په ملګرو ملتونو کې د روسیې د استازي مرستیال دیمیتري پولیانسکي ويلي چې په دمشق کې د ایران په کونسلګرۍ د برید د غندلو لپاره، امنیت شورا کې د ایران له غوښتنې وروسته، مسکو په دې اړه له امنیت شورا د غونډې جوړولو غوښتنه وکړه او د دغې غونډې په جوړېدو هوکړه وشوه.
هغه زياته کړه، چې دغه غونډه به د سه شنبې په ورځ د سلواغې په ۱۴مه، د نيويارک پر وخت د ماسپښين په درېيو بجو جوړه شي.
له دې مخکې په ملګرو ملتو کې د ایران استازي د دغه «جنایتکارانه عمل» د غندلو او د «اسراییل د رژیم له خوا د نړیوالو نورمونو او اصولو د ښکاره خلاف ورزۍ» په اړه د بیړنۍ غونډې جوړېدو غوښتنه کړې وه.
د دوشنبې په ورځ په سوریه کې د ایران پر کونسلګرۍ د اسراییل په برید کې د سپاه پاسداران دوه قوماندانان او ورسره پنځه افسران ووژل شول.
