رویټرز: د روان کال په اګسټ کې به د اېس ای وي ویزو پروګرام ودرول شي
رویټرز راپور ورکړی، چې د امریکا د کډوالۍ ځانګړی پروګرام «اېس ای وي» د هغو افغانانو لپاره چې د متحده ایالاتو له حکومت سره یې کار کاوه د روان میلادي کال تر اګست میاشتې به ودرېږي.
رویټرز راپور ورکړی، چې د امریکا د کډوالۍ ځانګړی پروګرام «اېس ای وي» د هغو افغانانو لپاره چې د متحده ایالاتو له حکومت سره یې کار کاوه د روان میلادي کال تر اګست میاشتې به ودرېږي.
تر دې وړاندې د کانګرس لهخوا د ۳۸زره او ۵۰۰ د کډوالۍ د ځانګړو ویزو (اېس ای وي) د ورکړې اجازه ورکړل شوې وه.
تمه کېږي، چې راتلونکې اګست میاشتې پورې دغه پروګرام پای ته ورسیږي.
د امریکا د بهرنیو چارو وزارت ویاند متیو مېلر یوې غونډې ته ویلي:« موږ سره اوسمهال شاوخوا ۸۰۰۰ د اېس ای وي ویزې پاتې دي.»
هغه زیاته کړې:« موږ له کانګرسه وغوښتل، چې د نورو ویزو د ورکړې زمینه هم برابره کړي او موږ ته اجازه راکړي، چې د هغو افغانانو په وړاندې خپل مسوولیت ادا کړو، چې د متحده ایالاتو لپاره یې کار کړی او خپل ژوند یې له ګواښ سره مخامخ کړی دی.»
د راپور له مخې، لاهم په لسګونو زره افغانان دغه پروګرام ته د خپلو استول شویو غوښتنلیکونو د بشپړېدو په تمه دي.
په راپور کې راغلي، چې ۱۳۰زره غوښتنلیکونه لا تر اوسه نه دي چاڼ شوي.
د افغان اېواک پروژې مشر شان وانډیور وایي، چې د جرګې رییس مایک جانسن د وړاندیز په وړاندې خنډ جوړوي او «په یو اړخیز ډول د لسګونو زرو مستحقو افغانانو مخه نیسي.»
کانګرس په ۲۰۲۲کال کې د ۳۸زره او ۵۰۰ ویزو د ورکړې حکم صادر کړی و، ډیموکراتانو بیا تېر کال د دغو ویزو د شمېر زیاتول او د پروګرام د تمدید غوښتنه کړې وه؛ خو په جرګه کې جمهوري غوښتونکو ترې ډډه وکړه.
اوسمهال نه یوازې په افغانستان؛ بلکې په نورو ګاونډیو هېوادونو کې په سلګونه افغانان د خپلو غوښتنلیکونو د پروسس په تمه دي.
دغه نویو راپورونو د دغو افغانانو ترمنځ یوه نوې اندېښنه زېږولې، هر یو له دې وېره لري چې د دغې مودې ترپایه به یې غوښتنلیک پروسس شي او که به له دغه پروګرامه بې برخې پاتې کېږي.
د کډوالو په چارو کې د ملګرو ملتونو عالي کمېشنرۍ (يو این ایچ سي ار) دفتر نن پنج شنبه د (کب ۱۷مه) په خپله ایکس پاڼه لیکلي چې دغه ښوونځی یې هغو ځوانو زدهکوونکو ته جوړ کړی چې له دې وړاندې یې په یوه کرايي کور کې له څوکیو او مېزونو پرته زدهکړې کولې.
دغه دفتر وايي، یاد ښوونځی په لمرېزه برېښنا سمبال دی، او له لومړنیو اسانیاو برخمن دی، چې په دې سره به د زدهکړو بهیر په دغې سیمه کې وغوړيږي او د دې چارې مثبتې پایلې به څرګندې شي.
د کندهار لپاره د طالبانو د اطلاعاتو او کلتور ریاست مشر د دغې ډلې تر واک لاندې ملي ټلویزیون ته ویلي، چې د کندهار ښار د مرکز په نهمه ناحیه کې د ۳۱۷زره ډالرو په لګښت د یوه ښوونځي د ودانۍ جوړولو چارې بشپړې او ګټې اخیستنې ته سپارل شوی.
د دغه ریاست چارواکو زیاته کړې چې په ۱۶ درسي ټولګیو کې ۱۱۰۰ زدهکوونکو ته د زدهکړو زمینه برابره شوې.
د کندهار ځايي طالب چارواکي وايي یاد ښوونځی د نهو میاشتو په موده کې جوړ شوی، چې د ۱۶ درسي خونو په لرلو سره به په کې دوه وخته ۱۱۰۰ نجونې او هلکان زده کړې کوي.
د دغه ښوونځي د جوړولو او پرانیستې خبر داسې مهال ورکول کیږي چې په افغانستان کې واک ته د طالبانو له رسېدو وروسته له شپږم ټولګي پورته د نجونو پر زدهکړو د بندیز ۹۰۰ ورځې پوره شوې او دغه ډله وايي چې تر شپږم ټولګي پورته یې د نجونو پر زدهکړو ځکه بندیز لګولی چې د دوی لپاره د زدهکړو نوې تګلاره جوړوي خو دغه تګلاره د ۹۰۰ ورځو په تېرېدو لا هم نه ده بشپړه شوې.
