د سپاه پاسداران د عامه اړیکو دفتر د دوشنبې په ورځ وویل چې په سوریه کې د ایران پر کونسلګرۍ د اسراییل په برید کې د سپاه پاسداران دوه قوماندانان او پنځه افسران وژل شوي دي. سپاه پاسداران د دغو دوو قوماندانانو نومونه محمد رضا زاهدي او محمد هادي حاج رحیمي یاد کړي.
سپاه پاسداران زیاتوي، چې په دغه برید کې د حسین امان اللهي، مهدي جلالتي، محسن صداقت، علي اغا بابایي او علي صالحي روزبهاني په نومونو پنځه افسران وژل شوي دي.
له دې مخکې د ایران حکومت ته نږدې ځینو سرچینو خبر ورکړی و چې په سوریه او لبنان کې د سپاه پاسداران د قدس ځواک مشر حسین امین الله هم په دې پېښه کې وژل شوی.
په سوریه کې د ایران سفیر حسین اکبري ویلي دي چې د کونسلګرۍ پر ودانۍ په برید کې وژل شوي درې تنه په «سوریه کې د ایران حکومت له نظامي اتشو څځه وو. »
هغه وویل چې د اسراییل ایف ـ ۳۵جنګي الوتکو د څو توغندیو په ویشتلو سره د کونسلګرۍ پر ودانۍ برید وکړ.
