سرچېنې وايي، د طالبانو د پلاوي یو غړی وارث سیغاني چې د خبرو اترو لپاره اوسلو ته تللی و، له خپل استوګنځي څخه تښتېدلې دی. ځینو سرچېنو ویلي، چې ښاغلی سیغاني جرمني ته تللی دی.
دغه ناسته د مدنې ټولنې د استازو او د طالبانو د غړو تر منځ جوړه شوې وه.
د طالبانو یو شمېر غړي او سیاسي څېرې له سه شنبې ورځې د غويي له ۲۵مې را په دې خوا د درې ورځو لپاره د افغانستان په اړه په خبرو اترو لګیا وو.دغه ناسته د ناروې د بهرنیو چارو وزارت په بلنه جوړه شوې وه او سرچېنو یې په اړه افغانستان انټرنشنل ته وویل، چې دواړه خواوې په افغانستان کې د بشري حقونو او د دغه هېواد د راتلونکي په اړه سره غږېدلې دي.د افغانستان لپاره د ملګرو ملتونو ځانګړي راپور ورکوونکي ومنله، چې په اوسلو کې یې د یو شمېر افغان فعالانو سره خبرې اترې کړې دي.ریچارد بېنېټ د دغې دوه ورځینۍ ناستې په اړه زیات مالومات نه دي شریک کړي.ښاغلي بېنېټ ویلي، په دغه ناسته کې د افغان مېرمنو ګډون یو ځلې بیا هغه ته هیلهمندي وربخښلې.د سیاسي فعالانو او د طالبانو د پلویانو په ډله کې په کاناډا کې د افغانستان پخواني سفیر عمر صمد، د ملت ګوند مشر جعفر مهدوي، د کابل پوهنتون استاد فیض الله ځلاند، د ګلبدین حکمتیار په مشرۍ د حزب اسلامي لوړپوړی غړي کریم امین او د افغانستان په ولسي جرګه کې د غرني ولایت پخواني استازي قیوم سجادي برخه لرله.د دوی تر څنګ په کابل کې د المپیک د ملي کمېټې مشر او د طالبانو غړي نظر محمد مطمین او په پخواني حکومت کې د حج او اوقافو وزیر فیض محمد عثماني هم برخه لرله.
