اسپانیا: هغه اسپانویان مو له افغانستانه اېستي، چې په وروستۍ پېښه کې زیانمن شوي وو
د اسپانیا د بهرنیو چارو وزارت ویلي، ټول هغه اسپانویان یې له افغانستان واېستل چې په «وروستۍ ترهګریز برید» کې زیانمن شوي او یا هلته پاتې وو.
د اسپانیا د بهرنیو چارو وزارت ویلي، ټول هغه اسپانویان یې له افغانستان واېستل چې په «وروستۍ ترهګریز برید» کې زیانمن شوي او یا هلته پاتې وو.
د اسپانیا د بهرنیو چارو وزیر خوزه مانویل البارس (د غبرګولې په دویمه نېټه) پر خپلې اېکس پاڼه لیکلي:« د اسپانیا د بهرنیو چارو وزارت د بېړنیو قونسولي او د اروپایي ټولنې د بهرنیو چارو د خوندیتوب له څانګو مننه کوم، چې په دې برخه کې یې مرسته او همکاري کړې.»
تېره اوونۍ د بامیانو په ښار کې پر بهرنیو سېلانیانو د برید له امله درې تنه اسپانوي وګړي وژل شوي او یو تن یې ټپي شوی و، دا رنګه په ټپیانو کې یو تن یې د اسټرالیا، یو یې د ناروې او یو بل کس یې د لېتوانیا اوسېدونکی و.
له هغه مهاله چې طالبانو پر افغانستان ولکه ټینګه کړې پر بهرنیو وګړو ډېر لږ بریدونه شوي، له همدې امله د بامیان طبیعي ښکلاو او لرغونو سیمو ګڼ بهرني سېلانیان ورمات کړي وو.
خو د دغه برید وروسته د روسیې په ګډون ګڼو هېوادونو له خپلو خلکو وغوښتل، چې افغانستان ته دې له سفر کولو ډډه وکړي.
