د اسراییلي ځواکونو په برید کې ۸۵ تنه فلسطینیان وژل شوي او د مړو شمېر له ۳۱ زرو واوښت

د رویټرز خبري اژانس د یکشنبې په ورځ راپور ورکړ، چې د ښوونځي مالک لیمان ابوبکر باکوسو وویل، چې وسله وال د ګیدان باکوسو په سوکوتو کلي کې ښوونځي ته ننوتل او په پرله پسې ډول یې ډزې پیل کړې، چې د پولیسو له رسېدو دمخه یې ۱۵ ماشومان وتښتول.

د دغه رپوټ له مخې؛ د سوکوتو د پولیسو ویاند احمد روفاعي تایید کړې ده، چې وسله والو په سیمه ییز وخت د سهار په یوه بجه د ګیدان باکوسو په کلي کې په یوه اسلامي ښوونځي حمله وکړه او ۱۵ تنه زده کوونکي یې وتښتول.

تر اوسه کومې ډلې د دې پېښې پړه پر غاړه نه ده اخيستې.

روفاعي وويل، چې په سيمه کې د لارو بندېدل او د ژغورنې عمليات له ننګونو سره مخ کړي دي.

هغه زیاته کړه: "دا یو لېرې پروت کلی دی، چې موټر نه شي تلای، پولیس باید په موټرسایکل کلي ته ولاړ شي."

پولیسو وویل، په نایجیریا کې د ښوونځي تښتونه معمول دي، په ځانګړې توګه له هغه وخته چې اسلامپالو اورپکو په ۲۰۱۴ کال کې په بورنو ایالت کې د ښوونځي له ۲۰۰ زیاتې نجونې وتښتولې، چې نړۍ ټکان وخوړه.

د پولیسو په وینا؛ وسله والو ډلو له هغه وخت راهیسې د ښوونځي زده کونکي د باجګیرۍ لپاره تښتولي او تر اوسه یې لږ تر لږه ۱۴۰۰ تنه تښتولي دي.

دوه ورځې وړاندې د نایجریا په شمال لویدیځ کې د کادونا په ایالت کې د ښوونځي ۲۸۷ زده کوونکي په موټرسایکل سپاره وسله والو وتښتول. په تښتول شویو کسانو کې لږ تر لږه ۱۰۰ ماشومان هم شامل دي، چې عمرونه یې تر ۱۲ کلونو پورې دي.

اندونيزيا د طبيعي پېښو پر وړاندې د مبارزې ادارې مشر دوني يوسريزال وويل: "تر اوسه پورې د ژغورنې ډلې د کوتو تاروسن په کلي کې اوه مړي موندلي او په ګاونډي کلي کې یې دوه مړي موندلي، لس نور لا هم تر خاورو لاندې دي."

هغه وويل، چې تر ٤٦٠٠٠ زيات کسان چې کورونه يې سېلابونو لاندې کړي وو، موقتي دولتي سرپناوو ته کډه شوي دي.

یوزریزال زیاته کړه، چې د برښنا بندیدو، بندو لارو او د خټو له امله د قربانیانو او ورکو کسانو د را ایستلو هڅې له خنډ سره مخ شوې دي.

هغه وویل، چې د جمعې په ورځ ناوخته له غره راپرېوتلې ونې او لویې ډبرې د لویدیځ سوماترا ټاپو په پاسیر سیلتان ولسوالۍ کې د غره کلیو ته را غورځېدلې دي.

دا لومړی ځل نه دی، چې په اندونیزیا کې د ځمکې ښویدنې او سیلابونو پیښې رامنځ ته کیږي، چې میلیونونه خلک په غرنیو سیمو یا نږدې میدانونو کې ژوند کوي.

د اندونیزیا د طبیعي پېښو پر وړاندې د مبارزې ادارې چارواکو ویلي، چې په ۲۰۲۳ کال کې په دغه هېواد کې د سختو بارانونو له امله د ځمکې ښویېدو له امله لږ تر لږه ۱۱ کسان وژل شوي او لسګونه نور لادرکه دي.

په پېښور کې پولیسو نن یکشنبه د (کب ۲۰مه) افغانستان انټرنشنل پښتو څانګې ته منلې چې د پېښور په بورډ بازار کې د ریکشاوو په تمځای کې په موټر سایکل کې د چاودېدونکو توکو د چاودنې له امله دوه تنه وژل شوي او یو تن ټپي دی.

پولیس وايي، دغه برید د پېښور پر وخت د سهار په اووه بجې شوی، چې په دغه سیمه کې ګڼې ګوڼه لږه وي.

پولیس وايي، کیدای شي دا یو ځانمرګی برید وي خو وايي اوس لا څیړنې روانې دي چې معلومه کړي دا پېښه څنګه شوې او هدف یې څه و.

پېښور کې پولیس وايي، په سیمه کې یې چانیز عملیات هم پیل کړي او هڅه کوي چې په دې اړه نور معلومات راټول کړي.

د دغه برید مسوولیت لا چا نه دی منلی.

ويل کیږي، چې نن له غرمې وروسته په پېښور کې د پاکستان تحریک انصاف عمران خان ګوند له لوري په ترسره شویو ټاکنو کې د شویو درغلیو په غبرګون کې یوه لویه غونډه جوړه کړي چې د عمران خان د ګوند ایالتي مشر او د خیبرپښتونخوا لپاره نوی ټاکل شوی اعلی وزیر علي امین ګنډاپور به هم پکې ګډون وکړي.

دا په تېرو وروستیو میاشتو کې په پېښور کې د خپل ډول لومړنۍ چاودنه ده چې کیږي.

تېر کال پر پاکستاني پولیسو د ځانمرګو او سړک غاړې بمي چاودنو څو پېښې شوې چې پولیسو ته یې مرګ ژوبله اړولې وه.

د پاکستان پوځ په یوه خپره کړې خبرپاڼه کې ويلي چې د عملیاتو پر مهال د امنیتي ځواکونو او وسله والو تر منځ جګړه هم شوې، چې په پایله کې یې ۱۰ وسله وال وژل شوي.

ټي ټي پي په دې اړه لا څه نه دي ويلي.

د پوځ په خبرپاڼه کې راغلي چې دغو وسله والو په سیمه کې د دولتي کارکوونکو او پولیسو په وژنو کې لاس درلود او په سیمه کې یې امنیتي خنډونه رامنځته کړي وو.

په شمالي وزیرستان کې په ټي ټي پي پورې تړلې د حافظ ګل بهادر ډله فعاله ده او ډیر کله د پاکستان پر پوځ او پولیسو بریدونه کوي.

پوځ وايي، اوس هم په دغې سیمه کې په ترهګرو پسې د پلټنې عملیات روان دي.

په سیمه کې خبریال او د حالاتو څارونکي لال وزیر افغانستان انټرنشنل پښتو څانګې ته ویلي چې په پاکستان کې تر سیاسي بدلون وروسته، د دغه هيواد پوځ په خیبرپښتونخوا ایالت کې پوځي عملیات ډیر کړي او وسله وال په نښه کوي.

په خېبر پښتونخوا او بلوچستان ایالت کې د پاکستان په امنیتي ځواکونو بریدونو او چاودنو یو ځل بیا زور اخیستی او وخت نا وخت په پاکستاني پوځ او پولیسو وسله وال بریدونه او چاودنې کیږي.

حوثي ډلې د نومبر له میاشتې راهیسې په غزې د اسراییلو د بریدونو په غبرګون کې او د فلسطینیانو سره د خپل پیوستون ښودلو په موخه، په سور سمندرګي کې پر سوداګریزو بیړیو بریدونه پیل کړي دي.

د دغې ډلې یو پوځي ویاند یحیی ساریه د شنبې په ورځ په یوې ټلویزیوني وینا کې وویل، چې دوی د ۳۷ بې پیلوټه الوتکو پر مټ په سور سمندرګي او د عدن په خلیج کې یوه بار وړونکې بیړۍ او د امریکا یو شمېر جنګي بېړۍ په نښه کړې دي.

د متحده ایالاتو مرکزي قوماندانۍ یا سینټکام د شنبې په ورځ ویلي، چې د امریکا سمندري بیړیو او الوتکو په سور سمندرګي کې د حوثیانو ۱۵ بې پیلوټه الوتکې نسکورې کړي دي.

سینټکام پر اېکس خواله رسنۍ خپرې کړې اعلامیه کې ویلي،‌ چې په محلي وخت د سهار ۰۴:۰۰ نه تر ۰۶:۳۰ بجو یې په عدن خلیج او سور سمندرګي کې د حوثې ډلې د لوی کچې برید ځواب کړی دی.‌

په دغه اعلامیه کې راغلي چې دغو بې پیلوټو الوتکو هڅه کوله چې په سیمه کې سوداګریزې بیړۍ، د متحده ایالاتو سمندري ځواکونو او ایتلافي بیړیو ته "یو احتمالي ګواښ" رامنځ ته کړي.

د فرانسې د پوځ په یوه اعلامیه کې ویلي، چې د فرانسې یوې جنګي بېړۍ او جنګي جټ الوتکو څلور جنګي بې پیلوټه الوتکې رانسکورې کړي چې په سیمه کې د اروپايي ماموریت اړوندو کښتیو په لور روانې وې.