په غزني کې د ماین چاودنې له امله د ۹ ماشومانو له وژل کېدو وروسته د ملګرو ملتونو د ماشومانو د ملاتړ صندوق اعلان وکړ، چې افغانستان په نړۍ کې یو له هغو هېوادونو څخه دی، چې د چاودېدونکو توکو له امله تر ټولو ککړ هېواد دی.
یونېسف وایي، چې په افغانستان کې د ناچاودو توکو او ماینونو د چاودنې ډېری قربانیان ماشومان دي.
یادې ادارې د دوشنبې په ورځ (د وري ۱۳مه) په خپل اېکس کې د ماین چاودنو له امله په غزني کې د ۹ ماشومانو او په هرات ولایت کې د یوه بل ماشوم په وژل کېدو خواشیني څرګنده کړه.یونېسف لیکلي: «موږ د قربانیانو له کورنیو سره ژوره خواخوږي څرګندوو او ټپيانو ته د بېړنۍ روغتیا هیله کوو.»د ملګرو ملتونو د ماشومانو وجهي صندوق د ماین پاکولو د هڅو، د ماین د ګواښونو د زده کړې او له قربانیانو سره د مرستې لپاره په همکارۍ او ملاتړ ټینګار کوي.په غزني ولایت کې د طالبانو د اطلاعاتو او کلتور رییس حمیدالله نثار د دوشنبې په ورځ د دغه ولایت د ګیرو ولسوالۍ په ځدراڼ سیمه کې د ماین په چاودنه کې د پنځه نجونو او څلورو هلکانو د وژل کېدو خبر ورکړ.یونېسف د ۱۴۰۲ کال په وروستیو کې اعلان وکړ، چې موخه لري څو په افغانستان کې درې میلیونه او ۶۰۰ زره کسانو ته د ماینونو د ګواښونو په اړه پوهاوی ورکړي.په افغانستان کې د څو کلنو جګړو له امله اوس هم په ګڼو سیمو کې ماینونه او ناچاوده توکي شتون لري، چې له امله یې یو شمېر هېوادوالو په ځانګړې توګه ماشومانو ته مرګ ژوبله اوښتې ده.
له دغه روغتونه د اسراییلي ځواکونو تر وتلو وروسته په سلګونو خلکو چې له عملیاتو مخکې یې هلته پناه اخیستې وه؛ روغتون ته مخه کړه چې هلته اوښتی زیان وګوري او خپل وسایل تر لاسه کړي.
د اسراییل پوځ ویلي، چې د روغتون په سیمه کې یې د حماس سلګونه وسله وال وژلي او یا یې نیولي دي، وسلې او استخباراتي اسناد یې ترلاسه کړي، دوه سرتېري یې هلته په جګړه کې له لاسه ورکړي؛ خو هڅه یې کړې چې ملکي وګړو، ناروغانو او ډاکټرانو ته د زیان مخه ونیسي.
حماس او ډاکټران په روغتونونو کې د وسله والو شتون رد کړی دی.
په غزه کې د حماس د رسنیو دفتر ویلي؛ اسراییلي ځواکونو د الشفا روغتون شاوخوا سیمو کې نږدې ۴۰۰ فلسطینیان وژلي، چې په کې یوه ډاکټره مېرمن او د هغې زوی هم شامل دي او دغه طبي مرکز یې له فعالیته غورځولی دی.
اسراییل لا په دې اړه کوم غبرګون نه دی ښودلی.
د حماس د رسنیو د دفتر مشر اسماعیل الثوبته وویل: «اشغالګرو د الشفا طبي کمپلکس دننه ټولې ودانۍ ویجاړې کړې او سوځولي یې دي. هغوی انګړ پر بلډوزر ړنګ کړی، د لسګونو شهیدانو جسدونه یې په خټو کې ښخ کړي او دغه ځای یې په یوه ډله ییز قبر بدل کړ.»
د غزې د ملکي بېړنیو خدماتو یوه ویاند ویلي، چې اسراییلي ځواکونو دوه کسان په روغتون کې وژلي، چې جنازې یې هلته په داسې حال کې موندل شوي چې په لاسونو کې یې ولچکونه پراته وو.
په همدې حال کې اسراییلي ځواکونو د مړو د ښخولو لپاره په روغتون کې ځمکه په بیلدوزر کندلې او بیا یې مړي په ډله ییزه توګه وراچولي دي.
اسراییلي پوځ د دغو تورونو په اړه له څرګندونو ډډه کړې ده.