ایران ته د اسراییل د دفاع وزیر ځواب: موږ هر ډول سناریو او ګواښ ته چمتو یو

په ملګرو ملتونو کې د ایران سفیرې زهرا ارشادي د دوشنبې په ورځ (د وري ۱۳مه) له امنیت شورا څخه وغوښتل چې د دغه برید په اړه بحث وکړي او په راتلونکي کې د داسې اقداماتو مخه ونیسي، چې ډېپلوماټیک ماموریتونه له خطر سره مخامخ کوي.

ایران انټرنشنل د خپلو سرچینو په حواله ویلي؛ اسراییل د دوشنبې په ورځ (د وري په دیارلسمه) په دمشق کې د ایران پر کونسلګرۍ د برید او په دمشق کې د محمد رضا زاهدي او د سپاه پاسداران د نورو چارواکو د وژلو مسوول دی.

د ملگرو‌ ملتونو امنیت شورا په دغې غونډه کې امریکا، برېتانیا، فرانسې بیا ویلي، چې د سیمې‌ په بې ثباته کولو کې د ایران رول د منلو وړ نه دی او امریکا هم خبرداری ورکړی، چې ‌ایران او نیابتي ډلې یې باید له اسراییل سره خپلې جگړې ته زور ورنه کړي.

د افغانستان، سوریې، ترکیې او روسیه په ګډون ځینو نورو هېوادونو هم دغه برید غندلی او په سیمې کې یې د تاوتریخوالي د زیاتېدو په اړه اندېښنه څرګنده کړې ده.

په وروستیو میاشتو کې اسراییل په دمشق کې د سپاه پاسداران یو شمېر قوماندانان وژلي؛ خو دا لومړی ځل دی چې د ایران یوه ډېپلوماتیکه ودانۍ په نښه کېږي.

په هغو بېنرونو کې چې په تهران کې د سفارتونو مخې ته لګول شوي دي، په دمشق کې د ایران پر کونسلګرۍ له برید وروسته د غچ اخیستنې په هدف د پنځو اسراییلي چارواکو عکسونه او نومونه خپاره شوي دي.

په دغو بېنرونو کې د اسراییل د دفاع وزیر، د پوځ لوی درستیز او مرستیالان او د اسراییل د هوايي او سمندري ځواکونو قوماندانان شامل دي.

پر یادو بېنرونو د ټوپک د نښې سره دایره موجوده ده او ورسره لیکل شوي: "موږ انتقام اخلو".

د اسراییلي چارواکو پر دغو انځورونو د لښکر قدس نښه هم لګېدلې ده.

په سوریه کې د ایران پر کونسلګرۍ له برید یوه ورځ وروسته د ایران د اسلامي جمهوري دولت مذهبي مشر وویل، چې اسراییل به د دوی د «زړور ولس»له خوا مجازات شي.
سید علي خامنه یي په خپل اېکس کې لیکلي، چې د سپاه د غړو وژل کېدل د ایران لپاره سخت دي.

نوموړي د سې شنبه په ورځ دغه راز په اېکس کې زیاته کړې، چې محمد رضا زاهدي او محمد هادي حاجي رحیمي د اسراییل له خوا وژل شوي دي.

تېره ورځ د ایران د بهرنیو چارو وزیر انټوني بلېنکن هم ویلي وو، چې امریکا هڅه کوي په دمشق کې د ایران پر کونسلګرۍ د اسراییل د برید په اړه شواهد تر لاسه کړي.

تر اوسه اسراییل د دغه برید په اړه په رسمي ډول څه نه دي ویلي.

د مسکو په څنډه کې د کنسرت پر یوه تالار له وسله وال برید وروسته، چې لسګونه کسان په کې ووژل شول داعش یې پړه پر غاړه واخیسته.

امریکايي چارواکو ویلي، چې دا برید په افغانستان کې د داعش - خراسان څانګې کار و.

وروسته تر دې د روسیې ولسمشر ولادیمیر پوتین د مسکو په څنډه کې د کروکس په تالار کې د برید پړه پر «توندلارو اسلام پالو» واچوله.

د روسیې د ملي امنیت شورا منشي په قزاقستان کې د شانګهای سازمان د غړو هېوادونو د ۱۹مې غونډې په څنډه کې وویل، چې د کروکس ښار ترهګريزه حمله په ښه توګه تنظیم شوې وه.

هغه ټینګار وکړ، چې دا برید د «لویدیځو رسنیو له خوا پراخ او دمخه تنظیم شوی پوښښ» سره يو ځای و.

دغه روسي چارواکي زیاته کړه، چې دا ډېره مهمه ده چې ژر تر ژره د کراکس په ښار کې د ترهګريزې حملې د « د امر ورکوونکو او ملاتړو» پېژندنه وشي.

هغه په ​​کروکس تالار باندې د حملې په اړه د داعش د ادعا په اړه وویل: «مونږ باید په یاد ولرو، چې دغه ډله او نورې ترهګرې ډلې دواړه د امریکا له خوا رامنځته شوي دي.»

مخکي ولادیمیر پوتین ويلي وو: «موږ پوهیږو، چې دا جنایت د سخت دریځو اسلامپالو له خوا ترسره شوی او په خپله اسلامي نړۍ د پېړیو راهیسې د دوی ایډیالوژۍ سره مبارزه کوي.»

هغه دا هم وویل، چې امریکا هڅه کوي د مختلفو چینلونو له لارې ټول قانع کړي، چې اوکراین په دې «خونړي ترهګریز» برید کې هېڅ رول نه درلود او دا برید «د اسلام د پیروانو او په روسیه کې د منع شوې داعش ډلې غړو له خوا ترسره شوی.»

دغه وزارت له برید وروسته د یوې لویې سیمه ییزې جګړې د پیلېدو په اړه اندېښنه څرګنده کړه.

د دوشنبې په ورځ ایران د سوریې په پلازمینه کې د دوی پر قونسلګرۍ د برید پړه پر اسراییل واچوله؛ خو تل ابیب تر اوسه د پېښې پړه پر غاړه نه ده اخیستې.

دغه برید په دمشق کې د دوو لوړ پوړو ایراني جنرالانو له وژل کېدو وروسته په سیمه کې د شخړې احتمال زیات کړی دی.

د سې شنبې په ورځ د اسلامي شورا یو شمېر غړو د اسراییل د برید په اړه غبرګون وښود او ویې ویل چې حکومت یې باید پر وړاندې اقدام وکړي.

د ایران د پارلمان د ملي امنیت د کمېسیون مرستیال شهریار حیدري وویل، اسراییل ته باید «د اسلامي جمهوریت په شان» ځواب ورکړل شي؛ که نه نو د حکومت ملي اقتدار به تر پوښتنې لاندې راشي.

همدا راز اروپايي ټولنې هم د ایران پر کونسلګرۍ د برید د پایلو په اړه اندېښنه څرګنده کړې ده.

د اروپايي اتحادیې ویاند پیټر سټانو یوې خبري ناستې ته وویل: "په دې خورا کړکېچن سیمه ییز وضعیت کې، ډېر اړین دي چې زغم وښودل شي؛ ځکه چې په سیمې کې تاوتریخوالی نور د هیچا په ګټه نه دی.»

په تېر کې هم اسراییل په سوریې او لبنان کې د ایران سپاه پاسداران په قوماندانانو بریدونه کړي دي؛ خو مسوولیت یې نه دی منلی.

ایران تل ابیب ته د "سخت غچ اخیستنې" ګواښ کړی؛ خو تر اوسه د اسراییل پر وړاندې د ایران د غچ اخېستونکو بریدونو راپور نه دی ورکړل شوی.

د ایران انټرنشنل سرچینو د سې شنبې په ورځ څرګنده کړه، چې په سوریه کې د ایران د سپاه پاسدارانو په قوماندانانو باندې د اسراییل برید د اسراییل پر وړاندې د ایران او د هغې د نیابتي وسله والو د زیاتېدونکي او پرله پسې بریدونو په ځواب کې ترسره شوی چې پر ایلات سمندري اډې د بې پېلوټه الوتکې برید هم شامل دی.

د دغو سرچینو په وینا؛ اسراییل د دوشنبې په ورځ د وري په دیارلسمه په دمشق کې د ایران پر قونسلګرۍ د برید او په دمشق کې د محمد رضا زاهدي او د سپاه پاسداران د نورو چارواکو د وژلو مسوول دی.

د لندن ټایمز ورځپاڼې یوه راپور پر دغه برید او پر پایلو یې بحث کړی او لیکلي یې دي، چې د اسراییل دا اقدام دا انګېرنه زیاتوي، چې ښايي دغه هېواد له تهران سره په خپل منځي شخړه کې هره کړنه ترسره کړي.

په وروستیو میاشتو کې اسراییل په دمشق کې د سپاه پاسداران یو شمېر قوماندانان وژلي، خو دا لومړی ځل دی چې د ایران یوه دیپلوماتیکه ودانۍ په نښه کېږي.

ټايمز ليکلي، چې اوس ایران اړ دی چې ځواب ورکړي.

خو که ایران له اسراییل سره مخامخ مقابله وکړي؛ نو ډېر څه به له لاسه ورکړي.

له همدې امله ایران باید ډېر په پام سره ګامونه پورته کړي.

د دوشنبې په ورځ د اسراییل د اقدام علت څو ساعته وروسته له هغې څرګند شو چې د ایران په ملاتړ یوې عراقي ملېشې ډلې د ایلات په بندري ښار کې د اسراییل پر یوې پوځي اډې د بې پیلوټه الوتکې د برید مسوولیت په غاړه واخیست.

ټایمز زیاتوي، له امکان څخه لېرې ده، چې دغه برید دې بې له کوم پلانه ترسره شوی وي.

په دغه برید کې د کاناډا د سفارت ودانۍ په ګډون د کونسلګرۍ د ودانۍ شاوخوا ودانیو ته زیان نه دی اوښتی. دا جوته ده چې د برید لپاره ښه معلومات راټول او ښه پلان شوی و.

د دغه برید په پایله کې د لبنان د حزب الله غړی په ګډون محمد رضا زاهدي او د هغه مرستیال محمد هادي حاجي رحیمي ووژل شول.

زاهدي هغه کس دی، چې په سوریه او لبنان کې یې د ایران د پوځي او استخباراتي عملیاتو څارنه کوله.

د دغه رپوټ له مخې تهران باید اوس خپل مقاومتي ځواک وښیي. لکه څنګه چې په ۲۰۲۰ کې د امریکا له خوا د قاسم سلیماني له وژل کېدو وروسته ، په عراق کې یې د امریکا پر یوې اډې بمبار وکړ.

که څه هم امکان لري چې اوس هم تهران پرېکړه وکړي چې د اسراییل یو دیپلوماتیک مرکز له خپلې خاورې بهر په نښه کړي، خو ډېر احتمال شته چې اسراییل به د دغه ډول اقدام په ځواب کې د ایران پر خاوره مستقیم برید وکړي.

له بلې خوا؛ ایران ښايي دې پایلې ته ورسیږي چې اسراییل دا برید د ایران د نیابتي ځواکونو په ځانګړې توګه د حزب الله د مخنیوي لپاره کړی. په داسې حال کې به د تهران ښه غچ دا وي چې خپلې همدې لارې ته دوام ورکړي.