طالبانو د کلات ښار پر دېوالونو د هبت الله اخوندزاده د ویناو لیکل پیل کړل
په زابل کې ولایت کې د طالبانو د اطلاعاتو او کلتور ریاست اعلان وکړ، چې د دې ډلې د مشر هبت الله اخوندزاده ویناوې او پیغامونه د کلات ښار په عامه ځایونو کې لیکي.
په زابل کې ولایت کې د طالبانو د اطلاعاتو او کلتور ریاست اعلان وکړ، چې د دې ډلې د مشر هبت الله اخوندزاده ویناوې او پیغامونه د کلات ښار په عامه ځایونو کې لیکي.
ددغه ریاست د اعلامیې له مخې، ټاکل شوې چې د هبت الله ویناوې او پیغامونه د ۳۰۰ مترو په اوږدوالي سره پر دېوالونو ولیکل شي.
په زابل کې د طالبانو د اطلاعاتو او کلتور ریاست د دوشنبې په ورځ (د وري ۱۳مه) په یوه اعلامیه کې لیکلي، چې د دې پیغامونو له لیکلو یې موخه «د ټولنې اصلاح او د افغاني او اسلامي فرهنګ په اړه د خلکو پوهول دي» تر څو ځوانان او خلک د ازادۍ او وطن پالنې په ارزښت پوه شي.د اعلامیې پر بنسټ؛ د هبت الله ویناوې او پیغامونه په بېلابېلو سیمو کې په ښکلي خط سره لیکل شوي دي او دا لړۍ په کلات ښار کې دوام لري.د یاد ریاست له لوري په خپرو شویو انځورونو کې لیدل کېږي، چې پر دېوالونو لیکل شوي دي "قران کریم د خدای قانون دی" او "عاليقدر امیرالمومنین د شهیدانو د اولادونو او کورنیو ښه کفالت کوي".په یوه بل ځای کې لیکل شوي: «مشرانو او کشرانو ځانونه په تقوا سمبال کړئ .»په دغه اعلامیه کې ویل شوي، چې د کلات ښار د ګرځندوی او کلتور رییس عبدالولي بشرمل په عامه ځایونو کې د دې ډول پیغامونو لیکل د «وطن پالنې او اسلام پالنې د ودې» لپاره مهم بولي.د نوموړي په وینا؛ دا ډول پیغامونه به د ځوانانو د مسوولیت منلو لامل شي.
