له مزارشریفه ځینو سرچېنو افغانستان انټرنشنل ته وویل، په دغه نندارتون کې چې نن سه شنبه د (غويي ۲۵مه) پرانیستل شو، شاوخوا ۳۰ زره کتابونه نندارې ته اېښودل شوي او دغه نندارتون به د اوو ورځو لپاره د کتونکو پر مخ پرانېستی وي.
سره له دې چې طالبانو وار د مخه په یوشمېر کتابونو بندیزونه لګولي، ښايي په دغه نندارتون کې هم هغو کتابونو ته اجازه نه وي ورکړل شوي، له کومو سره چې طالبان حساسیتونه لري.دغو سرچېنو دا خبره هم افغانستان انټرنشنل پښتو ته وکړه، چې له دغه نندارتونه نجونې او مېرمنې لیدنه نه شي کولای او یوازې د نارینهو لپاره پرانېستل شوی دی.د بلخ ولایت په ټوله کې او بیا د مزارشریف ښار په ځانګړې توګه د علم، فرهنګ او پوهې ټاټوبی یادېږي او ځوانان یې هم تر نورو ښارونو زیات د لیک لوست او مطالعې لېواله دي؛ خو په دغه ښار کې کتاب پلورونکي وايي، چې له تېرو شاوخوا درېیو کالو را په دې خوا د دوی د کتاب د خرڅلاو بازارونه ساړه شوي او ډېر خلک یې د کمزوري افتصاد له امله هم کتاب اخیستلو ته زړه نه ښه کوي.
