د بښنې نړۍوال سازمان وایي، پاکستان باید د افغان کډوالو د اېستلو په برخه کې د نړۍوالو غوښتنې له پامه و نه غورځوي. دغه سازمان د یوې خبرپاڼې په خپرولو سره، له کوچني اختر وروسته په ناقانونه توګه له پاکستانه د افغان کډوالو د اېستلو پر پلان اندېښنه څرګنده کړې ده.
په بښنې نړۍوال سازمان کې د کډوالو او پناه غوښتونکو د حقونو مسوول جېمز جینیون ویلي:« د افغان کډوالو په برخه کې د پاکستاني چارواکو بې غوري د ځورونې، د بشري حقونو جدي سرغړونو او بشري ناورین چې د طالبانو تر کنټرول لاندې افغانستان ته د شړلو له امله ورسره مخامخېږي، زړه ماتوونکې ده.»
هغه وایي، د دې پر ځای چې د پاکستان حکومت د دغې لړۍ د درولو لپاره پرله پسې نړۍوالو غوښتنو ته غوږ ونه نیوو؛ اوس یې د اېسيسي کارټ لرونکو افغانانو د اېستلو لړۍ هم غځولې ده.
هغه زیاته کړې، د پاکستان د "بې اسناده بهرنیانو د ستنولو پلان" د کډوالو او د بشري حقونو د نړۍوال قانون څخه سرغړونه ده او د ټولو افغان کډوالو ژوند هم له ګواښ سره مخ کوي.
ښاغلي جینیون ویلي، دغه پرېکړه په ټول پاکستان کې د ۸۰۰زرو افغان کډوالو ژوند له ګواښ سره مخامخوي.
نوموړی خبرداری ورکوي، چې د پاکستان دغه اقدام د روژې له میاشتې وروسته به د ځورونې او توقیف یوه بله څپه راپورته کړي.
دغه سازمان وایي، چې د پاکستان لهخوا د "بې اسناده بهرنیانو د ستنولو پلان" د کډوالو او د بشري حقونو د نړۍوال قانون او اصولو څخه سرغړونه ده.
د دغه سازمان په وینا، د پاکستان دغه اقدام د ټولو افغان کډوالو ژوند په ځانګړې توګه د ښځو، نجونو، خبریالانو، لاریون کوونکو، هنرمندانو، د پخواني حکومت کارکوونکو او د بشري حقونو د مدافعینو ژوند له ګواښ سره مخامخوي.
دغه سازمان په نیوکې سره ویلي، چې د حکومت پرېکړه هم رڼه نده او په خپله خوښه د اېسيسي کارټونو اعتبار لغوه کوي، کوم چې په خپله د پاکستان حکومت لهخوا ورکړل شوي دي.
دغه سازمان لیکلي:« موږ پر پاکستاني چارواکو غږ کوو، چې سملاسي دې دغه پرېکړه بېرته واخلي او په سملاسي توګه دې په هېواد کې د کډوالو د حقونو د ساتنې لپاره د بشري حقونو له اړخه قانون تصویب کړي.»
نوموړي زیاته کړې، چې احمد هنایش پر پښو او سر زخمي شوی او دا مهال په روغتون کې تر درملنې لاندې دی.
یاد خبریال د پېښې د نوعیت په اړه څه ونه ویل او نه هم د پاکستان حکومت په رسمي ډول د دغې پېښې په اړه څه ویلي دي.
په ټولنیزو شبکو کې د احمد هنایش پر وینو ککړ تصویر خپور شوی او د ټولنیزو شبکو کاروونکو ویلي، چې د نوموړي روغتيايي وضعیت نازک دی.
احمد هنایش چې نېږدې شل کاله یې له ازادي راډیو سره په کابل او پروان کې د خبریال په توګه کار کاوه، د جمهوري دولت له سقوط وروسته اسلام اباد ته کډوال شوی و.
نوموړی نه یوازې دا چې د ازادي راډیو خبریال و، بلکې په پروان او پنجشېر ولایتونو کې یې دوه سیمه ییزې راډیو ګانې هم لرلې.
تر اوسه ازادي راډیو هم په رسمي ډول د خپل خبریال د ټپي کېدو په اړه څه نه دي ویلي.
