تېره ورځ ناوخته د (وري ۲۸مه) د ترکیې پولیسو په چناق قلعه ښار کې د استوګنې له اسنادو پرته د ۳۳ افغان کډوالو د نیولو خبر ورکړی. پولیسو ویلي، چې د دغه هېواد د ځواکونو په عملیاتو کې یې یو بل کس د «انساني قاچاق» په تور نیولی دی.
ترکي رسنیو هم راپور ورکړی، چې د کډوالو قاچاق د مخنیوي ادارې او د دغه هیواد د پولیسو د استخباراتو څانګې د ګډو عملیاتو په پایله کې د چناق قلعه په ښار کې لسګونه افغان کډوال په یوه پوسته کې تر پلټنو وروسته پېژندلي او نیولي دي.نیول شوي افغان کډوال د ایواجیک په نوم مرکز ته لیږدول شوي او په پام کې ده چې له ترکیې وایستل شي.د ترکیې پولیسو ویلي، چې د دوی ځواکونو په دغو عملیاتو کې له نیول شویو کسانو څخه یو موټر، ۱۳ د ژغورنې واسکټونه، ۳۳ زره لېرې او دوه سوه ډالره هم نیولي.په ترکيه کې د استوګنې له اسنادو پرته د کډوالو د پېژندلو، نيولو او شړلو بهير په چټکۍ روان دی، او د روانې اوونۍ د يکشنبې په ورځ پوليسو په موګلا ښار کې تر ۵۰ زيات افغان پناه غوښتونکي نیولي وو.
اغلې نوري د لومړي ځل لپاره د اوشن ګلوب سیالیو په دویم پړاو کې سفر وکړ.
هغې په فبرورۍ میاشت کې په خپله فیسبوک پاڼه کې د دغه سفر په اړه ولیکل:« خوشحاله یم، چې په دغه نه باورېدونکي سفر کې چې ټولې نړۍ ته یې لرم، د نجونو د زدهکړو مهم پیغام له ځانه سره لېږدوم.»
هغې زیاته کړه:« د افغانستان په ښایسته غرونو کې رالویه شوې او د میدن په بېړۍ چلولو کې له تمې خلاف او زړه راښکوونکی سفر کوم.»
میدن فکټور د اډوارز ټریسي بېړۍ نوم دی. هغې په ۱۹۸۹-۱۹۹۰ کال کې «د ویتنبرد د نړۍوالو سیالیو بهیر» کې د هغې بېړۍ مشري کوله، چې ټولې کارکوونکې یې مېرمنې وې.
د ټولو مخالفتونو او جنسیتي توپیر سره، سره ټریسي او د هغې ډلې د ټولو سختو شرایطو په منلو د نړۍ د بېړۍ چلولو په سیالیو کې دویم مقام ګټلی و.
دا د بېړۍ چلولو سیالیو کې د مېرمنو لپاره تر ټولو سخت پیل و.
له هغې وروسته میدن چې اوسمهال یې په نوم دغه سازمان هم جوړ شوی، د نجونو د ځواکمنولو لپاره په ټوله نړۍ کې په یو ستر بنسټ بدل شوی او له نړۍوالو څخه د نجونو د زدهکړو لپاره پیسې راټولوي.
هغې د میدن په بېړۍ کې یوه سپینه دړه په لاس کې نیولې، چې په کې لیکل شوي: «نوروز مبارک، د افغانستان او د هېواد د مېرمنو د ازادۍ په هیله.»
نجیبه نوري په قوم هزاره او د افغانستان د بامیانو ولایت اوسېدونکې ده، چې دا مهال کډواله شوې.
هغې په کډوالۍ کې دا موکه موندلې، چې د بېلابېلو هېوادونو له مېرمنو سره ګډ سفر وکړي؛ خو د هغې په شان نورې نجونې په افغانستان کې په ډېرې سختۍ سره کولای شي له کوره بهر لاړې شي او د زدهکړو او کار کولو حق هم نه لري.
د میدن بېړۍ د هغو ۱۴ بېړیو څخه یوه وه، چې د سپټمبر په ۱۰مه یې خپل سفر له بریټانیا څخه پیل کړ.
دغې بېړۍ ۴۳ زره کیلو مټره لار ووهله او د پنځمې بېړۍ په توګه وروستۍ کرښې ته ورسېده.