ټرمپ وایي، که ولسمشر شي فلسطین پلوي محصلین به له امریکا وباسي
د امریکا پخواني ولسمشر ډونالډ ټرمپ ویلي که چېرې یو ځل بیا ولسمشر شي، د دغه هېواد له پوهنتونونو څخه به فلسطین پلوي محصلین وباسي.
د امریکا پخواني ولسمشر ډونالډ ټرمپ ویلي که چېرې یو ځل بیا ولسمشر شي، د دغه هېواد له پوهنتونونو څخه به فلسطین پلوي محصلین وباسي.
واشنګټن پوسټ ورځپاڼې د سې شنبې په ورځ له ډونالډ ټرمپ سره په جلسه کې د حاضرو کسانو له قوله راپور ورکړی، چې ټرمپ له خپلو پلویانو سره ویلي، چې بهرني اعتراض کوونکي زده کړیالان به د دې خبرې په اورېدلو خپل چلند بدل کړي.
د امریکا پولیسو په کراتو په سلګونه فلسطین پلوي زده کړیالان له بېلابېلو پوهنتونو څخه نیولي چې لاریونونه یې کول.
امریکا یو له هغو هېوادونو څخه دی، چې فلسطین یې لا په رسمیت نه دی پېژندلی.
دا مهال د ملګرو ملتونو د ۱۹۳ غړو هېوادونو له ډلې ۱۴۰ هېوادونه فلسطین په رسمیت پېژني.
