حوثي اورپکو په سور سمندرګي کې د امریکا پر دوو جنګي بېړیو بریدونه کړي
د یمن حوثي اورپکو په سور سمندرګي کې د امریکا دوه جنګي بېړۍ په نښه کړې دي. دغه بریدونه د سمندري توغندیو او بې پیلوټه الوتکو پر مټ شوي دي.
د یمن حوثي اورپکو په سور سمندرګي کې د امریکا دوه جنګي بېړۍ په نښه کړې دي. دغه بریدونه د سمندري توغندیو او بې پیلوټه الوتکو پر مټ شوي دي.
د دې ډلې د پوځ ویاند یحیی ساریه د سه شنبې په ورځ په یوه ټلویزیوني وینا کې وویل، حوثي اورپکو په خپلو یو لړ تازه بریدونو کې په سور سمندرګي کې د امریکا دوه جنګي بېړۍ یې په نښه کړې دي.
هغه ویلي، چې بېړۍ د یو شمېر سمندري توغندیو او بې پیلوټه الوتکو لهخوا په نښه شوې دي.
په سور سمندرګي کې د حوثیانو بریدونو نړۍوال لېږد، رالېږد ګډوډ کړی.
شرکتونه دې ته اړ شوي، چې د سویلي افریقا شاوخوا اوږدو او خورا ګران سفرونو ته مخه وکړي او وېره یې رامنځته کړې چې د اسراییل او حماس جګړه به منځنی ختیځ بې ثباته کړي.
