نواز شریف یو ځل بیا د مسلم لیګ ن ګوند مشر وټاکل شو

واشنګټن پوسټ ورځپاڼې د سې شنبې په ورځ له ډونالډ ټرمپ سره په جلسه کې د حاضرو کسانو له قوله راپور ورکړی، چې ټرمپ له خپلو پلویانو سره ویلي، چې بهرني اعتراض کوونکي زده کړیالان به د دې خبرې په اورېدلو خپل چلند بدل کړي.

د امریکا پولیسو په کراتو په سلګونه فلسطین پلوي زده کړیالان له بېلابېلو پوهنتونو څخه نیولي چې لاریونونه یې کول.

امریکا یو له هغو هېوادونو څخه دی، چې فلسطین یې لا په رسمیت نه دی پېژندلی.

دا مهال د ملګرو ملتونو د ۱۹۳ غړو هېوادونو له ډلې ۱۴۰ هېوادونه فلسطین په رسمیت پېژني.

رویټرز خبري اژانس د عیني شاهدانو له قوله راپور ورکړی، چې د اسراییل د پوځ ټانکونه د رفح مرکز ته له درې اونۍ هوايي عملیاتو وروسته رسېدلي، چې نړۍوال مخالفتونه یې راپارولي دي.

د اسراییل پوځ درې اونۍ وړاندې پر رفح خپل بریدونه پیل کړل او په لنډه موده کې یې د دغه ښار ختیځې سیمې ونیولې؛ خو د دغه هېواد پوځ تر اوسه په بشپړه توګه د دغه ښار په نیولو نه دی توانېدلی.

عیني شاهدانو رویټرز خبري اژانس ته ویلي، چې د سې شنبې په ورځ په زروب سیمه کې د اسراییلي ځواکونو او حماس تر منځ وسله واله نښته وشوه.

دغه خبري اژانس د عیني شاهدانو له قوله لیکلي: «د اسراییل پوځ له لېرې په زغره والو ټانکونو کې د داخلېدو حرکت کړی او په شاوخوا کې یې د عسکرو د شتون نښې نه لیدل کیږي.»

تر اوسه د اسراییلي پوځ ویاند په دې اړه څه نه دي ویلي.

رویټرز همدا راز راپور ورکړی، چې اسراییلي ټانکونو او جنګیالیو د دوشنبې په ماښام او د سې شنبې په ورځ په رفح ښار کې پر هدفونو بریدونه وکړل.

د یکشنبې په شپه په رفح کې د فلسطیني کډوالو پر یوه کمپ د اسراییل هوايي برید د نړۍوالې ټولنې له پراخو نیوکو سره مخ شو.

­­په دغه برید کې ۴۵ فلسطینیان وژل شوي دي.

د دغه امنیتي تړون له مخې؛ بلجیم اوکراین ته ۳۰ F-۱۶ جنګي الوتکې ورکوي.

ولادیمیر زېلینسکي په اېکس ټولنیزه شبکه کې په یوه یادښت کې لیکلي: "په دې تړون کې د بلجیم څخه سږکال اوکراین ته لږ تر لږه ۹۷۷ ملیون یورو نظامي مرسته شامله ده او همدارنګه د لسو کلونو لپاره د اوکراین سره د مرستې ژمنه هم شامله ده."

د اوکراین ولسمشر د دغه تړون د لاسلیک لپاره د بلجیم پلازمېنې بروکسل ته تللی دی.

اوکراین هم د دوشنبې په ورځ له هسپانیې سره دوه اړخیز امنیتي تړون لاسلیک کړ.
د دې موافقې له مخې؛ هسپانیه به اوکراین ته تر ۲۰۲۴ کال پورې د یو میلیارد یورو په ارزښت پوځي تجهیزات ورکوي.

په دې وروستیو کې د امریکا د بهرنیو چارو وزارت له اوکراین سره د ۲۷۵ میلیونو ډالرو نوې پوځي مرستې اعلان وکړ.

جروزالم پوسټ په یوه راپور کې لیکلي، چې په دې پېښه کې لږ تر لږه یو مصري سرحدي ساتونکی وژل شوی دی.

په دې پيښه کې اسراييلي پوځيانو ته زيان نه دى اوښتى.

دغې رسنۍ د اسرايیلي پوځ د سرچینو له قوله لیکلي، چې د مصر سرحدي ساتونکو پر اسراییلي ځواکونو ډزې وکړې، چې وروسته اسراییلي پوځیانو ځوابي ډزې وکړې.

له دې پېښې وروسته د اسراییلي پوځ چارواکو له مصري چارواکو سره اړیکه ونیوله، چې د ډزو مخه ونیسي.

د اسراییل پوځ رسنیو ته ویلي، چې د دې پېښې په اړه به له مصري چارواکو سره خبرې او څېړنې وکړي.

په سیمه کې سرچینو افغانستان انټرنشنل پښتو ته وويل، چې دغه مخامخ جګړه تېره شپه د (غبرګولي شپږمه) د خیبر ولسوالۍ د تېرا په ادم خيلو کې د پاکستان پوله ساتو ځواکونو یا ایف سي پر پوسته د یوې ډلې وسله والو لخوا شوې چې په پایله کې یې د ایف سي پنځه عسکر وژل شوي او شپږ ټپیان دي.

په دغې جګړه کې تر اوسه پورې د شپږو وسله والو د وژل کېدو خبره هم کیږي.

د دغه برید مسوولیت د ټي ‌ټي پي وسله والې ډلې منلی او ادعا یې کړې چې د پاکستان پوځ ګڼ عسکر یې وژلي او ټبیان کړي دي.

په پاکستان کې د لشکر اسلام وسله والې ډلې هم په یوه بیان کې ویلي چې له ټي ټي پي سره یې په ګډه دغه برید کړی او پاکستاني پوځ ته یې ګڼه مرګ ژوبله اړولې ده.

تر اوسه پورې پاکستاني پوځ په دې اړه څه نه دي ویلي خو د دغه پوځ د خواله رسنیو ځینو ادرسونو د جګړې خبره کړې او د مرګ ژوبلې شمېرې یې نه دي خپرې کړې.

ځینې نور نا تایید شوي خبرونه وايي، چې په دغه برید کې د پاکستان د پوځ ۱۱ عسکرو ته مرګ ژوبله اوښتې.

د خیبرپښتونخوا په خیبر دره کې اوس همد لشکر اسلام منګل باغ وسله واله ډله فعالیت کوي، دغه ډله په سیمه کې په سخت دریځۍ او ترهګرۍ پیژندل شوې ډله یادیږي.