د بښنې نړۍوال سازمان: د پاکستان حکومت دې په دغه هېواد کې پر اېکس شبکې لګېدلی بندیز لرې کړي
د بښنې نړۍوال سازمان وایي، پاکستان د ۲۰۲۴ کال د فبرورۍ په ۱۷مه په دغه هېواد کې پر اېکس (پخواني ټویټر) بندیز ولګاوه چې نن یې درې میاشتې پوره شوې.
د بښنې نړۍوال سازمان وایي، پاکستان د ۲۰۲۴ کال د فبرورۍ په ۱۷مه په دغه هېواد کې پر اېکس (پخواني ټویټر) بندیز ولګاوه چې نن یې درې میاشتې پوره شوې.
دغه سازمان نن جمعه په اېکس پاڼه لیکلي:« دغه بندیز داسې مهال دوام لري، چې حکومت د ډیجیټل ازادۍ د لا محدودولو لپاره ځیني نوي وړاندیزونه اعلان کړي دي.»
دغه سازمان لیکلي، د پاکستان حکومت باید د بیان د ازادۍ حق خوندي وساتي او دغې شبکې ته دې لاسرسی سمدستي فعال کړي.
تر دې وړاندې د خبریالانو خوندیتوب کمېټې هم په پاکستان کې اېکس خواله رسنۍ ته د خلکو د لاسرسي پر کمېدو اندېښنه څرګنده کړې وه.
په پاکستان کې د وروستیو ټاکنو په هکله د درغلیو او پرضد یې د لاریونونو د پیلېدو سره هممهاله د روان کال په قبرورۍ میاشت کې پر دغه شبکې بندیز ولګېد، چې تراوسه هم دوام لري.
