په کونړ او فراه ولایتونو کې د وروستیو ورښتونو له امله ۱۴ کسانو ته مرګ ژوبله اوښتې ده
د طالبانو تر کنټرول لاندې باختر اژانس خبر ورکړی، چې د وروستیو ورښتونو له امله په فراه ولایت کې پنځه او په کونړ ولایت کې څلور کسان مړه او دوه نور ټپیان شوي دي.
د طالبانو تر کنټرول لاندې باختر اژانس خبر ورکړی، چې د وروستیو ورښتونو له امله په فراه ولایت کې پنځه او په کونړ ولایت کې څلور کسان مړه او دوه نور ټپیان شوي دي.
په کونړ ولایت کې د پېښو پر وړاندې د طالبانو د مبارزې مدیریت وايي، چې په دغه ولایت کې د سېلابونو او ورښتونو له امله ۶ کسانو ته د مرګ ژوبلې سربېره خلکو ته مالي زیانونه هم اوښتې دي.
په کونړ ولایت کې د پېښو پر وړاندې د طالبانو د مبارزې مدیر احسان الله وویل، چې د دغه ولایت په دانګام، اسمار، شیګل، ناړۍ، غازي اباد، مره ورې، نرنګ، چپې درې، پیج او شلتن ولسوالیو او مرکز اسداباد کې د پرله پسې سېلابونو او ورښتونو له امله ۴ کسان مړه شوي او دوه نور ټپیان دي.
د هغه په وینا، دغو سېلابونو تر دې دمه په کونړ ولایت کې۳۰۶ کورونه ویجاړ کړي، ۱۴۲ څاروي یې له منځه وړي او ۶۴ کیلومتره سړک، دوه جوماته، یوه مدرسه، دوه ښوونځي، ۲۳ سربندونه، ۱۸ پلچکونه او ۳۵۶ جریبه کرنیزې ځمکې او فصلونه یې هم زیانمن کړي دي.
د یوه بل خبر له مخې، په فراه ولایت کې هم د پرله پسې ورښتونو او سېلابونو له امله ۵ کسان مړه شوي او ۲۰۳ څاروي تلف شوي دي.
په فراه ولایت کې د طبیعي پېښو پر وړاندې د طالبانو د مبارزې مشر مولوي محمد اسراییل سیار ویلي، چې د دغه ولایت په مرکز او ټولو ولسوالیو کې د سختو ورښتونو او سېلابونو له کبله ۵ کسان وژل شوي، ۲۰۳ څاروي له منځه تللي، ۹۵ کورونه او ۴۳۸۰ جریبه کرنیزې ځمکې ویجاړې شوې دي.
له بل پلوه د طالبانو پېښو ته د رسېدو وزارت ویاند ویلي، چې وروستيو سېلابونو ۶۶ کسان مړه کړي او ۳۶ نور يې ټپيان کړي دي.
دغه وزارت ویلي، په دغو سېلابونو کې ۶۰۰ څاروی تلف شوي او ۱۲۳۶ کورنه هم ویجاړ شوي دي.
دغه وزارت په یوې خپرې شوې خبرپاڼه کې لیکلي، چې په افغانستان کې د ملګرو ملتونو ادارو په یوې ناسته کې ډاډ ورکړی؛ چې له سېلاب ځپلو سره د بېړنیو اړتیاوو له پوره کولو وروسته به د دوی لپاره دایمي کورونه جوړ کړي.
اغلې نوري د لومړي ځل لپاره د اوشن ګلوب سیالیو په دویم پړاو کې سفر وکړ.
هغې په فبرورۍ میاشت کې په خپله فیسبوک پاڼه کې د دغه سفر په اړه ولیکل:« خوشحاله یم، چې په دغه نه باورېدونکي سفر کې چې ټولې نړۍ ته یې لرم، د نجونو د زدهکړو مهم پیغام له ځانه سره لېږدوم.»
هغې زیاته کړه:« د افغانستان په ښایسته غرونو کې رالویه شوې او د میدن په بېړۍ چلولو کې له تمې خلاف او زړه راښکوونکی سفر کوم.»
میدن فکټور د اډوارز ټریسي بېړۍ نوم دی. هغې په ۱۹۸۹-۱۹۹۰ کال کې «د ویتنبرد د نړۍوالو سیالیو بهیر» کې د هغې بېړۍ مشري کوله، چې ټولې کارکوونکې یې مېرمنې وې.
د ټولو مخالفتونو او جنسیتي توپیر سره، سره ټریسي او د هغې ډلې د ټولو سختو شرایطو په منلو د نړۍ د بېړۍ چلولو په سیالیو کې دویم مقام ګټلی و.
دا د بېړۍ چلولو سیالیو کې د مېرمنو لپاره تر ټولو سخت پیل و.
له هغې وروسته میدن چې اوسمهال یې په نوم دغه سازمان هم جوړ شوی، د نجونو د ځواکمنولو لپاره په ټوله نړۍ کې په یو ستر بنسټ بدل شوی او له نړۍوالو څخه د نجونو د زدهکړو لپاره پیسې راټولوي.
هغې د میدن په بېړۍ کې یوه سپینه دړه په لاس کې نیولې، چې په کې لیکل شوي: «نوروز مبارک، د افغانستان او د هېواد د مېرمنو د ازادۍ په هیله.»
نجیبه نوري په قوم هزاره او د افغانستان د بامیانو ولایت اوسېدونکې ده، چې دا مهال کډواله شوې.
هغې په کډوالۍ کې دا موکه موندلې، چې د بېلابېلو هېوادونو له مېرمنو سره ګډ سفر وکړي؛ خو د هغې په شان نورې نجونې په افغانستان کې په ډېرې سختۍ سره کولای شي له کوره بهر لاړې شي او د زدهکړو او کار کولو حق هم نه لري.
د میدن بېړۍ د هغو ۱۴ بېړیو څخه یوه وه، چې د سپټمبر په ۱۰مه یې خپل سفر له بریټانیا څخه پیل کړ.
دغې بېړۍ ۴۳ زره کیلو مټره لار ووهله او د پنځمې بېړۍ په توګه وروستۍ کرښې ته ورسېده.
