د هواپوهنې اداره: په ۱۴ ولایتونو کې نن د سختو ورښتونو، تالندې او سېلابونو د راوتو اټکل شوی
د طالبانو تر کنټرول لاندې د هواپوهنې اداره وایي، چې په ۱۴ ولایتونو کې یې نن چهارشنبه (د وري ۲۹مه) د سختو ورښتونو، تالندې او سېلابونو د راوتو اټكل کړی دی.
د طالبانو تر کنټرول لاندې د هواپوهنې اداره وایي، چې په ۱۴ ولایتونو کې یې نن چهارشنبه (د وري ۲۹مه) د سختو ورښتونو، تالندې او سېلابونو د راوتو اټكل کړی دی.
د طالبانو د هواپوهنې اداره وایي، چې نن په هرات، فراه، نیمروز، هلمند، کندهار، زابل، پکتیکا، خوست، پکتیا، غزني، بامیان، دایکندي، ارزګان او غور ولایتونو کې یې د سختو ورښتونو، تالندې او سېلابونو د راوتو اټکل کړی دی.
دا په داسې حال کې ده، چې وروستیو ورښتونو د افغانستان په بېلابېلو برخو کې خلکو ته مالي او ځاني زیانونه اړولي دي.
له بل پلوه د طالبانو پېښو ته د رسېدو وزارت ویاند ویلي، چې وروستيو سېلابونو ۶۶ کسان مړه کړي او ۳۶ نور يې ټپيان کړي دي.
ملا جانان سایق وايي، همدغو سېلابونو کې ۶۰۰ څاروی تلف شوي او ۱۲۳۶ کورنه هم ویجاړ شوي دي.
دغه وزارت په یوې خپرې شوې خبرپاڼه کې لیکلي، په افغانستان کې د ملګرو ملتونو ادارو په یوې ناسته کې ډاډ ورکړی چې له سېلاب ځپلو سره یې د بېړنیو اړتیاوو له پوره کولو وروسته د دوی لپاره دایمي کورونه هم جوړ کړي.
