د ۲۰۲۴ م کال د ۲۰ اوره نړيوال جام لومړۍ سيالي به سبا د کوربه امریکا او کاناډا کرېکټ لوبډلو ترمنځ په دالاس کې تر سره شي. افغانستان به په دې نړيوالو سياليو کې خپله لومړۍ لوبه د راتلونکې سې شنبې به ورځ له یوګانډا سره کوي.
افغانستان کرېکټ بورډ او لوبغاړو هم په دې سياليو کې د ښه لوبېدو لپاره د پوره چمتوالي خبر ورکړی.
افغانستان په سي ګروپ کې د یوګانډا، نیوزیلنډ، پاپاو نیوګېني او وېسټ انډيز سره سيالۍ لري.
د افغانستان دویمه سيالي د جون پر اتمه له نيوزیلنډ، درېیمه پر ۱۴مه نېټه له پاپ اونیوګېني یا پياېنجي او څلورمه لوبه به د جون میاشتې پر ۱۸مه له ویسټ انډيز سره کوي.
پاکستان به بیا د پنج شنبې په ورځ د جون په ۶مه په خپله لومړۍ سيالۍ کې د امریکا کرېکټ لوبډلې سره بخت ازمويي.
خو پاکستان بيا د جون مياشتي په ۹مه نېټه په خپله دوهمه سيالۍ کې د هند کرېکټ لوبډلې سره مخ کيږي.
د رسنيو د معلوماتو له مخي، چې د پاکستان او هند د همدې سيالۍ ټول ټکټونه پلور شوي او د ټکټ بیه دوه برابره لوړه شوې ده.
د ۲۰۲۴م د نارينه و کرېکټ ۲۰ اوره نړيوال جام سيالۍ په امریکا او ويسټ اينډيز کې تر سره کيږي.
دغه سيالۍ سبا پيليږي، چې شاوخوا يوه مياشت وخت به ونيسي.
په دې سيالیو کې ۲۰ لوبډلې برخه لري او په ۴ ګروپونو ويشل شوي دي.
هره لوبډله به دوهم پړاو ته دتګ لپاره حداقل درې لوبې ګټي او یا به یې د ګروپ نمرې تر نورو لوړي وي.
