کرملین ماڼۍ وايي، د روسیې ولسمشر ولادیمیر پوتین د پنجشنبې په ورځ د چین د ولسمشر شي جین پینګ په بلنه بېجینګ ته ځي. دا د روسیې په ولسمشریزو ټاکنو کې له بیا ټاکل کېدو وروسته د ښاغلي پوتین لومړنی بهرنی سفر دی.
کرملین ماڼۍ نن په یوه اعلامیه کې لیکلي: «ولادیمیر پوتین د چین د ولسمشر شي جین پینګ په بلنه د دوه ورځني سفر دغه هېواد ته ځي.»
روسیې او چین په ۲۰۲۲ کال کې چین ته د پوتین د سفر پر مهال اوویل، چې دواړه هېوادونه «بې ه قید او شرطه» له یو بل سره همکار دي او چین ته د پوتین سفر هم د دغو دوو نړیوالو قدرتونو ترمنځ د دوه اړخیزو اړیکو ژوروالی ښيي.
ښاغلی پوتين به په دغه سفر کې د پخواني شوروي اتحاد له خوا د چين د رسمیت پېژندلو د ۷۵مې کليزې په مناسبت په ځانګړي جشن کې هم ګډون وکړي.
