېوادونو ترمنځ د دوه اړخیزو اقتصادي، سیاسي او ټرانزیټي مسایلو په تړاو خبرې وکړې.

د طالبانو د بهرنیو چارو وزیر بیا په خپلو خبرو کې همداراز زیاته کړه، چې ګاونډي هېوادونه له دغې ډلې ډاډه دي او د ترکمن چارواکو له قوله یې ووېل، چې واک ته د طالبانو له رسېدو وروسته دغه هېواد د پولو په اړه اندیښنه نه لري.

اخوا په دغه سفر کې چې د طالبانو د صنعت او سوداګرۍ وزیر نورالدین عزیزي هم له متقي سره مل و، وایي چې افغانستان په سیمه کې په یوه صنعتي مرکز بدلېدلی شي.
نوموړی وایي، د طالبانو اداره بهرنیو سوداګرو ته د پانګونې لپاره اسانتیاوې هم برابرولی شي.
دا په داسې حال کې ده چې ترکمنستان به په نېږدې راتلونکې کې، د افغانستان د ګاونډیو هېوادونو د بهرنیو چارو وزیرانو د پنځمې غونډې کوربه وي.

زابلی وايي، چې دې کسانو شخصي هوټل درلود او مړه چرګان به يې په ارزانه بيه له معتادينو رانيول او تر پخولو وروسته به يې په لوړ قیمت پر خلګو پلورل.

دغه کسان هم په ویډیو کې مني چې مړه چرګان یې پر مشتریانو پلورل او طالب ځواکونو ونیول.

مالومه نه ده چې په کوم ډول شرایطو کې له دې کسانو دا اعتراف اخیستل شوی دی.

د روسیې د دفاع وزیر سرګي شایګو د کب اتمه د دغه هېواد له لوړپوړو پوځي چارواکو سره په کتنه کې افغانستان د منځنۍ اسیا لپاره تر ټولو ستر ګواښ وباله.

د طالبانو کورنیو چارو وزارت نن سې شنبه د (کب ۱۵مه) په ایکس پاڼه لیکلي چې د دغې ډلې د کورنیو چارو وزارت سرپرست سرالدین حقاني په خپلو خبرو کې د روسیې او افغانستان تر منځ د امنیتي اړیکو پر پياوړتيا هم ټینګار وکړ.

تېره اوونۍ د روسیې د دفاع وزیر ویلي و، چې د داعش اصلي هدف د ډله يیز امنیت د تړون د غړیو هېوادونو په سوېلي پولو کې د افراطي ایډیالوژۍ او ترهګریزو فعالیتونو خپرول دي.

هغه ويلي و: «په سیمه کې وضعیت لا هم ستونزمن دی؛ تر ټولو لوی ګواښ اوس هم له افغانستان څخه دی.»

د طالبانو کورنیو چارو وزارت زیاته کړې چې ‏دواړو لوریو د افغانستان او سيمې پر روان وضعيت هم خبرې کړې خو مشخص یې دا نه دي ويلي چې د سیمې پر وضعیت یې کومې خبرې کړې.

روانه اوونۍ یوه روسي ډيپلوماټ روسلان ستروګانوف ویلي و، چې مسکو له طالبانو سره په اړېکه کې دی او ترې غواړي چې د ټولګډونه اداري سیستم جوړولو برخه کې خپلې کړې ژمنې پر ځای کړي.

په کابل کې د روسیې سفارت د تېرې فبرورۍ میاشتې په ۱۸مه په قطر کې د افغانستان لپاره د ملګرو ملتونو د ځانګړي استازي ټاکل کېدو په غونډه کې د طالبانو د نه ګډون هرکلی کړی و.

کابل کې د روسیې سفارت د یوې خبرپاڼې له لارې په دوحه کې د طالبانو د نه ګډون پرېکړه پر ځای او د توجیه وړ بللې وه.